గరికపాటి వారికి

💐గరికపాటి వారికి అభినందనచందనాలు💐

వ్యవధానములు లేని యవధానముల సాగి 

          కవనాల పండించి కవుల మించి 

ప్రవచనామృతధార రంగరింపులలోన 

          సంస్కృతీవిలువల సందడించి 

వాగ్వైభవము జూపి వాణికిం బ్రియమౌచు 

          వఱలెడు ప్రియవాచి వందితాంఘ్రి! 

గౌతమీ తీర్థాలఁ గడుపారగాఁ గ్రోల 

          గలిగెనో పాండితీగరిమ మీకు 

లలితవిన్యాసభూషిత తెలుగుభాష 

మెచ్చి యిచ్చె *పద్మశ్రీ* ని యిచ్చగించి 

మిమ్ము గన్న గర్భమ్ము సతమ్ముఁ బొంగు 

భారతావని భాగ్యమ్ము పరిఢవిల్లు 

*~శ్రీశర్మద*