కలియుగ లీల లేమొ

 చ.కలియుగ లీల లేమొ యివి కాలుడు గారడి సేయు చుండె విం

తలు గన మానసమ్మునకు తాలిమి లే దిసుమంత యైన నీ

కలుషిత భావ జాలము వికారములన్ సృజియింప మానవుల్ 

తలపగ లేరు వారి భవితవ్యము నెంచ గనంగ భారతీ!౹౹ 63

ఉ.పారము పొందఁ జాలక నవాంఛిత రీతి నరాచకమ్ములన్ 

భూరి దిగంతరాళములఁ బూని వినాశనముల్ సృజించుచున్

ఘోర ఖలీకృతుల్ సలుపు కూళుల నీవు సహించుటేల? వి

స్ఫారిత లోచనాభ్యుదయ! వైభవ పూర్ణ! విశాల భారతీ!౹౹ 64