మాండూక్యోపనిషత్

 మాండూక్యోపనిషత్

శాంతి మంత్రం:

ఓం భద్రం కర్ణేభిః శృణుయామ దేవాః భద్రం పశ్యేమాక్షభిర్యజత్రా! స్థిరైరంగైస్తుష్టువాగ్ం సస్తనూభిః| వ్యశేమ దేవహితం యదాయుః | స్వస్తి న ఇంద్రో వృద్ధ శ్రవాః/ స్వస్తి నః పూషా విశ్వావేదాః | స్వస్తి నచర్ క్ష్యో అరిష్టనేమిః1 స్వస్తి నో బృహస్పతిర్ధ ధాతు|| ఓం శాంతిః శాంతిః శాంతిః ||

1. ఓమిత్యేతదక్షరమిదం సర్వం తస్యోపవ్యాఖ్యానం భూతం భవద్భవిష్యదితి సర్వమోంకార ఏవ యచ్చాన్యత్ త్రికాలాతీతం తదప్యోంకార ఏవ || ఈ లోకం యావత్తు ఓంకారమే. ఓంకార వివరణ గమనిద్దాం. గతించినవీ, ఉన్నవీ, రాబోయేవీ అన్నీ ఓంకారమే. మూడుకాలాలకూ అతీతమైనదేదుందో అది కూడా ఓంకారమే.

2. సర్వం హ్యేతద్ బ్రహ్మ అయమాత్మా సో యమాత్మా చతుష్పాత్ ఇవన్నీ భగవంతుడే. ఈ ఆత్మకూడా భగవంతుడే. ఈ ఆత్మ నాలుగు పరిమాణాలు గలది.

3. జాగరికస్థానో బహిః ప్రః సప్తాంగ ఏకోనవింశతి ముఖః స్టూలభుగ్ వైశ్వానరః ప్రథమః పాదః || ఆత్మలో మొదటి పరిమాణం వైశ్వానరుడు అనబడుతున్నాడు. ఈ వైశ్వానరుడి చైతన్యం బాహ్యముఖంగా ఉన్నది. 7 అవయవాలు, 19 నోళ్ళుగల వైశ్వానరుడు జాగ్రదావస్థలో బాహ్యజగత్తును అనుభవిస్తాడు.

4. స్వప్నః స్థానో నః ప్రజ్ఞః సప్తాంగ ఏకోనవింశతిముఖః ప్రవివిక్తభుక్ లైసో ద్వితీయః పాదః||

ఆత్మ యొక్క రెండవ పరిమాణం తైజసుడు అనబడుతున్నాడు. దీని చేతన అంతర్ముఖమైనది. 7 అవయవాలు, 19 నోళ్ళుగల తైజసుడు స్వప్నావస్థలో మానసిక లోకాన్ని అనుభవిస్తాడు.

5. యత్ర సుప్తో న కంచన కామం కామయతే న కంచన స్వప్నం పశ్యతి తత్ సుషుప్తమ్ | సుషుప్తస్థాన ఏకీభూతః ప్రజ్ఞానఘన ఏవానందమయో హ్యాననందభుక్ చేతోముఖః ప్రాస్తృతీయః పాదః ||

కోర్కెలో, కలలో ఏదీ లేని గాఢనిద్రాస్థితి ఆత్మయొక్క మూడవ పరిమాణ మవుతుంది. ఈ స్థితి అనుభవించేవాడు ప్రాజ్ఞుడు. ఈ స్థితిలో అనుభవాలు ఏవీ ఉండవు. గ్రహణశక్తి బహిర్గతమై ఒక రాశిగా ఉంటుంది. అందువలన ఇది జాగ్రత్ మరియు స్వప్న స్థితి చేతనలకు ద్వారంగా ఉంది. ఆనంద స్వరూపుడైన ప్రాజ్ఞుడు ఇక్కడ ఆనందాన్ని అనుభవిస్తాడు.

6.ఏష సర్వేశ్వర ఏష సర్వజ్ఞ ఏషో గర్యామ్యేష యోనిః సర్వస్య ప్రభవాప్య' హి భూతానామ్ ||

ఇతడే సర్వేశ్వరుడు. ఇతడే సర్వమూ తెలిసినవాడు. ఇతడే అన్ని ప్రాణుల లోపల కొలువై నడిపిస్తున్నాడు. సమస్తానికి మూలకారణం ఇతడే. ప్రాణుల ఉత్పత్తికి, వినాశనానికి కూడా ఇతడే కారణం.

