*బొమ్మలకోసమో, డబ్బు కోసమో పోరుపెట్టి ఏడుస్తూ తల్లిని పీడించే బిడ్డ మాదిరి ఎవరు భగవంతుని దర్శించటానికి పరితపిస్తూ విలపిస్తారో వారికి తప్పక దేవుడు సాక్షాత్కరిస్తాడు.*
అమ్మవారే ఆడపిల్లగా తిరుగుతుంటుంది. కాబట్టి ఆ అమ్మ కూతురుగా ఉండాలని కోరిక ఉంటుంది. కాత్యాయన మహర్షి అమ్మవారిని ఉపాసన చేస్తే అమ్మవారు వచ్చి కనపడింది. ఏంకావాలి? అని అడిగితే నాకు కూతురివవుతావా అమ్మా అన్నాడు. కాత్యాయనుడికి కూతురై కాత్యాయని అయింది. భృగుమహర్షి అమ్మవారిని అమ్మా నాకు కూతురివి కా అమ్మా అంటే తప్పకుండా అవుతానని భార్గవి అయింది. జనకుడికి కూతురుగా జానకి అయింది. లోకమాత కూతురుగా వచ్చింది. ఆవిడ ప్రేమకీ, సౌజన్యానికీ హద్దు ఎక్కడాఉండదు. అలా ఎలా కుదురుతుంది? నేను లోకాలంతటికీ తల్లిని. నీకు కూతురుగా ఎలా వస్తాను? అని అనదు. ఆవిడ ఎవరికైనా కూతురైపోవడానికైనా సిద్ధపడి, నేను ఫలానావారి అమ్మాయిని అని చెప్పుకుంటుంది.
కామెంట్‌లు లేవు:
కామెంట్‌ను పోస్ట్ చేయండి