రుతుపవనాలు ఆలస్యం

 రుతుపవనాలు ఆలస్యం కావడం వలన ఈ సారి వర్షపాతం లోటు భాగా పెరగనుంది. ప్రస్తుతానికి బంగాళాఖాతంలో ఒక అల్పపీడనం, అలాగే అరేబియా సముద్రంలో మరో అల్పపీడనం ఏర్పడేందుకు సిద్ధంగా ఉంది. దీని వలన రుతుపవనాలు ఆలస్యంగా ఈ సారి మొదలౌవ్వనుంది. నిన్న మనకు రాయలసీమ జిల్లాల్లో మాత్రమే వర్షాలను చూసాము. 

నేడు కూడ నిన్నటి లాగానే చిత్తూరు జిల్లాలోని పలు భాగాలతో పాటుగా అన్నమయ్య​, అనంతపురం, సత్యసాయి, కర్నూలు జిల్లాలోని పలు భాగాల్లో మాత్రమే వర్షాలను చూస్తాము. ఎందుకంటే తేమ అనేది ఉత్తరాంధ్ర​, కోస్తాంధ్రలో తక్కువగా ఉంది కానీ కర్ణాటక ప్రాంతంలో మాత్రం కాస్తంత ఎక్కువగా ఉండి అరేబియా సముద్రంలో అల్పపీడనం ఏర్పడేందుకు సిద్ధంగా ఉండటం వలన రాయలసీమ జిల్లాల్లో అక్కడక్కడ వర్షాలు పడటం సహజం. మరో వైపున అల్లూరిసీతారామరాజు జిల్లాతో పాటుగా శ్రీకాకుళం, విజయనగరం జిల్లాల్లో అక్కడక్కడ వర్షాలను చూడగలము.