శ్రీరామనాథస్తుతిః

 శ్రీరామనాథస్తుతిః 

(శ్రీరామేశ్వరక్షేత్రే)

శ్రీరామపూజితపదాంబుజ చాపపాణే

శ్రీచక్రరాజకృతవాస కృపాంబురాశే

శ్రీసేతుమూలచరణప్రవణాంతరంగ

శ్రీరామనాథ లఘు తారయ జన్మవార్ధిం ..

నమ్రాఘవృందవినివారణబద్ధదీక్ష

శైలాధిరాజతనయాపరిరబ్ధవర్ష్మన్ .

శ్రీనాథముఖ్యసురవర్యనిషేవితాంఘ్రే

శ్రీరామనాథ లఘు తారయ జన్మవార్ధిం .. 2..

శూరాహితేభవదనాశ్రితపార్శ్వభాగ

క్రూరారివర్గవిజయప్రద శీఘ్రమేవ .

సారాఖిలాగమతదంతపురాణపంక్తేః

శ్రీరామనాథ లఘు తారయ జన్మవార్ధిం .. 3..

శబ్దాదిమేషు విషయేషు సమీపగేష్వ-

ప్యాసక్తిగంధరహితాన్నిజపాదనమ్రాన్ .

కుర్వాణ కామదహనాక్షిలసల్లలాట

శ్రీరామనాథ లఘు తారయ జన్మవార్ధిం .. 4..

ఇతి శృంగేరి శ్రీజగద్గురు శ్రీసచ్చిదానందశివాభినవనృసింహ-

భారతీస్వామిభిః విరచితా శ్రీరామనాథస్తుతిః సంపూర్ణా .