కుండలేశ్వరం

 🈸🈸🈸🈸🈸🈸🈸🈸🈸         

            *కుండలేశ్వరం*

*శ్రీ పార్వతీ కుండలేశ్వర స్వామి*

🈸🈸🈸🈸🈸🈸🈸🈸🈸

*కోనసీమలో గల ముమ్మిడివరం సమీపంలోని వృద్ధ గౌతమీ నదీ తీరంలో వెలిసిన క్షేత్రం కుండలేశ్వరం.*

*సూర్యభగవానుని కుండలము ఆకారంలో ఇక్కడ ఈశ్వర లింగాన్ని గౌతమ మహాముని ప్రతిష్టించారు. బ్రహ్మాండ పురాణం లో గౌతమి మహాత్మ్యంలో ఈ క్షేత్రము గూర్చి వ్యాస మహాముని 15వ శ్లోకములో 103వ అధ్యా యములో వర్ణించారు. బ్రహ్మదేవుడు నారద మహామునితో ఈ క్షేత్రం గురించి చెప్పినట్లుగా ఉంది.*

*గౌతమముని తీసుకొచ్చిన గోదావరి నది ప్రవహస్తూ సముద్రం కేసి గంభీరంగా వెళుతుంది. ఆ సమయంలో సముద్ర ఘోషవిని కోపంతో పాతాళలోకంలో ప్రవేశించి ఈ సముద్ర దేవుడిని భేదించాలి అనుకుంది గోదావరి.*  

*ఈ ఆలోచనలు పసిగట్టిన సముద్రుడు కుండలాలను, పూజాద్రవ్యాలను పళ్లెంలో ఉంచి గౌతమి నదికి ఎదురెళ్లి సాష్టాంగ నమస్కారం చేసి గోదారమ్మ మొక్కి నా మీద కోపం వద్దు శాంతించి తన వేగాన్ని తగ్గించు కోమని కోరాడు. సూర్య భగవానుడి తేజస్సుతో మెరుస్తున్న ఈ కుండలాలను నీకు బహుమతిగా ఇస్తానని, లోగడ వరుణదేవుడు తపస్సు చేసి సూర్యుదేవుడి అనుగ్రహంతో వీటిని పొందాడని తెలియజేసాడు. దీనితో గోదావరి శాంతించింది.*

*సముద్రుని కోరిక మేరకు కుండలేశ్వర క్షేత్రంలో వీటిని దేవతల కొరకు వృద్ధ గౌతమీ నది గర్భంలో ఆలయం, మానవుల కోసం గ్రామంలో ఒక కుండల లింగాన్ని గౌతమ మహాముని స్ధాపించారని చెబుతారు.*

*కాశీలోని గంగ నరులు చేసిన పాపాలను తనలో స్నానమాచరించి ప్రక్షాళన చేసుకుంటుంటే ఆ పాపాల నివారణకు హంస రూపంలో వచ్చి కుండలేశ్వర క్షేత్రంలోని వృద్ధ గౌతమీ నదిలో స్నానమాచరిస్తుందని ఇక్కడ క్షేత్ర మహాత్మ్యం,.*

*ఇప్పటికి అర్థరాత్రి వేళ క్షేత్రం సమీపంలోని నదిగర్భం నుండి ఓంకారనాదాలు, భజనలు వినిపిస్తాయని అక్కడ అందరితో పాటు ఆలయ అర్చకులు తెలిపారు.*

*కుండలేశ్వర క్షేత్రం గురించి శంకరాచార్య కృతకమైన చంద్రశేఖర అష్టకములో ఈ స్వామిని *కుండలీ కృత కుండలేశ్వర అని మార్కండేయులు ధ్యానించారు.*

*మంగళాష్టకములోని ఒక శ్లోకములో ”కుండలపతి” అని చెప్పబడుచున్నది. 15వ శతాబ్దిలో శ్రీనాథ మహాకవి తన కాశీ ఖండము లోని భీమఖండములోను ఈ క్షేత్రమును వర్ణించి యున్నారు. ”*

*విరూపాక్షుండు కుండలేశ్వరుం డు” అని కాశీఖండములోను, ”కోటీపల్లిశ కోమలాంఘ్రులకు మ్రొక్కి కుండలాముఖ తీర్ధంబు గురించి గౌతమీ గంగ లవణాబ్ధి గౌగలించె” అని భీమ ఖండములో వర్ణించారంటే ఈ క్షేత్ర ప్రాశ స్త్యం ఎంత గొప్పదో అర్ధమవుతుంది.*

*ఈ ఆలయ గోపురంలో ఎక్కడా లేనివిధంగా 23 శివలీలల విగ్రహమూర్తులు కలవు. మరింత ఈ క్షేత్రం కోసం తెలుసుకోవటం కోసం ఒకసారి ఈ క్షేత్ర దర్శనం చేసుకోండి.*

*చంద్రశేఖరపాహిమాం.*

*ఓం నమః శివాయ॥*

🈸🈸🈸🈸🈸🈸🈸🈸