శివానందలహారీ

 🙏శివానందలహారీ🙏

భృంగీశ్వ రిచ్చకు నంగీకరించియు

             తాండవా సక్తాన తనరునట్టి

గజముఖ దనుజుని గర్వంబు నణచియు

            దివ్యత్వమున్ ప్రసాదించి నట్టి

మోహినీ రూపంబు ముదమార పొందిన

           మాధవు నందున మగ్ను డైన

ఓంకార నాదాన నొనరంగ గూడియు

            శ్వేత దేహమునందు చెలువు యున్న

యసమశరుని దివ్య యారాధనంబున

             విభవంబు తోడను వెల్గునట్టి

యమరుల రక్షించ నాసక్తి గల్గియు

             భువనంబులను సదా బ్రోచు నట్టి

అరయ శ్రీశైలమందున స్థిరము యున్న

రాజితుండగు శ్రీ భ్రమరాధిపుండు

విమలమైనట్టి నా మనోకమలమందు

కరుణతోడను విహరించు గాక నెపుడు.      51***

కరుణామృతంబును గురిపించు చుండియు

           ఘన విపత్తుల నుండి గడుపు వాని

సద్విద్యలనియెడి సస్యంబులకు తగు

          నిర్వృత్తి ఫలముల నిచ్చు వాని

విద్వాంసు లమరులు విమలదీక్షను బూని

            సేవించు చుందురు శిష్టమతిని

భక్తాళి భవుచెంత పలు భంగిమల యందు 

            తన్మయ నాట్యమున్ సల్పుచుండు

చంద్ర శిఖరాన కదలెడి జటల తోడ

నీలి మేఘంబు చాట్పున నెగడు నిన్ను

చపల మగు నాదు మదియను చాతకమ్ము

చూడ నిరతంబు వాంఛించు చుండు స్వామి !  52 #         

     ✍️గోపాలుని మధుసూదన రావు 🙏