7.నాన్తః ప్రజ్ఞం న బహిః ప్రజ్ఞః నోభయతః ప్రజ్ఞ న ప్రజ్ఞానఘనం న ప్రజ్ఞమ్ నా ప్రజ్ఞమ్ | అదృష్టమ్ అవ్యవహార్యమ్ అగ్రాహ్యమ్ అలక్షణమ్ అచిన్త్యమ్ అవ్యప దేశ్యమ్ ఏకాత్మప్రత్యయసారం ప్రపంచోపశమం శాంతం శివం అద్వైతం చతుర్థం మన్యస్తే స ఆత్మా సి విశ్లేయః ||

నాలుగవ పరిమాణం. అది అంతర్ముఖ స్థితి కాదు. బహిర్ముఖ స్థితి కాదు. రెండు చేరిన స్థితి కాదు. అది చైతన్యం సమకూరిన స్థితి కాదు. చేతన స్థితి కాదు. అది కనిపించదు. చేతలులేని, గ్రహించ శక్యం కాని, గుర్తులులేని, ఊహాతీతమైన,

వర్ణనాతీతమైన స్థితి అది. దాన్ని ఆత్మ చెతన్యంగా మాత్రమే తెలుసుకోగలం. అక్కడ ప్రాపంచిక చైతన్యం లేదు. అది ప్రశాంతమయినది. మంగళకరమైనది. అద్వయితం. ఇదే నాలుగవ పరిమాణం. ఇదే ఆత్మ. దీన్నే తెలుసుకోవాలి.

8. సో యమాత్మా అధ్యక్షరమ్ ఓంకారో ధిమాత్రం పాదా మాత్రా మాత్రాశ్చ పాదా అకార ఉకారో మకార ఇతి ||

ఈ ఆత్మను శబ్దపరంగా చెప్పాలంటే అదే ఓంకారం. అక్షరాలలో అ; ఉ;మ్ అనే మూడు అక్షరాలతో ఓం రూపొందింది.

9. జాగరితస్థానో వైశ్వానరో కారః ప్రథమా మాత్రా ఆపేరాదిమత్వాద్ వా ఆప్నోతి హ వై సర్వాన్ కామానాదిశ్చ భవతి య ఏవం వేద॥

 ఓంకార మంత్రం మొదటి భాగమైన అకారం జాగ్రదావస్థ పరిమాణమైన వైశ్వానరునితో పోల్చబడుతుంది. వ్యాపకత్వం చేత, ఆరంభత్వం వల్ల ఈ రెండూ సమంగా ఉన్నాయి. ఈ విధంగా ఉపాసన చేసినవారి అన్ని కోర్కెలు యీడేరుతాయి. అట్టి ఉపాసకుడు ధన కనక వస్తు వాహనాదులతో అగ్రగణ్యు డౌతాడు.

10. స్వప్నస్థాన సైజస ఉకారో ద్వితీయా మాత్రా ఉత్కర్షాదుభయత్వాద్ వా

ఉ

త్కర్షతి హ వై జ్ఞానసన్తతిం సమానశ్చ భవతి నాస్యా బ్రహ్మవిత్ కులే భవతి య ఏవం వేద॥

ఓంకార మంత్రం రెండవ భాగమైన ఉకారం స్వప్నావస్థను ఆధారంగా చేసుకున్న తైజసుడు. ఎందుకంటే శ్రేష్ఠత్వం చేత, రెండింటి సంబంధం చేత రెం సమానంగా ఉన్నవి. ఈ విధంగా తెలుసుకున్నవాడు నిశ్చయంగా జ్ఞానాన్ని పెంపొందించుకుంటాడు. సుఖ- దుఃఖాల వంటి ద్వంద్వాలలో సమతుల్యంతో వ్యవహరిస్తాడు. జ్ఞానికాని వాడు ఎవరూ అతడి వంశంలో జన్మించరు.

11. సుషుప్తస్థానః ప్రాబ్లో మకారస్తృతీయా మాత్రా మిత్రపీతేర్వా మినోతి హ వా ఇదం హ వాఇదం సర్వమపీతిశ్చ భవతి య ఏవం వేద॥

 ఓంకార మంత్రం మూడవ భాగమైన మకారం సుషుప్తిని ఆధారంగా చేసుకున్న  ప్రాజ్ఞుడు. ఎందుకంటే కొలతవే సే స్వభావంచేతా, గ్రహించే స్వభావంచేతా రెండూ సమానంగా ఉన్నాయి. ఈ విధంగా తెలుసుకున్నవాడు సమస్తాన్ని కొలతవేసే వాడుగా గ్రహించేవాడుగా అవుతాడు.

