*శ్రీ అన్నమయ్య సంకీర్తన*
🕉️🌞🌏🌙🌟🚩
ప ఇదియె నాకు మతము ఇదివ్రతము | వుదుటుల కర్మము వొల్లనింకను
చ|| నిపుణత హరినే నిను శరణనుటే | తపములు జపములు ధర్మములు |
నెపమున సకలము నీవే చేకొను | వుపమల పుణ్యము లొల్ల నే యింకను ||
చ|| హరి నీదాసుడ ననుకొనుటే నా | పరమును ఇహమును భాగ్యమును |
ధర నీ మాయల తప్పు తెరువులను | వొరగీ సుకృతము లొల్లనే ఇంకను ||
చ|| నారాయణ నీ నామము దలచుట | సారపు చదువులు శాస్త్రములు |
ఈరీతి శ్రీవేంకటేశ నిన్నుగొలిచితి | వూరక ఇతరము లొల్ల నే యింకను ||
🕉️🌞🌏🌙🌟🚩
కామెంట్‌లు లేవు:
కామెంట్‌ను పోస్ట్ చేయండి