https://www.youtube.com/watch?v=CULsFixnCvQ *తెల్లవారుతున్నది. కాకులు అరుస్తున్నాయి. అవిగో కోవెల గంటలు... లేవండి. రాక్షస సంహారి అయిన హరిని పూజిద్దాం... అని తన తోటి వనితలను కూడా గోపెమ్మలుగా భావిస్తూ మేలుకొలుపుతున్నది ఆండాళ్ అమ్మ!
తెలుగు గజల్
కాకుల అరుపులు కోవెల గంటలు వినబడలేదా మేలుకో చెలీ!
శంఖ నినాదము భక్తుల అలజడి జొరబడలేదా మేలుకో చెలీ!
కళ్ళను తెరచిన చాలదు తల్లీ మనసును కూడా తట్టి లేపవే
పరమార్థముకై ఆలోచనలే అలవడలేదా మేలుకో చెలీ!
విషమును చన్నుల పూసుకు వచ్చిన రక్కసి పూతన ప్రాణము తోడెను
ఎంతటివాడో నీకై నీకే కనబడలేదా మేలుకో చెలీ!
చంటిబిడ్డగా శకటాసురునీ ఉసురులు తీసిన నారాయణుడే!
యోగనిద్రలో శయనిస్తాడని చెవి బడలేదా మేలుకో చెలీ!
పరుగున రావే పూజలు చేస్తూ పాపాలన్నీ పారద్రోలుదాం
మంచి సమయమే మించిపోవునని భయమే లేదా మేలుకో చెలీ!
Thiruppavai Pasuram - 6 | Dhanurmasam Special l Writer: Umadevi Jandyala | Voice Srimathi Parimala| Ratnalahari TV Channel | INDIA| TELANGANA| TAMILNADU | CHENNAI|
కామెంట్‌లు లేవు:
కామెంట్‌ను పోస్ట్ చేయండి