12. అమాత్రశ్చతుర్డోవ్యవహార్యః ప్రపంచోపశమః శివో 2 ద్వైత ఏవమోంకార ఆత్మైవ సంవిశత్యాత్మనా 2_2 త్మానం య ఏవం వేద య ఏవం వేద ||

ఓంకార మంత్రంలో నాలుగవ భాగం, భాగమని చెప్పలేనిది. నిర్వికారమైనది, ప్రాపంచిక చైతన్యానికి అతీతమైనది. మంగళకరమైనది. అద్వయితం. ఈ ఓం కారమే ఆత్మ. ఈ విధంగా తెలుసుకున్నవాడు ఆత్మను ఆత్మచేత పొందుతాడు.

ప్రశ్న పత్రం సంఖ్య: 23

  ప్రశ్న పత్రం సంఖ్య: 23 కూర్పు: సి. భార్గవ శర్మ న్యాయవాది  

భారత సంబంధ క్రింది ప్రశ్నలకు జవాబులు తెలుపండి  

  1) సవ్యసాచి అనే పేరు అర్జనునికి ఎలా వచ్చింది 

2) లక్క ఇంట్లో పాండవులు, కుంతీదేవి చనిపోయారు అని అనుకోవటానికి కారణం ఏమిటి.  

3) లక్క ఇంటి గూర్చిన వివరాలు పాండవులకు ఎవరు తెలిపారు.  

 4) శ్రీ కృష్ణ భగవానుల అన్నగారు ఎవరు. 

 5) పాండవులు, కౌరవులు తమ విద్య నైపుణ్యం చూపే సమయంలో తన ప్రతిభను చాటిన ధనుర్ధారి ఎవరు.   

6) దృతరాష్టుడు ఎవరి వలన జన్మించారు చెప్పండి. 

7) ధర్మరాజుతో జూదములో తన్ను ఓడడా లేక తన ధర్మ పత్నిని ఓడడా 

8) అడవిలో పాండవులు వున్న గ్రామము పేరు ఏమిటి.  

9) శ్రీ కృష్ణ భగవానులు జరాసంధుని చంపటానికి భీమునికి ఏరకంగా సౌజ్ఞ చేశారు. 

10) ఉత్తరకు నాట్యం నేర్పిన గురువు గారి పేరు, అసలు పేరు ఏమిటి. 

 11) అర్జనుడు ఇప్పటి విజయవాడలో తపస్సు చేసినట్లు చెపుతారు. దేని గూర్చి తాను తపస్సు చేసారు.  

12) ధర్మరాజు ఇంకొక పేరు ఏమిటి. 

 13) శిశుపాలుని తల్లిదండ్రులు ఎవరు ఏదేశము ? 

14) నకుల సహదేవులకు గల ప్రత్యేక విద్యలు ఏమిటి 

15) కృష్ణ భగవానుల తండ్రిగారుఎవ్వరి చెల్లెలి భర్త 

16) భారతంలో కురుక్షేత్ర యుద్దము ఎన్ని రోజులు జరిగింది 

17) రధికునిగా అర్జనుడు మరి సారధిగా ఎవరు ఉండి కురుక్షేత్ర యుద్ధం చేశారు . 

 18) పాండవులలో "కాగల కార్యం గంధర్వులే చేశారు" అని ఎవరు అన్నారు, ఏ సందర్భంలో  

19) శకునికి కౌరవులమీద ప్రేమ ఉన్నదా లేక ద్వేషం ఉన్నదా ఎందుకు తెలపండి  

 20) భారతంలో మీకు నచ్చిన వీరుడు ఎవరు ఎందుకు

కొంటె కోణంగి బాలకృష్ణుడు

 కొంటె కోణంగి బాలకృష్ణుడు

రచన: పీసపాటి గిరిజా మనోహరశాస్త్రి, రాజమహేంద్రవరము

(ఇది రచయిత వ్రాసిన శ్రీ కృష్ణ కLమృతములోని భాగము. క్రిం దటి కృష్ణాష్టమికి

‘ఉద్ధవుని సందేశము’ అనే భాగము పంపడం జరిగినది.)

