_శ్రీ లక్ష్మీ దేవి కవచం_

 *_శ్రీ లక్ష్మీ దేవి కవచం_*

మహాలక్ష్మ్యాః ప్రవక్ష్యామి కవచం సర్వకామదం

సర్వపాప ప్రశమనం దుష్ట వ్యాధి వినాశనమ్

గ్రహపీడా ప్రశమనం గ్రహారిష్ట ప్రభంజనం

దుష్టమృత్యు ప్రశమనం దుష్ట దారిద్ర్య నాశనమ్

పుత్త్ర పౌత్ర ప్రభజనంప్రజననం వివాహప్రద మిష్టదం

చోరారి హారి జపతా మఖిలేప్సిత దాయకమ్

సావధాన మనా భూత్వా శృణు త్వం శుక సత్తమ

అనేక జన్మ సంసిద్ధి లభ్యం ముక్తి ఫలప్రదమ్

ధనధాన్య మహారాజ్య సర్వసౌభాగ్య కల్పకం

సకృత్స్మరణ మాత్రేణ మహాలక్ష్మీః ప్రసీదతి

క్షీరాబ్ది మధ్యే పద్మానాం కాననే మణిమంట పే

తన్మధ్యే సుస్థితాం దేవీ మనీషిజన సేవితామ్

సుస్నాతాం పుష్పసురభి కుటిలాలక బంధనాం

పూర్ణేంద్రు బింబ వదనా మర్ధచంద్ర లలాటికామ్

ఇందీవరేక్షణాం కామ కోదండ భ్రువ మీశ్వరీం

తిల ప్రసవ సంస్పర్ధి నాసికాలంకృతాం శ్రియమ్

కుంద కుట్మల దంతాళిం బంధూకాధర పల్లవాం

దర్పణాకార విమల కపోల ద్విత యోజ్జ్వలామ్   

రత్నాంగదాది లలిత కర్మపద్మ చతుష్టయామ్

కమలే చ సుపత్రాఢ్యే హ్యభయం దధతీమ వరం

రోమరాజి కలా చారు భుగ్న నాభి తలోదరీమ్

పట్టవస్త్ర సముద్భాసి సునితంబాది లక్షణాం

కాంచన స్తంభ విభ్రాజ ద్వర జానూరు శోభితామ్

స్మర కాహలికా గర్వహారి జంఘాం హరిప్రియాం

కమఠీ పృష్ట సదృశ పాదాబ్జాం చంద్ర సన్నిభామ్

పంకజోదర లావణ్య సుందరాంఘ్రి తలాం శ్రియం

సర్వాభరణ సంయుక్తాం సర్వలక్షణ లక్షితామ్

పితామహ మహాప్రీతాం నిత్యతృప్తాం హరిప్రియాం

నిత్యం కారుణ్య లలితాం కస్తూరీ లేపి తాంగికామ్

సర్వమంత్ర మయీం దేవీం పద్మనాభ కుటుంబినీం

ఏవం ద్యాత్వా మహాలక్ష్మీం పఠే త్తత్కవచం పరమ్

ధ్యానం

ఏవం న్యంచ్యం నతిక్షమం మమ పరం చాకుంచ్య పాదంబుజం

మధ్యే విష్టర పుండరీక మభయం విన్యస్త హస్తాంబుజం

త్వాం పశ్యేమ నిషేదుషీమనుకలం కారుణ్య కూలంకష

స్పారాపాంగ తరంగ మంబ మధురం ముగ్ధం ముఖం బిభ్రతీమ్

మహాలక్ష్మీః శిరః పాతు లలాటం మమ పంకజా

కర్ణే రక్షే ద్రమా పాతు నలినే నలినాలయా

నాసికా మవతా దమబా వాచం వాగ్రూపిణీ మమ

దంతా నవతు జిహ్వాం శ్రీ రధరోష్టం హరిప్రియా

చుబుకం పాతు వరదా గళ గంధర్వ సేవితా

వక్షః కుక్షింకరౌ పాయుం పృష్ఠమవ్యాద్రమా స్వయమ్

కటిమూరు ద్వయం జాను జంఘం పాతు రమా మమ

సర్వాంగ మింద్రియం ప్రాణా న్పాయా దాయాసహారిణీ

 

సప్తధాతూన్ స్వయం చాపి రక్తం శుక్రం మనో మమ

జ్ఞానం బుద్ధిం మహోత్సాహం సర్వం మే పాతు పంకజా

మయాకృతం చ యత్కించి త్తత్సర్వం పాతు సేందిరా

మమాయు రవతా లక్ష్మీం భార్యాం పుత్తాంశ్చ పుత్త్రికాః

మిత్రాణి పాతు సతత మఖిలాని హరిప్రియా

పాతకం నాశయేలక్ష్మీః మమారిష్టం హరేద్రమా

మమారి నాశనార్దాయ మాయా మృత్యుం జయే ద్బలం

సర్వాభీష్టం తు మే దద్యాత్పాతు మాం కమలాలయా

య ఇదం కవచం దివ్యం రమాత్మా ప్రయతః పఠేత్

సర్వసిద్ధి మవాప్నోతి సర్వరక్షాం తు శాశ్వతమ్

దీర్ఘాయుష్మా న్భవే న్నిత్యం సర్వసౌభాగ్య కల్పకం

సర్వజ్ఞ స్సర్వదర్శీచ సుఖదశ్చ సుఖోజ్జ్వలః

సుపుత్త్రో గోపతి శ్శ్రీమాన్ భవిష్యతి నమః సంశయః

తద్గృహేన భవేద్భహ్మన్ దారిద్ర్య దురితాదికమ్    

నాగ్నినా దహ్యతే గేహం నమః చోరాద్యై శ్చ పీడ్యతే

భూత ప్రేత పిశాచాద్యాః సంత్రస్తా యాంతి దూరతః

 

లిఖిత్వా స్థాపయే ద్యత్ర తత్ర సిద్ధి ర్భవే ద్ద్రువం

నాపమృత్యు మవాప్నోతి దేహంతే ముక్తిభాగ్భవేత్

ఆయుష్యం పౌష్టికం మేధ్యం ధన్యం దుస్స్వప్న నాశనం

ప్రజాకరం పవిత్రం చ దుర్భిక్షార్తి వినాశనమ్

చిత్తప్రసాద జననం మహామృత్యు ప్రశాంతిదం

మహారోగ జ్వర హరం బ్రహ్మహత్యాది శోధనమ్  

మహాధన ప్రదం చైవ పఠితవ్యం సుఖార్ధి భిః

ధనార్థీ ధన మాప్నోతి వివాహార్ధీ లభే ద్వాధూమ్

విద్యార్థీ లభతే విద్యాం పుత్త్రార్థీ గుణ్వ త్సుతం

రాజ్యార్థీ రాజ్య మాప్నోతి సత్య ముక్తం మయా శుక

ఏతద్దేవ్యా ప్రసాదేన శుకః కవచ మాప్తవాన్

కచవానుగ్రహేణైవ సర్వా న్కామా నవాప సః 

*_శుభ శుభోదయం_*