విఘ్నేశ్వర స్తుతి
తెలి వలువలు శశి వర్ణము
నలు భుజములు విష్ణుతత్వ నాయకుడయ్యున్
లలి శాంత వదన మొప్పెడు
నిలవేల్పుని శ్రీగణేశు నెపుడు భజింతున్
అగజ ముఖపద్మ వికసిత కర్కుడయ్యు
గజముఖుం డౌట శాంతితో కానిపించు
భక్త జనులకు నిరతమ్ము ప్రాపు నున్న
ఏక దంతుండు స్వామికి మోకరిలుదు
చిన్ని కండ్లు పెద్ద బొజ్జ చిద్విలాస ముద్రతో
చెన్ను మీర దంతిమోము చేటచెవుల తోడ తా
పన్నగమ్మెజంద్యముగను పైనదాల్చియొప్పియున్
సన్నుతాంగుడౌ గణేశు సతము గొల్తు భక్తితో
✍️గోపాలుని మధుసూదనరావు శర్మ 🙏
కామెంట్‌లు లేవు:
కామెంట్‌ను పోస్ట్ చేయండి