*ముసలాయన స్వగతం*
➖➖➖✍️
(కవిత)
*కళ్ళజోడు
బాగుచేయించమంటే
ముసలాడివి
నీకెందుకు
నువ్వేమయినా
చదువుకోవాలా
పరీక్షలు రాయాలా
అని
చికాకు పడే
పెద్ద కొడుకు !
*నిజమే
నేను
ముసలాడిని
అయిపోయాను !!
*చిరిగిన చొక్కా
చూపించి
కొత్తవి కొనమంటే
ముసలాడివి
ఊరేగాలా
ఊళ్ళేలాలా
దానికే
కుట్టు వేసుకో
అని
ఈసడించిన
చిన్నకొడుకు !
*అవును
నేను
ముసలాడిని
అయిపోయాను !!
*మనవడికి
చదువు
చెబుదామంటే
నీకు
తెలీదులే తాతా
అని
తీసి పడేస్తాడు !
నేను
చదివిన
రెండు ఎమ్మేలు
వాడి ముందు
ఏమీ కాకుండా
పోయాయి !
ఆవు
చే లో మేస్తే
దూడ
గట్టున మేస్తుందా !!
వాడికి
ఏదైనా
మంచి
చెప్పబోతే
వినిపించుకోడు
పైగా
నాది
నసట
నాదగ్గర
ముసలివాసనట
అది వాడికి
అసహ్యమట !
*అవును
నేను
ముసలాడిని
అయిపోయాను !!
*బజారుకెళ్ళొచ్చి
కాఫీ ఇమ్మంటే
కుదరదు మావయ్యా
అని
చీదరించుకునే
చిన్న కోడలు !
*నాది
ముసలి వాసనేనని
నాకప్పుడు
బోధపడింది !!
*గమ్మత్తు
ఏమిటంటే
మిట్ట మధ్యాహ్నం
ఎండలో
పెద్ద మనవడి
స్కూలుకెళ్ళి
కేరేజి
అందించి
వచ్చినప్పుడు
*నేను
ముసలాడిని కాను !!
*చంటివాడికి
జ్వరం వచ్చినప్పుడు
అర్ధరాత్రి
డాక్టరు దగ్గరికి
మోసుకెళ్ళినప్పుడు
*నేను
ముసలాడిని కాదు !!
*రోజూ
ఆఖరి మనవడిని
పక్క వీధి లో
స్కూలు బస్సు
ఎక్కించి వచ్చినప్పుడు
*నేను
ముసలాడిని కాదు !!
*చిన్నప్పుడు
వాళ్ళు
తప్పు చేస్తే
వాళ్ళని
దండించేవాడిని
ఇప్పుడు
నేను మాట్లాడేది
వాళ్ళకి
తప్పు
అనిపించి
నన్ను
చీదరించుకుంటున్నారు !
*వాళ్ళకి
నా అవుసరం
లేనప్పుడు
నేను
ముసలాడిలాగ
కనబడతాను !
వాళ్ళకి
నా అవుసరం
ఉన్నప్పుడు
నేను
వాళ్ళకి
ముసలాడిని కాదు !!
*నాకు
మునుపటిలాగ
సంపాదన లేదు !
చాలీచాలని
అరకొర పెన్షను !
నేనెవరికి కావాలి ?
నాకు నేనే
అక్కరలేని
బ్రతుకు నాది !
*నిజమే
నేను
ముసలాడిని
అయిపోయాను మరి !!!✍️
రచన: “సింహం”
30-8-2021
గమనిక: పైన ఉదహరించిన బాధల లాంటి బాధలు పడుతున్న
వృద్ధులందరికీ ఈ కవిత అంకితం.——— ఇట్లు, వంక సంజీవరావు విజయలక్ష్మి.
. *సర్వం శ్రీకృష్ణార్పణమస్తు*
🌷🙏🌷
🙏లోకా సమస్తా సుఖినోభవన్తు!🙏
🍀🌺🍀🌺🍀🌺🍀🌺🍀🌺🍀
*రేపటి తరానికి బతుకు, భద్రత లతోపాటు భారతీయత కూడా నేర్పండి.*
➖▪️➖
ఇలాటి మంచి విషయాలకోసం…
*గ్రూప్“* లో చేర్చమని ఈక్రింది నెంబరుకి వాట్సప్ లో మెసేజ్ పెట్టండి...
9493906277
లింక్ పంపుతాము.🙏
కామెంట్‌లు లేవు:
కామెంట్‌ను పోస్ట్ చేయండి