శ్రీ వేంకటేశ్వర మహాత్మ్యము

శ్రీనైమిశ వనమందున
 శౌనక ముఖ్యాదులైన సంయమివర్యుల్
మానితమగు నొక ముఖమును
 పూనిరి సేయంగ మిగుల పూనిక తోడన్.                          1
                   
అనయము భగవన్నామము
 మనమందున దలచునట్టిమహనీయుండున్
ఘనుడగు నారదు డొచ్చెను
 మునిసంఘము లుండు వనికి మోదము తోడన్                2 

మునిసంఘము నారదుగని
మనమున యానందమొంది మన్నన సేయన్
మునియంతట చిఱునగవున
ఘనమగు యీ సవనమునకు కర్తెవరనియెన్                    3


హవ్యంబుల భోక్తెవరని
దివ్యుమ్డగు నారదుండు తెలియగ నడుగన్
"మువ్వురు మూర్తులె " యనుచును
భవ్యులు యచటున్న మునులు పల్కిరి భక్తిన్                    4

విని యా మాటలు సంయమి
యనియెను యీ రీతి యపుడు యాశ్చర్యముతోన్
" ఘన మునులగు మీరెప్పుడు
వినలేదా సవనవిధులు విజ్ఞులు నుడువన్                      5

మువ్వురు మూర్తుల కొఱకును
హవ్యము నీయంగ తగదు , యందొక వ్యక్తిన్
దివ్యునిగ నెన్నుకొనియును
యివ్వగ హవ్యంబు , ముఖము యిచ్చును ఫలమున్         6

మువ్వురు మూర్తుల యందున
యెవ్వడు యత్యంత ఘనుడొ యార్పడ నెఱిగీ
యవ్వాని పెద్ద జేసియు
నవ్వానికె నీయవలయు హవ్యంబెపుడున్ ".                    7

మునినాథు డీ విధంబుగ
యనినంతనె ఋష్యగణము యనుకొని రిటులన్
" మనకిది సాధ్యమె తలచగ
ఘనులౌ త్రయమూర్తులందు ఘనుడిని యెంచన్             8

మువ్వురు మూర్తుల యందున
యెవ్వరు యెధికుండొ దేల్చ నెవ్వరి తరమౌ
మువ్వురు యెవరికి వారలె
దివ్యులు , యత్యంత శక్తి తేజులు దలచన్                   9


మువ్వురు వ్యక్తులు లోపల
యెవ్వరు మోక్షంబు నిత్తు రీ జగమందున్
మువ్వురి యందున యెంచగ
నెవ్వనిలో సత్త్వగుణము యేర్పడియుండున్               10

********************