శత విహాయ భోక్తవ్యం
సహస్రం స్నాన మాచరేత్
లక్షం విహాయ దాతవ్యం
కోటిం త్యక్త్యా హరిం భజేత్!!
వంద పనులు విడిచిపెట్టయినా
వేళకు భోజనం చేయాలి.
వేయి పనులు విడిచి స్నానం చేయాలి. లక్ష పనులు విడిచి దానం చేయాలి.
కోటి పనులు విడిచి దైవ ప్రార్ధన చేయాలి.
వంద పనులైన విడచియు ముందు గాను
తృప్తి తో భోజనమ్మును చేయ తగును
వేయి పనులైన విడచి యు వెనుక బడక
మనసుతో చేయవలయును మజ్జ నమ్ము
లక్ష పనులైన విడచియు లక్ష్య ముంచి
దాన ధర్మాదు లెప్పుడున్ సల్ప దగును
కోటి పనులైన విడచియు కూర్మి తోడ
హరిని ప్రార్థించ వలయు తా యాత్మ యందు
గోపాలుని మధుసూదనరావు శర్మ
కామెంట్‌లు లేవు:
కామెంట్‌ను పోస్ట్ చేయండి