బలరామకృష్ణులు శుక్లపక్షం చంద్రుడిలాగ పెరుగుతున్నారు. తప్పటడుగులనుంచి

పరుగులుపెట్టే స్థితికి వచ్చారు. గొల్ల పిల్లన్ని కూడగట్టుకుని వింత వింత ఆటలు

ఆడసాగారు. బాలకృష్ణుడు నేను రాజును మీరు నా భటులు అని వారికి ఎన్నో పనులు

చెప్పేవాడు. నేను దొంగను మీరు ఇంటివారు అని వారిని నిద్రపుచ్చి వస్తువులు

తీసుకునిపోయి దాక్కునేవాడు. మూలలకు పరిగెత్తేవాడు దాగుడుమూతలు ఆడేవాడు.

ఉయ్యాలలూగేవాడు. బంతిఆటలు ఆడేవాడు.

పల్లెలో ఎక్కడ చూసినా అతడే కనబడేవాడు. ప్రతీ ఇంట్లోను దూరేవాడు. వాళ్ళు పాలు

పితకకముందే వాళ్ళ దూడలను విప్పేశేవాడు. వాళ్ళ ఇండ్లల్లలో పాలు, పెరుగు, వెన్న

దొందిలించేవాడు. తాగినంత త్రాగి తిన్నంత తిని మిగిలింది తోటివాళ్ళకి పంచి పెట్టేవాడు,

ఇంకా మిగిలిపోతే కోతులకు పెట్టేవాడు.

రోజురోజుకి కన్నడు ఆగడాలు పెరిగిపోతున్నాయి. నల్లనయ్య అల్లరి ఆటలు చూసి గోపికలకు

ఓర్పు నశించిపోయింది. వారందరు కలసి (ఊకుమ్మడిగా) యశోదవద్దకు వచ్చి ఈ విధంగా

మొరపెట్టుకున్నారు.

ఓయమ్మ! నీకుమారుడు

మా యిండ్లను పాలపెరుగు మననీ డమ్మా!

పోయెద మెక్కడికైనను

మా యన్నల సురభులాన మంజులవాణీ (బమ్మెర పోతన)

అమ్మా! యశోదమ్మా! మా ఇంట్లో బాలింతకు పాలు లేవని అనుకుంటుంటె, నీ కొడుకు

వచ్చి పక పక నవ్వుతూ దూడలను విప్పి, అవి ఆవుల పాలు కుడియునట్లు చేసి

పసిబిడ్డకు పాలు లేకుండా చేసాడని ఒకతి;

ఓ తల్లీ! నీకొడుకు కడవలో ఉన్న కాగినపాలు పిల్లలకు పోసి, మిగిలియున్న కడవలు పగులగొట్టాడని మరొకతి;ఓ మంజుభాషిణీ! ఈ రోజు మాఇంటికి దొంగిలించడానికి వచ్చి, ఉట్టి మీద వున్న కుండలు

అందక పీటలను దొంతరగా వేసి, ఆకుండలో చేయపెట్టటానికి అందక, కుండకు క్రిం ద

ఒక కన్నం చేసి దోసిలలో త్రాగాడమ్మా! అని మరొకతి;

ఓయమ్మా! మా ఇంట్లోకి జొరబడి పెరుగునంతా త్రాగి, నిద్రిస్తున్న మాకోడలు నోటికి

చేతులకు పూసివెళ్లాడు. మా కోడలు దొంగపని చేసిందనుకుని కొట్టబోయాను అని

ఇంకొకతి.

కొడుకు చూసి మురిసిపోతున్న ఓ తల్లీ! వారింట్లో దూరి కడవలలో వున్న నెయ్యి, పాలు,

పెరుగు త్రాగి, ఉత్త కడవలను వీరింట్లో పెట్టాడు. అందువల్ల రెండిళ్ళ వాళ్ళకి పోట్లాట

జరిగింది అని వేరొకతి;

ఓ యశోదమ్మా! ఈ గడుగ్గాయి మాఇంట్లో వెన్నతింటూంటె చూసి మాచిన్నమ్మాయి

అడ్డం వెళ్ళి ఇవతలకు లాగింది. వెంటనే వీడు ఆమెను ఒక చేత్తో ఒడిసి పట్టుకుని, రెండో

చేత్తో రొమ్మును గిచ్చి పారిపోయాడు. ఓయమ్మో అల్లా మురిపంగా చూస్తున్నావు. ఇది

పసిబిడ్డడు చేసే పనులేనా అని అన్నది ఆ కన్నెపిల్ల తల్లి. (విష్ణు మూర్తి ఈ అవతారం

ఎత్తే ముందర దేవతలనందరి గోపల్లెలో గోపజనంగా జన్మింపజేసాడు.)

