గోపాలుని దీపావళి

         🕯️దీపావళి🕯️ 

ఆదివరాహుడై హరి తొల్లి భూమిని

           కనకాక్షు చెఱనుండి కాచినపుడు

పుడమి కోరికపైన పుట్టెను నరకుండు

           విభవోన్నతుండైన విష్ణువునకు

రజ తమో గుణముల రాజిల్లి నిరతమ్ము

           సాధు జనుల నెల్ల బాధ  పెట్టె

పరమాత్మ కృష్ణుండు పత్ని సత్యను గూడి

          పరిమార్చె దానవున్ బవరమందు

జగతికంటకు డాతడు సమసినట్టి

పర్వదినమునె జనులు 'దీపావళి' గను

వేలదివ్వెలు వెలిగించి విభవ మొప్ప

జరుపి మురియుచు నుందురు జగము నందు 

    🙌అందరికి దీపావళీ శుభాకాంక్షలు🙌 

        గోపాలుని మధుసూదన రావు శర్మ

                        భాగ్యనగరము