కరావలంబ స్తోత్రం*

హే స్వామినాథ కరుణాకర దీనబంధో
శ్రీపార్వతీశ ముఖపంకజ పద్మబంధో
శ్రీశాది దేవగణ పూజిత పాదపద్మ
వల్లీసనాథ మమ దేహి కరావలంబమ్ || 1 ||

దేవాదిదేవ సుత దేవగణాధినాథ
దేవేంద్రవంద్య మృదుపంకజ మంజుపాద
దేవర్షి నారద మునీంద్ర సుగీతకీర్తే
వల్లీసనాథ మమ దేహి కరావలంబమ్ || 2 ||

నిత్యాన్నదాన నిరతాఖిల రోగహారిన్
భాగ్యప్రదాన పరిపూరిత భక్తకామ
శృత్యాగమ ప్రణవవాచ్య నిజస్వరూప
వల్లీసనాథ మమ దేహి కరావలంబమ్ || 3 ||

క్రౌంచాసురేంద్ర పరిఖండన శక్తిశూల
చాపాదిశస్త్ర పరిమండిత దివ్యపాణే
శ్రీకుండలీశ ధర తుండ శిఖీంద్రవాహ
వల్లీసనాథ మమ దేహి కరావలంబమ్ || 4 ||

దేవాదిదేవ రథమండల మధ్య వేద్య
దేవేంద్ర పీఠనగరం దృఢ చాపహస్తమ్
శూరం నిహత్య సురకోటిభిరీడ్యమాన
వల్లీసనాథ మమ దేహి కరావలంబమ్ || 5 ||

హారాది రత్న మణియుక్త కిరీటహార
కేయూర కుండలలసత్కవచాభిరామ
హే వీర తారక జయామర బృందవంద్య
వల్లీసనాథ మమ దేహి కరావలంబమ్ || 6 ||

పంచాక్షరాది మనుమంత్రిత గాంగతోయైః
పంచామృతైః ప్రముదితేంద్ర ముఖైర్మునీంద్రైః
పట్టాభిషిక్త హరియుక్త పరాసనాథ
వల్లీసనాథ మమ దేహి కరావలంబమ్ || 7 ||

శ్రీకార్తికేయ కరుణామృత పూర్ణదృష్ట్యా
కామాది రోగ కలుషీకృత దుష్టచిత్తమ్
శిక్త్వా తు మామవ కళాధర కాంతికాంత్యా
వల్లీసనాథ మమ దేహి కరావలంబమ్ || 8 ||