శివపార్వతులమధ్య వ్యత్యాసము!
కవిసామ్రాట్ విశ్వనాధ!
11. నీవో యౌవనమూర్తి వౌదు వసురానికంబు మ్రదించు శి
క్షావైశద్యము పొల్చు నీతనువు నీశా! అన్నపూర్ణాంబికా
దేవిం జూచిన వృద్ధవోలె మదికిన్ దీపించు దాంపత్య మీ
భావం బెవ్వఁ డెఱుంగు శైలతనయా ప్రాణేశ! విశ్వేశ్వరా
ఓ విశ్వేశ్వరా! పార్వతీప్రాణనాథా!
ఈశా!
నీవా- అసురసమూహములను శిక్షించు స్పష్టతగల యౌవనము
గల శరీరముగలవాడవు.
అన్నపూర్ణమ్మతల్లియో- తలపండినవృద్ధ!అనిపించును.
మీదాంపత్య రహస్యంబెరిగినవాడెవ్వరయ్యా?!
దేవదేవుడవు.
సదాత్రిదశులకు ఆదిదేవుడవు.
యౌవనముగూడుగట్టినదొరవి.
రాక్షసశిక్షా దక‌్షుడవు. వారినిమ్రందించుబలశాలివి.
కనుక యౌవనము రూపుగట్టిన దార్ఢ్యమునీది!
ఇక అన్నపూర్ణమ్మ --
శ్రీనాథుడనినట్లు---
"వేదపురాణశాస్త్రపదవీనదవీయసియైన పెద్దముత్తైదువ!"
యుగయుగాలుగాఎందరు జీవులకో ప్రాణదాత్రియై తలపండిన వృద్ధ!
తిలతండులన్యాయమునచెప్పదగు కేశపాశమనినాడు కవిసార్వభౌముడు!
కాశీ క్షేత్రంలో శివునికే‌అన్నభిక్ష ఇడిన మహామాత- అన్నపూర్ణాదేవి!
ఎంత వింత దంపతులుమీరు!
విశ్వేశ్వర శతకము-
రసజ్ఙభారతి సౌజన్యంతో!
కామెంట్‌లు లేవు:
కామెంట్‌ను పోస్ట్ చేయండి