నీ ముద్దు కుమారుడు మా ఇంట్లో తిరుగుతుంటే ఈమె పిలిచి పేరడిగిందట, వెంటనే

ఈమె పెదవి కరిచి వెళ్లిపోయాడు అని వేరొకతి;

మాఅమ్మాయి మా ఇంటికి వెనక ఉన్న పెరట్లో నీళ్లు పోసుకుంటుంటే చేబంతి

పడిపోయిందన వచ్చి నీ బిడ్డడు ఆమె బట్టలు తెచ్చేసాడు అని మరొకతి;

నిద్రిస్తున్న నాకొడుకు జుట్టుకూ లేగదూడ తోకకు ముడివేసి, దూడను వీధిలోకి తోలాడు.

అందువల్ల ఆ బిడ్డ పరుగు తీయాల్సివచ్చింది. అని ఒకతి;

నా కొడుకు మీదపడి బలవంతంగా బానెడు వెన్నను వాని నోటిలోకి కూరాడు. వాడు

ఊపిరి ఆడక ఉక్కిరి బిక్కిరి అయ్యాడని మరొకతి;

ఒక స్త్రీ నిద్రిస్తుం టె మీవాడు ఆమె చీర ఊడదీసి తేలుచేత కరిపించాడు. ఆమె భయంతో

వలువలు లేకుండా పరుగులు పెడుతుంటె నవ్వుతున్నాడు; నాకొడుకు కోడలు

నిద్రిస్తుం డగా నీ కొడుకు ఒక పాము తెచ్చి వారపై పడవేసాడు. వారు భయంతో వలువలు

లేకుండ పరుగులు తీస్తుం టె పకపక నవ్వుతున్నాడని మరొకతి;

నీకొడుకు ఒళ్ళో కూర్చోవడానికి వస్తే ఆ ఇల్లాలు “నేను గర్భవతిని దూరంగా వుండు”

అన్నది. గర్భవతి కావడానికి కారణ మేమిటి చెప్పు అని అడిగాడు. నీ కొడుకు మాటలు

నీకు ఆనందాన్ని కలిగిస్తాయి, అలా అడిగితే ఎవరేనా చెబుతారటమ్మా? (ఈ సృష్టి

అంతటికి కారణభూతుడైన ఇతనికి సృష్టిరహస్యం తెలియని వాడా?)

పూజా మందిరంలో వున్న దేవతల చిత్రపటాలు చూచి, వీరు దేవుళ్ళా? నా కంటె గొప్ప

దేవుడు ఎవరున్నారు అని అన్నాడమ్మా! ఒకతె కొడుకులు లేరని బాధపడుతుంటె వీడు

నా వద్దకురా కొడుకులు పుడతారన్నాడు. (ఆ భగవానుడు నువ్వు నన్ను ఆరాధించు

తప్పక కొడుకులు పుడతారని తెలియజెప్పాడు.)

మా ప్రక్కింటి యువతి చల్ల చిలికిన తరువాత ముందుకు వంగి వెన్నతీస్తోం టె నీ కొడుకు

వెకనుంచి చేరి కూడని పనులు చేయసాగాడు అని మరొకతి;

ఓ యశోదమ్మ! మా వాడలో వున్న గోపికలందరూ కలిసి మీ బిడ్డ వస్తాడేమోనని పాలు,

పెరుగు భద్రం గా ఇంట్లోపెట్టి తాళాలు వేసి పైన ముద్రలు కూడా వేసాము. ఎప్పుడు వస్తాడో

తెలియదు, ఎప్పుడు పోతాడో తెలియదు. కనపడకుండా మాయమవుతాడు. తీరా

తలుపులు తీసి చూస్తే äళీ కడవలు మాత్రం అటూ ఇటూ పడి వుంటాయి.

నీ కొడుకు ఒక ఇంట్లో నాట్యం చేస్తూ ఉన్నాడు. ఒక ఇంట్లో పాటలు పాడుతూ వున్నాడు.

