*ఎలిశెట్టిగారి వచన కవిత్వం ఎవరి మీదనో*
_ప్రవచనానికి నిర్వచనమైన_
_శారదా పుత్రునిపై_
_వచన కవనమా.._
_వచనానికే బహువచనమైన_
_ప్రవచనచక్రవర్తిపై_
_నాలుగు మాటలు రాయాలని ఆర్తి.._
_మాటకే స్ఫూర్తి..._
_ఎల్లలేని కీర్తి.._
_ఎనలేని సమయస్ఫూర్తి_
_ఆ పరిపూర్ణ మానవతామూర్తి.._
_ఎంత రాస్తే..ఏమని వర్ణిస్తే_
_తృప్తి..నా దీప్తి.._
_చంద్రునికో నూలుపోగు.._
_పుంభావ సరస్వతికి_
_అక్షరాల హారతి.._
_ఈ రీతి..నా నిరతి!_
*_ఆయన గళం_*
_పోతన పద్యాల గంగాళమా.._
_ఆ రసన_
_వాల్మీకి తన రామాయణాన్ని_
_లిఖించిన తాళపత్రమా.._
_శ్లోకం ఆయన నోట_
_పంచదార పాకం.._
_పద్యం దేవదేవునికే నైవేద్యం!
*_ఆయన మాటలు_*
_చద్ది మూటలు.._
_ధారణ అసాధారణమై.._
_అజ్ఞానాంధకారంలో_
_నిను నడిపించే_ _వెలుగుకిరణమై.._
_ఆధ్యాత్మిక తోరణమై.._
_ముక్తి వైపు నీ చేయి పట్టి_
_నడిపే ఆపన్నహస్తమై.._
_నీ విజ్ఞాన సమస్తమై..!_
*_ఇలాంటి ఓ మనిషిని_*
_ప్రజ్ఞాన సర్వస్వమనాలో.._
_ఆధ్యాత్మిక భాండాగారమని_
_పిలవాలో.._
_పురుషరూపం దాల్చిన_
_వాగ్దేవి అని కొలవాలో.._
_కారణజన్ముడని స్తుతించాలో.._
_దేవుడే అని ప్రస్తుతించాలో..!_
*_ప్రవచనం ఆయనకు దైనందినం.._*
_ఎన్నిసార్లు చేసినా ఆనందమే_
_దినం దినం.._
_ఆయన అసీనమైన వేదిక_
_భక్తి సుమాల నందనం.._
_ఆ సన్నిధానమే_
_సకల క్షేత్ర సందర్శనం.._
_అక్కడ దేవతలే సంచరిస్తున్న_
_అనుభూతి దైవత్వ ఉనికికే_
_ప్రత్యక్ష నిదర్శనం..!_
_*ఆయన ప్రవచన శ్రవణం*_
_దివ్యలోక విహారం.._
_పక్కనే వాగ్దేవి ఉన్నట్టు.._
_అచ్చోట శ్రీరాముడే సీతాసమేతుడై_
_కొలువుదీరినట్టు.._
_సభాస్థలిని అంజనాపుత్రుడే_
_పర్యవేక్షిస్తున్నట్టు.._
_ముక్కంటి ఆ వాగ్ధాటిని_
_గని..విని.._
_శిరసుపై ఉన్న గంగతో_
_నీ వేగాన్ని మించిన_
_ఆ వాక్ప్రవాహాన్ని చూసావా.._
_అని మేలమాడినట్టు.._
_వేణుగోపాలుడు_
_ఇతడు సాందీపుడా అని_
_దీపం వెలుగులో మరింత_ _నిశితంగా చూసినట్టు.._
_వ్యాసుడు తనను తానే_
_చూసుకుంటున్నట్టు.._
_ముక్కోటి దేవతలే_
_మారువేషాల్లో బెరుకుగా_
_ఇరుకున వరసల్లో_
_కూర్చున్నట్టు.._
_సభ దేవసభే అన్నట్టు.._
_కలియుగమే_ _భక్తిరసరమ్యయోగమైనట్టు..!
