తమము వికార పూరిత

 చ.తమము వికార పూరిత విధానములన్ మది పెంపు జేయు స్వాం

తమున కశాంతి గూర్చుచు సతమ్మును వర్ధిలుచుండి యొప్పు మో

హమునకు మూలమౌను వివిధార్థ వినాశనకారియౌను ను

త్తముల కయోగ్యమై చనుచు ధర్మ విఘాతపు హేతువయ్యెడున్౹౹ 91

ఉ.కామము క్రోధమున్ భువిని గర్వితులౌ పిసినారులైన దు

ష్కాముక లక్షణమ్ములు వికారపు చేష్టల దుష్ట రూపముల్

తాము వసించు సీమకు సతమ్ము నశాంతికి మూల హేతువుల్

క్షేమము గాని రాజసపు చేష్టలు హానిని గూర్చు సర్వదా౹౹ 92