ఒక ఇంట్లో నవ్వుతూ వున్నాడు. ఒక ఇంట్లోనుంచి తిడుతూ ఉన్నాడు. ఒక ఇంట్లోం చి

వెక్కిరిస్తూ వున్నాడు. మరొక ఇంట్లోనుంచి రకరకాల జంతువుల అరుపులూ, పక్షుల

కూతలూ కూస్తూ ఉన్నాడు.

(బాలకృష్ణుడు చేస్తూవున్న ఆ వినోదాలన్నీ తమయెడల అనుగ్రహించిన మహాప్రసాదాలని

వారు తెలుసుకోలేకపోయారు.)

ఈ విధంగా గోపికలందరూ మొరపెట్టుకుంటుంటె, కన్నయ్య ఏమీ తెలియని వాని వలె

అమాయకంగా మొహం పెట్టి తల్లి చాటుకి వెళ్లి నిలబడ్డాడు. అంత యశోద “ ఓ

అమ్మలార! నాచిన్ని కృష్ణుడు నాపాలు త్రాగుతూ ఎల్లప్పుడూ నా వద్దనే వుంటాడు.

ఇరుగు పొరుగు గడపలు త్రొక్కడు. వానికి అభం శుభం తెలియదు. నా బిడ్డ ఎంతో

మంచివాడు. వాని మీద అబాండాలు మోపకండి” అని వారిని శాంతపరిచి

పంపివేసింది. కాని కన్నయ్యపై కొంచమైనను కోపంచూపించలేదు.

నమస్తే

అనుభవమంటే జ్ఞానము,

 పూర్వజన్మ కర్మఫలాన్ని అనుభవించేది దేహమా? ఆత్మా?

పూర్వజన్మ కర్మఫలాన్నే కాదు, అన్ని కర్మల ఫలాన్ని అనుభవించేది ఆత్మే. అనుభవమంటే జ్ఞానము, ఇది నాకు అనుకూలముగా ఉంది అనే భావన అనగా జ్ఞానము సుఖము, ఇది నాకు ప్రతి కూలముగా ఉంది అనే భావన ద:ఖము అనబడును. మనకు అనుకూలమైన ఇష్టమైన ఆహారాదులను స్వీకరించినపుడు కలిగేది తృప్తి. తృప్తి అనగా ఆనందమే. సంకల్పించినట్లు ఆచరించగలిగిన నాడు కలిగేది తృప్తి. ఆచరించలేనినాడు కలిగేది అసంతృప్తి. ఇవన్నీ జ్ఞాన భేదములే.

శరీరము జడము. దానికి ఈ జ్ఞానములన్నీ ఉండవు. ఆత్మ చేయమన్న పని చేయటమే శరీరము పని. శరీరము ఒక యంత్రము. ఇంకా చెప్పాలంటే కర్మాగారము. స్విచ్‌ వేస్తే ఫ్యాన్‌ తిరిగుతుంది. లైటు వెలుగుతుంది. ఆ ఫ్యాన్‌కు గాలి అనుభవం ఉండదు. ఆ లైటుకు వెలుగు అనుభవం ఉండదు. ఆ రెండు స్విచ్‌ వేసినవాడే అనుభవిస్తాడు. ఫ్యాన్‌కు ఆ గాలి అనుభవముంటే స్వచ్‌తో పని లేకండా అదే తిరగాలి. అలా తిరుగుటం లేదు. అలాగే ఆత్మ బుద్ధిని ప్రేరేపిస్తుంది, బుద్ధి మనసును ప్రేరేపిస్తుంది, మనసు ఇంద్రియాలను ప్రేరేపిస్తుంది. ఆయా ఇంద్రియాలు ఆయా అవయవాల ద్వారా ఆయా పనులు చేస్తాయి. అంటే ఫ్యాన్‌ తిరగటంలా అవయవాలు కదలాడుతాయి. చేతిలో ముద్దు చేసి నోట్లో పెట్టుకొని పండ్లతో నమిలి గొంతుతో మింగుతాము. తృప్తి మనసు ద్వారా, బుద్ధి ద్వారా ఆత్మకు చేరుతుంది. శరీరానికే కర్మఫలమైతే ఈ శరీరంతో చేసిన కర్మఫలం ఈ శరీరం నశించగానే నశించాలి మరు జన్మలోని శరీరానికి ఎలా వస్తుంది? ఎందుకు వస్తుంది? అందుకే ఫలం అనుభవించేది ఆత్మే. పూర్వ జన్మ శరీరంలో ఈ జన్మ శరీరంలో ఉన్నది ఒకే ఆత్మ కావున ఆ ఆత్మ తాను అనుభవించవలసిన ఫలమునకు అనుగుణముగా ఆయా కర్మలను చేయాలని బుద్ధి కలిగిస్తుంది, మనసు ప్రేరేపిస్తుంది, శరీరం చేస్తుంది, ఆత్మ అనుభవిస్తుంది. అందుకే అంటారు ‘బుద్ధి: కార్మానుసారిణీ’ అని. భగవద్గీతలో పరమాత్మ కూడా బుద్ధి యోగమును నేను ఇస్తాను అంటాడు. అనుభవించేది ఆత్మే! ... సేకరణ

