స్కంద పంచమి*

 *ఈరోజు స్కంద పంచమి*

*స్కంద పంచమి , కుమార షష్టి / స్కంద షష్ఠి రోజుల్లో ఇలా చేస్తే వివాహ సంతాన ప్రతిబంధకాలు తొలగును*

     తెలుగునాట సుబ్రహ్మణ్యేశ్వర స్వామి అంటే నమ్మకం ఎక్కువే ! పిల్లలు పుట్టకపోయినా , జాతకపరంగా ఎలాంటి దోషాలు ఉన్నా కూడా ఆ స్వామిని పూజిస్తే ఫలితం కనిపిస్తుందని నమ్ముతారు. ఇంతకీ ఆ *సుబ్రహ్మణ్యస్వామి జన్మించింది ఎప్పుడూ అంటే.... కుమారషష్టి రోజే* !

     శివుడు ఓసారి తీవ్రమైన ధ్యానంలో ఉన్నాడు. ఆ సమయంలో మన్మధుడు ఆయన ధ్యానానికి ఆటంకం కలిగించాడట. అంతే ! మన్మధుడి మీద శివునికి విపరీతమైన కోపం వచ్చేసింది. వెంటనే తన మూడో కన్ను తెరిచి మన్మధుడిని భస్మం చేసేశాడు. అదే సమయంలో ఆయన నుంచి గొప్ప తేజస్సు కూడా బయటకు వచ్చింది. ఆ తేజస్సుని అగ్నిదేవుడు కూడా భరించలేకపోయాడు. దాంతో ఆయన దాన్ని గంగానదిలో రెల్లుపొదల మధ్య విడిచిపెట్టాడు. ఆ తేజస్సే కుమారస్వామిగా అవతరించింది.

 

*కుమారస్వామి అవతరించింది ఆషాఢమాసంలోని షష్టి తిథినాడే అని కొందరి నమ్మకం. అందుకే ఆ రోజుని కుమారషష్టి* పేరుతో ఘనంగా నిర్వహిస్తూ ఉంటారు. కుమారస్వామి ఆరు ముఖాలతో అవతరించాడు కాబట్టి ఆయనను షణ్ముఖుడు అని పిలుస్తారు. అందుకే ఆయనకు *షష్టి తిథి* అంటే చాలా ఇష్టం. ఇక *ఆషాఢమాసంలో తను పుట్టిన రోజైన కుమారషష్టి అంటే మరీ ఇష్టం.*

కుమారషష్టిని రెండు రోజులపాటు ఘనంగా చేసుకుంటారు. ఆ ముందు రోజుని *స్కందపంచమిగా* పిలుస్తారు. ఈ పంచమి రోజున ఉపవాసం ఉండి , కుమారషష్టి రోజున స్వామిని పూజిస్తే మంచి ఫలితం ఉంటుంది. ఈ రెండు రోజుల్లో వల్లీదేవసేన సమేతంగా ఉన్నా స్వామి ఆలయానికి వెళ్తి దర్శించుకుంటే సంతానం కలిగి తీరుతుంది. ఈ రోజుల్లో స్వామికి అభిషేకం చేయించినా , సుబ్రహ్మణ్యాష్టకాన్ని చదువుకున్నా కూడా ఆయన అనుగ్రహం లభిస్తుంది. వీలైతే మనకి దగ్గరలో ఉన్న సుబ్రహ్మణ్యేశ్వర స్వామి ఆలయం లేదా పుట్ట దగ్గర చిమ్మిలి ప్రసాదాన్ని ఉంచి పాలు పోసినా మంచిదే !

 

*స్కందపంచమి , కుమారషష్టి* రోజులలో ఇలా స్వామిని కనుక ఆరాధిస్తే జాతకపరంగా ఎలాంటి దోషాలు ఉన్నా తొలగిపోతాయట. సంతానం కలగాలన్నా , సంపదలు రావాలన్నా ఈ రోజు స్వామిని పూజించాలి. 

*వివాహ,సంతాన ప్రతిబంధకాలు తొలగి సాంప్రదాయిక వివాహం సత్సంతానం కోరుకునేవారు ఈ రెండు రోజుల పాటు శ్రీ సుబ్రహ్మణ్యేశ్వర స్వామి వారి కి అర్చనలు చేసుకొనవలెను.*

ఈనాడు స్కందపంచమి,రేపు స్కందషష్టి ల సందర్భంగా మన కల్యాణ కార్తికేయ సంతాన సుబ్రహ్మణ్యేశ్వర సహిత శ్రీ అభీష్ట గణపతి పంచాయతన దేవాలయం లోని కల్యాణ కార్తికేయ సంతాన సుబ్రహ్మణ్యేశ్వర స్వామి వారి కి ప్రత్యేక అభిషేకాద్యర్చనలు నిర్వహించబడును. *కల్యాణసిధ్ధి, సంతానప్రాప్తి కోరుకునే భక్తులు వారి గోత్రనామాలను 9492050200 కు వాట్సాప్ చేయగలరు.*

 

🙏🙏🙏🙏🙏🙏🙏🙏🙏🙏