శ్రీ కంచి కామాక్షీ స్తోత్రం .

 #శ్రీ కంచి కామాక్షీ స్తోత్రం ...

కాంచీనూపురరత్నకంకణలసత్కేయూరహారోజ్జ్వలాం కాశ్మీరారుణకంచుకాంచితకుచాం కస్తూరికాచర్చితామ్ | కల్హారాంచితకల్పకోజ్జ్వలముఖీం కారుణ్యకల్లోలినీం కామాక్షీం కలయామి కల్పలతికాం కాంచీపురీదేవతామ్ ॥ ౧॥

కామారాతిమనఃప్రియాం కమలభూసేవ్యాం రమారాధితాం కన్దర్పాధికదర్పదానవిలసత్సౌన్దర్యదీపాంకురామ్।

కీరాలాపవినోదినీం భగవతీం కామ్యప్రదానవ్రతాం కామాక్షీం కలయామి కల్పలతికాం కాంచీపురీదేవతామ్ ॥ ౨ ॥

కాదమ్బప్రమదాం విలాసగమనాం కల్యాణకాంచీరవాం కల్యాణాచలపాదపీఠలసితాం కాన్త్యా స్ఫురన్తీం శుభామ్ | కల్యాణాచలకార్ముకప్రియతమాం కాదమ్బమాలాశ్రయం కామాక్షీం కలయామి కల్పలతికాం కాంచీపురీదేవతామ్ ॥ ౩॥

గంధర్వామరసిద్ధచారణవధూధ్యేనాం పదానాంచితాం గౌరీం కుంకుమపంకపంకితకుచద్వన్ద్వాభిరామాం శుభామ్ |

గమ్భీరస్మితవిభ్రమాంకితముఖీం గఙ్గాధరాలిఙ్గితాం కామాక్షీం కలయామి కల్పలతికాం కాంచీపురీదేవతామ్ ॥ ౪॥

విష్ణుబ్రహ్మముఖామరేన్ద్రవిలసత్కోటీరపీఠస్థలాం లాక్షారంజితపాదపద్మయుగలాం రాకేన్దుబిమ్బాననామ్ | వేదాన్తాగమవేదవేద్యచరితాం విద్వజ్జనైరావృతాం కామాక్షీం కలయామి కల్పలతికాం కాంచీపురీదేవతామ్ ॥ ౫॥

మాకన్దద్రుమమూలదేశమహితే మాణిక్యసింహాసనే దివ్యాం దీపితహేమకాన్తివిలసత్ వస్త్రావృతాం తాం శుభామ్ |

దివ్యాకల్పితదివ్యదేహభరితాం దృష్టిప్రమోదాన్వితాం కామాక్షీం కలయామి కల్పలతికాం కాంచీపురీదేవతామ్ ॥ ౬॥

ఆధారాదిసమస్తచక్రనిలయామాద్యన్తశూన్యాముమాం ఆకాశాదిసమస్తభూతనివహాకారామశేషాత్మికామ్।

యోగీన్ద్రైరపి యోగినీశతగణైరారాధితామమ్బికాం కామాక్షీం కలయామి కల్పలతికాం కాంచీపురీదేవతామ్ ॥ ౭॥

హ్రీంకారప్రణవాత్మికాం ప్రణమతాం 

శ్రీవిద్యవిద్యామయీం ఐం క్లీం సౌం రుచి మన్త్రమూర్తినివహాకారామశేషాత్మికామ్ ।

బ్రహ్మానన్దరసానుభూతిమహితాం బ్రహ్మప్రియంవాదినీం కామాక్షీం కలయామి కల్పలతికాం కాంచీపురీదేవతామ్ ॥ ౮॥

సిద్ధానన్దజనస్య చిన్మయసుఖాకారాం మహాయోగినీం మాయాంవిశ్వవిమోహినీం మధుమతీం ధ్యాయేత్ శుభాం బ్రాహ్మణీమ్ |

ధ్యేయాం కిన్నరసిద్ధచారణవధూ ధ్యేయాం సదా యోగిభిః కామాక్షీం కలయామి కల్పలతికాం కాంచీపురీదేవతామ్ ॥ ౯॥

కామారికామాం కమలాసనస్థాం కామ్యప్రదాం కఙ్కణచూడహస్తాం ।

 కాంచీనివాసాం కనకప్రభాసాం కామాక్షిదేవీం కలయామి చిత్తే ॥ ౧౦॥

|| ఇతి శ్రీ కామాక్షీస్తోత్రం సమ్పూర్ణం ||