🌸శ్రీ లక్ష్మీ స్తుతి🙏
సీ. శ్రీదేవి ! ప్రియకరీ ! క్షీరాబ్ది కన్యకా !
శ్రీకరీ ! నుతియింతు క్షేమ మొసగ
భూదేవి ! శ్రీలక్ష్మి ! భువనరక్షాకరీ !
భూరి కృపాకరీ ! సారసాక్షి !
సద్భక్తితోడను సతతంబు సేవింతు
చంద్రసహోదరీ ! సకలజనని !
మాధవీ ! మమ్ముల మమతతో గావుము
పద్మాక్షి ! యిందిరా ! పద్మహస్త !
తే. పాలకడలిన పుట్టిన పసిడితల్లి !
ఆదిశంకరు స్తుతులెల్ల నాలకించి
కనకవర్షంబు నిచ్చిన కనకలక్ష్మి !
తల్లి ! వరలక్ష్మి ! మాపైన దయను చూపు.
సాహితీ శ్రీ జయలక్ష్మి
కామెంట్‌లు లేవు:
కామెంట్‌ను పోస్ట్ చేయండి