*_ఆయన పలుకు.._*
_వేదానికి అనువాదం.._
_ఆధ్యాత్మిక నినాదం.._
_కలియుగంలో భక్తినాదం.._
_వాగ్దేవికి ముదం.._
_సకల దేవతలకు ఆమోదం..!_
*_ధర్మ స్థాపనకు దేవుని అవతారం.._*
*_ధర్మరక్షణకు రుషి.._*
*_ధర్మబోధనకు గురువు.._*
*_ధర్మవ్యాప్తికి ప్రయోక్త.._*
*_ఈ అందరి సమ్మేళనమే_*
*_ఆయన అనే వక్త.._*
*_పంచె..లాల్చీ కట్టి.._*
*_నుదుటిన విభూతి పెట్టి..._*
*_ధోవతి ధరించి.._*
*_వేదికను అలంకరించే.._*
_*ధర్మ ప్రచార ప్రవక్త..!*_
*కృష్ణం వందే జగద్గురుం..*
*ఆయన యందే*
*మన సద్గురం..*
*కోటేశ్వరా..కోటి దండాలు..!*
🙏🙏🙏🙏🙏🙏🙏ఇందాకటి ఎలిశెట్టి గారి వచన కవిత్వం ఎవరి గురించని మన ప్రియ మిత్రులు తెలుపక మునుపే మరో వచన కవిత్వం మరో ప్రముఖుల గురించి.
ఇంటర్ వరకు
కలం పట్టనివాడు..
అటు తర్వాత
కలకలం రేపాడు..
రైల్వే కళాశాలలో
ఇతర వ్యాసంగాల
'అద్దె కొంప'లో
కాలం వెళ్ళబుచ్చినోడు
'అగ్గిపుల్ల ఆత్మహత్య' తో
సాహిత్య నిత్య జైత్రయాత్రకు
శ్రీకారం చుట్టి..
రచనలతో ప్రపంచాన్ని చుట్టబెట్టి..
రాస్తూ రాస్తూ బాలగ్రహణం అధిగమించి..
ప్రాణం పెట్టి రాసిన
'గోగ్రహణం' తో
సాహితీ ఉన్నత శిఖరం
అకాడమీ అవార్డును చేపట్టి
పట్టుబట్టి వెండితెరను మెట్టి
ఆ తెరపై
జిలుగుల తారగా
వెలుగులు పంచుతున్న
ధోరణి..అక్షరాల ఆమని..
ఆ అక్షరాలనే
లక్షణంగా మెచ్చింది అవని..!
ధరణిలోని ఆభరణం
వీధినాటకాలకు పేరని..
అందుకు
బాదల్ సర్కార్ ప్రేరణని..
ఆ ఏకలవ్య శిక్షణే
'పెద్దబాలశిక్ష'ని..
ఆ పరంపరలో
కొక్కొరోకో..గొయ్యి..
విలన్ పాత్రల్లో
అందె వేసిన చెయ్యి..!
రాళ్ళపల్లితో చెలిమి
ఇచ్చింది నాటకాల కలిమి..
వంశీకి నేస్తమై
లేడీస్ టైలర్ పోలీసై..
శివలో పైలాపచ్చీసై..
జనం మెచ్చిన భాసై..
తెలంగాణ యాసై..
ప్రతి సినిమా సెభాసై..!
నేపాలీ మాంత్రికుడి తంత్రాన్నే తిప్పికొట్టిన
నాటి తోటరాముడు..
యముడు తిప్పితిప్పి కొట్టిన
నిన్నటి తోటరాముడు..
చెల్లికి జరగాలి పెళ్లి
మళ్లీ మళ్లీ..
కవిత ప్రచురణ కాగానే
అంతటి రచయితా
మురిసిపోలేదా తుళ్లీతుళ్ళీ..!
హైదరాబాద్ నీకు..
సికిందరాబాద్ నాకు..
ఇలా మురిసిపోతే
ఎలా డిసైడ్ అయిపోయిందో
ఆయన కెరీరు..
పెద్ద పెద్దోళ్ళే తకరారు..
జాతకమే తారుమారు..
వెలిగిపోతూ మారుమారు..!
నాలోన శివుడు కలడు..
నీలోన శివుడు కలడు..
సర్వేశ్వరుడే సర్వస్వమై..
తాదాత్మ్యతే త్వమేవాహమై
భక్తి నిలువెల్లా ఆవాహమై..
పాటలు ప్రవాహమై..
మురిసిపోతూ
మెరిసిపోతూ
***********************
*_ఎలిశెట్టి సురేష్ కుమార్_*
విజయనగరం
9948546286
*_ఎలిశెట్టి సురేష్ కుమార్_*
9948546286
కామెంట్‌లు లేవు:
కామెంట్‌ను పోస్ట్ చేయండి