పంచముఖ ధ్యానంలోని శ్లోకాలు

 *రుద్రాభిషేకంలో పంచముఖ ధ్యానంలోని శ్లోకాలు*

*శివ పంచానన స్తోత్రం*

రుద్రాభిషేకంలో పంచముఖ ధ్యానంలోని శ్లోకాలు

న్యాసంలో ప్రస్తావించబడ్డాయి. తత్పురుష, అఘోర, సద్యోజాత, వామదేవ, ఈశానముఖ రూపాలలో ఉండే పరమేశ్వరుని ఐదు ధ్యాన శ్లోకాల రూపంలో బోధాయనులు రచించారు. ఈ మహాన్యాస వివేచనము రావణ ప్రోక్త న్యాస ప్రక్రియలోనిది. దీనినే శివ పంచానన స్తోత్రం అని కూడా అంటారు.

*తత్పురుష ముఖ ధ్యానమ్* 🙏

*ఓం తత్పురుషాయ విద్మహే మహాదేవాయ ధీమహి |*

*తన్నో రుద్రః ప్రచోదయాత్ ||*

*సంవర్తాగ్ని తటిప్రదీప్త కనక - ప్రస్పర్ధితేజోరుణం*

*గంభీర ధ్వని సామవేద జనకం - తామ్రాధరం సుందరం*

*అర్ధేందుద్యుతిలోలపింగళజటా  - భారప్రబద్ధోరగం*

*వందే సిద్ధ సురాసురేంద్రనమితం - పూర్వం ముఖం శూలినః*

*ఓంనమోభగవతే రుద్రాయ పూర్వాంగముఖాయ నమః* 🙏

తాత్పర్యము: ప్రళయ కాలము నందలి అగ్ని తేజము తోనూ, మెరపుల తేజముతోను, బాగా కరిగిన బంగారు కాంతితోను పోటీ పడే తేజములే తన రూపముగా కలది, గంభీరధ్వనితో మిశ్రితము అగుటతో పాటు భయంకరమైన అగ్ని వలె ప్రకాశించు ఎర్రని పెదవి కలదియు, చంద్ర ఖండ కాంతితో చక చక మెరయు పింగళ వర్ణపు జడల గుంపును, దాని చుట్టూ గట్టిగా చుట్టిన సర్పములు కలదియు, సిద్ధులు, సురాసురుల చేత నమస్కరించబడుతున్న, శూలికి సంబంధించిన తూర్పున ఉన్న ముఖమును నమస్కరించుచున్నాను. (రజో గుణ ప్రధానమైన సృష్టి తత్వమును ఈ శ్లోకములో స్తుతి చేయబడినది)

*అఘోర ముఖ ధ్యానమ్* 🙏

*ఓం అఘోరేభ్యో థఘోరేభ్యో గోర ఘోర తరేభ్యః సర్వేభ్యం* *సర్వశర్వేభ్యో నమస్తే అస్తు రుద్ర రూపేభ్యః*

*కాలాభ్రభ్రమరాంజనద్యుతినిభం - వ్యావృత్తపింగేక్షణం*

*కర్ణోద్భాసితభోగిమస్తకమణి - ప్రోద్భిన్న దంష్ట్రాంకురం*

*సర్పప్రోత కపాలశుక్తి శకల - వ్యాకీర్ణతాశేఖరం*

*వందే దక్షిణమీశ్వరస్య వదనం - చాతర్వనాదోదయం*

*ఓంనమోభగవతే రుద్రాయ దక్షిణాంగముఖాయ నమః* 🙏

తాత్పర్యము: నల్లని మేఘములు, తుమ్మెదల కాటుక - వీటి కాంతిని పోలిన కాంతితో ప్రకాశించునదియు, మిక్కిలి మిట్టగా తిరుగుచుండు పింగా వర్ణపు కన్నులు కలదియు, చెవుల యందు మిక్కిలి ప్రకాశించుచుండు సర్ప శిరోరత్నములతో బాగా కలిసిపోవుచున్న కోరల మొలకలు కలదియు, సర్పములతో పాటు (హారముగా) కూర్చబడిన కపాలములతో, ముత్యపు చిప్పల ముక్కలతోను, ఎగుడు దిగుదగుచున్న నడకను పొందినదియు, వంకరలుగా నున్న కను బొమ్మల ముడులతో భయంకరముగా నున్న ఈశ్వరుని దక్షిణ ముఖమును నమస్కరించు చున్నాను. (తమో గుణ ప్రధాన లయ కర్త తత్వము ఇక్కడ స్తుతి చేయబడింది)

*సద్యోజాత ముఖ ధ్యానమ్* 🙏

*ఓం సద్యోజాతం ప్రపద్యామి సద్యోజాతాయవై నమోనమః* *భవేభవే నాతి భవేభవ స్వమాంభవోద్భవాయ నమః*

