గరుడపంచమి

 *సత్సంగ బంధు మిత్రులు అందరికీ శ్రీ గరుడ పంచమి శుభాకాంక్షలు !* 💐

🌺🙏🌺

*సుపర్ణం వైనతేయం చ నాగారిం నాగభీషణమ్ |*

*జితాన్తకం విషారిం చ అజితం విశ్వరూపిణమ్ || ౧*

*గరుత్మన్తం ఖగశ్రేష్ఠం తార్క్ష్యం కశ్యపనందనమ్ |*

*ద్వాదశైతాని నామాని గరుడస్య మహాత్మనః || ౨*

🌺🙏🌺

శ్రీమన్నారాయణుని దివ్య వాహనమై సదా అలరెడి గరుడునకు శతకోటి నమస్కారములు . 🙏

ఇంతటి ఘనత ఎలా అబ్బినదయ్యా నీకు ? 🙏

శ్రీహరి పాదములను నీ చేతులతో మోసి ,  నీ మేను అతని సింహాసనముగా అమర్చి , సదా నీ రెక్కలను చాచి , ఆతడు ఎప్పుడు ఎక్కడికంటే అక్కడికి తీసుకువెళ్ళుటకు సర్వ సన్నద్ధముగా ఉండే ఆ గరిమ నీకు ఎలా దక్కినదయ్యా ?🙏

నీ కథను విన్న తరువాత నాకు ఎన్నో జీవిత పాఠములు తెలిసాయి ! 

*1 ) భగవత్కృపపై సంపూర్ణ విశ్వాసము ఉంచవలెను !!*🌺

మీ తల్లి వినత , దేవుని వరముపై సంపూర్ణ విశ్వాసమునుంచక తొందరపడి ఒక గుడ్డును చిదిమినది . ఫలితముగా అనూరుడు జన్మీంచినాడు అర్థ దేహియై .  ( భగవంతుని ప్రసాదమే కావున ఆతడు సూర్యుని రథ సారధి అయినాడు .  అది ప్రక్కన పెడితే ,  వినత కు శోకమే మిగిలనది అపనమ్మకము వల్లన )   🙏

*2 ) లక్ష్య సాధనయే ముఖ్యము ! పట్టములు కాదు 🌺*

కద్రువ దాస్యము నుండీ తల్లియైన వినతను విడిపించుటకు ఇంద్రలోకమునకు ఏగితివి ఇంద్రునితో తలపడి అమృతమును తెచ్చుటకు . 

అమృతమును సాధించిననూ నీ మతి చాంచల్యమునకు గురికాలేదు .  అమృతమును సేవించి ఇట్టే దివ్యత్వమును పొందవచ్చు , కానీ నువ్వు అలా చేయలేదు . నీలక్ష్యము తల్లిని దాస్యవిముక్తురాలిని చేయుటయే .  అందుకే మరలా ఇంద్రునికి అమృతమును సేవించకూండా అప్పగించేసావు !! 🙏

ఇది కదా మేము కూడా నేర్చుకోవాలి ఇక్కడ ! 🙏

*3 )  మన బలిమి భగవంతుడు , మన నిష్కామ భక్తినే అతడు కోరుకొనును .*🌺

అత్యంత శక్తిమంతుడవు నీవు ! నీవు తలుచుకున్నచో ఎవ్వరినైన ఓడించ గలవు .  కానీ నీవు చేపట్టినదేమిటి ?  *శ్రీహరి దివ్య చరణపంకజములు .*  🙏

దాసులకు నీవే మార్గదర్శకుడవు !

స్వామి ఏగే అన్ని మార్గములకూ నీవే వాహనమై వెలుగొందు చున్నావు ! 🙏

ఇక్కడ *శ్రీ వేంకటాద్రి పై స్వామికి స్థిరమైన పల్లకి వైనావు* 🙏

అట్టి గరుత్మంతుడా ఇదిగో నయ్యా నీ పంచమి నాడు ,

నిను స్మరించుకొనుచూ నేను వ్రాసుకున్న నీ స్తుతి గీతము !! 🙏

🌺🍃 ----------------🍃 🌺

*అన్నమయ్యవాణి_నా_సంకీర్తనాబాణి -- 202*  

(  ద్విపద ) 

*కీర్తన :-  // గరుడపంచమి నేడు కడుపుణ్య దినము //*

🌺🍃 ----------------🍃 🌺

🌹🌹

*గరుడపంచమి నేడు కడుపుణ్య దినము*

*గరుడునకమృతము కైవసంబాయె*

*卐 --🌹-- 卐  // గరుడపంచమి నేడు .. //*

*ఘనముగ పోరాడి గరిమను తెలిపి,*

*ఇనసారధి సనాభి యింద్రుని గెలిచె !*

*వినయశీలునిగ తా విహితము జూప ,*

*వినతకు దాస్యము వీడిన దినము !!*

*卐 --🌹-- 卐  // గరుడపంచమి నేడు .. //*

*సుధనిలకున్దెచ్చి చూడని వాడు ,*

*మధుసూదనుని ప్రేమ మరగిన వాడు*

*మధుర గుణంబుల మహిమా న్వితుండు !*

*అధిజిహ్వములకెల్ల నభిఘాతకుండు*

*卐 ---- 卐  // గరుడపంచమి నేడు .. //*

*హరికి నీతడె యాయె నమరవాహనము ,*

*సురలకీ భాగ్యంబు సుంతైన లేదు*

*గరుడవాహనమదె కడు ప్రీతి హరికి*

*అరయ వేంకటపతి కందలంబిదియె*

*卐 --🌹-- 卐  // గరుడపంచమి నేడు .. //*

 ✍️ *-- వేణుగోపాల్ యెల్లేపెద్ది  ( స్వీయ రచన )*