ఋణానుబంధము

 *కర్మ - ఫలితం - ఋణానుబంధము* 

           ‌‌‌‌‌‌ ✍️ శ్రీనివాస్ చిలకమర్తి.

🌺🍁🍁🍁🍁🌺🌺🍁🍁🍁🍁🌺

*తెలిసీ తెలియక చేసే తప్పులు కూడా బంధాలు అవుతాయి...*

ఇతరులతో పూర్వజన్మలో మనకు గల ఋణాను బంధాలు తీర్చుకోవడానికే ఈ జన్మలో భార్యగా, భర్తగా, సంతానంగా, తల్లిదండ్రులుగా, మిత్రులుగా, నౌకర్లుగా, ఆవులు, గేదెలు, కుక్కలు ఇలా ఏదో ఒక రకమైన సంబంధంతో మనకి తారస పడుతుంటారు...

ఆ ఇచ్చి పుచ్చుకునే ఋణాలు తీరగానే దూరమవడమో, మరణించడమో జరుగుతుంది. ఈ విషయాన్ని మనం చక్కగా అర్థం చేసుకో గలిగితే మన జీవిత కాలంలో మనకి ఏర్పడే సంబంధాల మీద మోజు కలుగదు.  

ఇతర జీవులతో మన ఋణాలు ఎలా ఉంటాయి అంటే...

మనం పూర్వ జన్మలో ఒకరి నుంచి ఉచితంగా ధనం కానీ, వస్తువులు కానీ తీసుకున్నా, లేదా ఉచితంగా సేవ చేయించుకున్నా ఆ ఋణం తీర్చుకోవడానికి ఈ జన్మలో మన సంపాదనతో పోషించబడే భార్యగా, సంతానంగా, మనతో సేవ చేయించుకునే వారి గాను తారసపడతారు.

ద్వేషం కూడా బంధమే, పూర్వజన్మలో మన మీద గల పగ తీర్చుకోవడానికి మనల్ని హింసించే యజమానిగా లేదా సంతానంగా ఈ జన్మలో మనకి వారు తారసపడవచ్చు...

మనం చేసిన అపకారానికి ప్రతీకారం తీర్చుకోవడానికి ఈ జన్మలో శత్రువులుగానో, దాయాదులుగానో, ఏదో ఒక రకంగా మనకు అపకారం చేసే వారిగా ఎదురవుతారు.

మనం చేసిన ఉపకారానికి బదులుగా ఉపకారం చేయడానికి ఈ జన్మలో మిత్రులుగానో, సహాయకులు గానో ఎదురవుతారు...

ఉదాహరణకు ఒక జరిగిన కథ...

కొల్లూరు లోని మూకాంబికా తల్లి ఆలయం దగ్గర అడుక్కునే ఒక కుంటి బిచ్చగాడు ఉదయం ఆరు నుంచి రాత్రి పది గంటల దాకా గుడి పక్కన బిచ్చం అడుక్కుంటూ ఉండేవాడు. ఆ వృత్తిలో నెలకి పదివేలకు పైనే సంపాదించేవాడు. 

కానీ తను సౌకర్యవంతమైన జీవితం గడిపితే బిచ్చం వేయరని సాధారణ జీవితం గడుపుతూ, రోడ్డు పక్కన ఎవరి పంచలోనో పడుకుంటూ, మూకాంబికా తల్లి ఆలయంలో పెట్టే ఉచిత భోజనాన్ని తింటూ, చిరిగిన దుస్తులు ధరిస్తూ ఉండేవాడు.

తన సంపాదనతో ఇద్దరి కొడుకులను ఎం.బీ.బీ.ఎస్ చదివిస్తున్నాడు. 