*ప్రాలేయాచల మిందుకుంద ధవళం - గోక్షీరఫేన ప్రభం*

*భస్మాభ్యంగమనంగ దేహదహన - జ్వాలావళీలోచనం*

*విష్ణు బ్రహ్మ మరుద్గణార్చిత  పదం - ఋగ్వేద నాదోదయం*

*వందేహం సకలం కళంకరహితం - స్థాణోర్ముఖం పశ్చిమం*

*ఓంనమోభగవతే రుద్రాయ పశ్చిమాంగముఖాయ నమః* 🙏

తాత్పర్యము: హిమవత్పర్వతము, చంద్రుడు, మల్లే పూవు - వీని వలె తెల్లనిదియు, ఆవుపాల మీద నురుగు వలె తెల్లని కాంతి కలదియు, విభూతి పూయబదినదియు, మన్మథుని శరీరమును దహించు జ్వాలల పంక్తితో నిండిన కన్ను కలదియు, స్తోత్రము చేయుచున్న బ్రహ్మేన్ద్రాది దేవ సమూహముల చేతను, యోగుల చేతను శ్రద్ధతో అర్చించ బడుచున్నదియు, నిర్మలమైన నిండు వాదనముతో కనబడుచున్నదియును అగు శివుని పశ్చిమ నమస్కరించు చున్నాను. (సత్వ గుణ ప్రధాన రక్షణ కర్త తత్వమును ఈ శ్లోకములో స్తుతించ బడినది)

*వామదేవ ముఖ ధ్యానమ్* 🙏

*ఓం వామదేవాయ నమోజేష్టాయనమః శ్రేష్టాయ నమోరుద్రాయ నమః కాలాయ నమః కలవికరణాయ నమోబలవికరణాయ నమోబలాయ నమోబల ప్రమథనాయ నమః  సర్వభూత దమనాయ నమో మనోన్మనాయ నమః*

*గౌరం కుంకుమ పంకితం సుతిలకం - వ్యాపాండు మండ స్థలం*

*భృవిక్షేప కటాక్ష వీక్షణలసత్ - సంసక్త కర్ణోత్పలం*

*స్నిగ్ధం బింబ ఫలాధరం ప్రహసితం - నీలాల కాలం కృతం*

*వందే యాజుష వేద ఘోష జనకం - వక్త్రం హరస్యోత్తరం*

*ఓం నమోభగవతే రుద్రాయ ఉత్తరాంగముఖాయ నమః* 🙏

తాత్పర్యము: గౌర (ఎరుపుతో కలిపిన తెలుపు) వర్ణము కలదియు, కుంకుమ పూ పూతతో నిండినదియు, అందమగు తిలకము కలదియు, విశేషముగా తెల్లదనము కల చెక్కిళ్ళు కలదియు, కనుబొమ్మల కదలికతో ఒప్పుచుండు కడగంటి చూపుతో ప్రకాశించుటతో పాటు, చెవికి అలంకారముగా నున్న తెల్ల కలువ పూవు కలదియు, నున్నని దొండపండు పోలు ఎర్రని క్రింద పెదవిపై స్పష్టమగు నవ్వు కలదియు, నల్లని ముంగురులచే అలంకరించబడిన, నిండు చంద్రుని మండలమును పోలుచు ప్రకాశించునదియు అగు శివుని ఉత్తరాముఖమును నమస్కరించు చున్నాను. (గుణ త్రయ మిశ్రమమగు ఈశ్వర తత్త్వము ఇక్కడ స్తుతించ బడినది)

*ఈశాన ముఖ ధ్యానమ్* 🙏

*ఓం ఈశానః సర్వవిద్యానాం ఈశ్వరః సర్వభూతానాం బ్రహ్మాధిపతి: బ్రాహ్మణోధి పతి: బ్రహ్మశివోమే అస్తు సదాశివోమ్.*

*వ్యక్తావ్యక్త నిరిపితించ పరమం - శస్త్రింశతత్వాధికం*

*తస్మాదుత్తర తత్త్వమక్షరమితి - ధ్యేయం సదా యోగిభిః*

*ఓంకారాది సమస్త మంత్ర జనకం  - సూక్ష్మాతి సూక్ష్మంపరం*

*వందే పంచమమీశ్వరస్య వదనం - ఖవ్యాపి తేజోమయం*

*ఓం నమోభగవతే రుద్రాయ ఊర్ధ్వంగముఖాయ నమః* 🙏

తాత్పర్యము: వ్యక్తము, అవ్యక్తము (స్పష్ట రూపము కలది, స్పష్ట రూపము లేనిది) అణు రెండు రెండు లక్షణముల కంటెను ఇతరమగు లక్షణము కలదియు, ముప్ఫై ఆరు తత్వముల రూపమున పరిణమించు నదియు, సకల తత్వముల కంటెను ఉన్నతమైనదియు అగు అనుత్తరము అను అక్షర (అకార) తత్వమును ఎల్లప్పుడును యోగులచే ధ్యానించబడ దగినదియు,  తమో గుణ రహితంను, మూడు కన్నులు కలదియు, సూక్ష్మాతిసూక్ష్మమగు దాని కంటే గోప్పదియు, శాస్తమును, ఆకాశము నంతటనూ వ్యాపించు తేజమే తన రూపముగా కలదియు అగు ఈశ్వరుని ముఖమును నమస్కరింతును (గుణాతీత బ్రహ్మ తత్వమును ఇక్కడ స్తుతించబడినది)