విష కుచముల

 ఏ మహనీయతాగరిమ నెవ్వరు నన్ను ననుగ్రహింతురో?

ఏ మధురాక్షరామృతమునెవ్విధి నాకు లభింప నిత్తురో

ఏ మది నున్న దివ్య పరమేశ్వరు సత్కృప నన్ను బ్రోచునో

ఆ మహితాత్మతత్వవిదు లందరికిన్ నతులందఁజేసెదన్.


 విష కుచముల దరిజేరుచు
మృషలాడుచు పాలనిచ్చు మృగమతి చంపున్
మిష దైత్యుల వధకును అని౼
మిష, రక్షకును నాందిపల్కు మేటివి కృష్ణా!

బృందావన చారణ మా
నందమ్ముగ సల్పుచుండు నందాత్మజ నీ
చిందుల పరమార్థము తో
చం దమమతి భక్తిభావ చందనమున్నే!

కాళీయుని పడగలపై
క్రాలం బాదాలముద్ర గావించిన నీ
లీలే గతి భావింతుము
క్రాలుం గారుణ్యవార్థి గాచెడు కృష్ణా!

యదుకుల బాలుండనగా
పదిలముగానుండి గోపబాలుర మధ్యన్
పదునాల్గు లోకపాళిని
సదమలకృప బ్రోచు సాధుసన్నుత కృష్ణా!

రాయప్రోలు సీతారామశర్మ భీమవరం.