నరకాసురవధ దీపావళి

 ॐ నరకచతుర్దశీ, దీపావళీ శుభాకాంక్షలు 

    నరకాసురవధ జరిగాక, ఆనందంగా దీపావళి జరుపుకుంటాం. 

    మనలోని నరకుణ్ణి సంహరించి, జ్ఞాన సంపద పొంది, ఆత్మానందము అనుభవించడమే ఈ రెండు పండగల అంతరార్థం. 

       ఆశ్వయుజ మాసంలో ముగురమ్మలనూ ఆరాధిస్తాం.

       శరన్నవరాత్రులలో శక్తి స్వరూపిణిగా దుర్గాదేవినీ, 

      అందులోనే మూలా నక్షత్రంనాడు సరస్వతీదేవిగానూ, 

      ఈ మాసం చివరిలో దీపావళీ అమావాస్యనాడు లక్ష్మీదేవిగానూ ఆరాధిస్తాము.

      క్రియా - జ్ఞాన శక్తులను దుర్గా - సరస్వతులు అనుగ్రహిస్తే, సంపద లక్ష్మీ అనుగ్రహం. 

       తద్వారా ఇచ్ఛా - క్రియా - జ్ఞాన శక్తులకు సంబంధించి ముగురమ్మల రూపాలలో ఉన్న జగన్మాత అనుగ్రహం పొందుతాం. 

                    *** 

ఈరోజు దీపావళి నాడు లక్ష్మీదేవిని కొలుద్దాం 

                  శ్రీమహాలక్ష్మ్యై నమః

శ్రుత్యై నమోఽస్తు శుభకర్మ ఫలప్రసూత్యై 

రత్యై నమోఽస్తు రమణీయ గుణార్ణవాయై I 

శక్త్యై నమోఽస్తు శతపత్ర నికేతనాయై 

పుష్ట్యై నమోఽస్తు పురుషోత్తమ వల్లభాయై ॥ 

      - కనకధారా స్తోత్రమ్ (ఆదిశంకరులు) 

తాత్పర్యం: 

* సకల శుభకర్మల ఫలాలని ప్రసాదించే వేదస్వరూపిణియు, 

* మహిమాన్వితమైన గుణములకు సాగరరూపిణియైన సౌందర్య(రతి)రూపిణియు, 

* నూరురేకుల పద్మమునందు నివసించు మహాశక్తి స్వరూపిణియు, 

* పురుషోత్తముడైన శ్రీమహావిష్ణువు భార్యయు, పుష్టిరూపిణియు అయిన లక్ష్మీదేవికి నమస్కారము.

                    =x=x=x= 

    — రామాయణం శర్మ 

              భద్రాచలం