పూజ
--------
సీ||
హరిపూజనము సేయ నార్భాటమది యేల?
మదిని జేసిన జాలు
మందిరముగ!
పూజాదికాలకై పుష్పమాలిక లేల?
స్తోత్రమాలిక చాలు
స్తుతుల జేయ!
నైమిత్తికమ్మగు నైవేద్యమది యేల?
హృదయమర్పణ
జేయ కొదువ గాదు!
హారతినిడుటేల?హరిపాద యుగళిని
మదిని దాల్చిన
జాలు మరువబోక!
తే.గీ||
భక్తి పుష్పమ్ము గోరెడి ప్రభువతండు!
శరణు గోరిన కాపాడు సదయుడతడు!
భువనముల గాయ సంసిద్ధ భూరి యశుడు!
రక్ష సేయంగ వచ్చెడి దక్షుడతడు!
------------కోడూరి శేషఫణి శర్మ
కామెంట్‌లు లేవు:
కామెంట్‌ను పోస్ట్ చేయండి