ఒకసారి మూకాంబికా తల్లి దర్శనానికి వచ్చిన ఒక మహానుభావుడు ఆ బిచ్చగాడిని చూసి ఇలా చెప్పాడు. 

పూర్వజన్మలో ఇతను ఇద్దరు వ్యక్తుల దగ్గర డబ్బులు తీసుకుని, వాళ్లు చాలా బాధలో ఉన్నప్పుడు ఇతను, ఇవ్వగలిగే స్థితిలో ఉండి కూడా ఇవ్వలేదు.అందుకే ఈ జన్మలో తాను కష్టపడి సంపాదిస్తూ వున్నా, తాను బాధలు పడుతూ, వాళ్లను చదివిస్తూ వాళ్ల రుణాన్ని తీర్చుకుంటున్నాడు. అని.. 

అంతే కాక మనకు తెలిసి తెలియక చేస్తున్న చిన్న చిన్న తప్పులు కూడా మనకు బంధాలు అవుతాయని నిరూపించే ఒక కథ...

ఒకసారి మహర్షి బస చేసిన అతిథిగృహం బయట ఉన్న చెత్తకుండీలో తిని పారేసిన విస్తరాకులు కోసం అనాథ బాలలు వీధి కుక్కలతో పోట్లాడుతున్నారు. 

అది చూసిన కొందరు భక్తులు బాధగా స్వామిని అడిగారు, స్వామి ఈ దారుణ పరిస్థితికి కారణం ఏమిటి అని. 

ఈ పిల్లలంతా వారి గత జన్మలో ఆహార పదార్థాలను అధికంగా దుర్వినియోగం చేశారు, అందుకని వారు ఈ జన్మలో ఆహారం కోసం పరితపిస్తున్నారు, అని స్వామి జవాబు చెప్పారు.

నీటిని దుర్వినియోగం చేస్తే ఎడారిలో పుడతారు. ఏ వనరులను దుర్వినియోగం చేసినా దాని ఫలితాన్ని తప్పక అనుభవించాల్సి ఉంటుంది అన్నారు మహర్షి...

ఒకమారు శ్రీ విద్యా ప్రకాశానందగిరి స్వామి వారు బందరుకి వెళ్తూ గురువైన శ్రీ మలయాళ స్వామి వారి అనుమతి తీసుకుని వెళుతూ ఉంటే, ఆయన వెనక్కి పిలిచి నీ చేతి సంచి ఏది అని అడుగుతే, పక్కనున్న మిత్రుడి చేతిలో ఉంది అని చెబుతారు. 

అప్పుడు మలయాళ స్వామి వారు నువ్వు మోయగలిగి ఉండి, ఈ జన్మలో నీ మిత్రుడు చేత సంచీని మోయిస్తే వచ్చే జన్మలో నువ్వు అతని బియ్యం బస్తాను మోయాల్సి ఉంటుంది అన్నారు.

ఇలాంటివి మనము తెలిసి తెలియక చాలా చేస్తూ ఉంటాం, మనం ఇతరుల నుంచి మొహమాటం చేతనో, మర్యాదకో, కృతజ్ఞత గానో, గౌరవంతోనో లేదా మరే ఇతర కారణాల ద్వారానో ఉచితంగా స్వీకరించిన వన్నీ కర్మ బంధాలై జనన మరణ చక్రంలో మనల్ని బంధిస్తాయి...

కొత్త వాళ్ల నుంచి పెన్ను లాంటి వస్తువులను తీసుకోవడం, మన పెట్టె లాంటివి మోయించడం, పక్క వాళ్ళు షాప్ కి వెళ్తుంటే నాకు ఫలానాది తీసుకురా అని చెప్పడం, ఇలాంటివి అనేక సందర్భాల్లో ఇతరుల సేవలను ఉచితంగా తీసుకుంటాం.

అవి కర్మ బంధాలవుతాయి అని తెలియక మన జీవితకాలంలో చేసే ఇలాంటి వేలకొద్దీ కర్మబంధాల్లో చిక్కుకుపోతుంటాము... 

ఆరడుగుల తాచుపాము విషం ఎంత ప్రమాదకరమో, అలాగే అంగుళం తాచుపాము విషం కూడా అంతే ప్రమాదకరం,

అలాగే కర్మ ఎంత పెద్దదైనా, చిన్నదైనా దాని ఫలితం దానికి ఉండి తీరుతుంది తప్ప మాయం కాదు...

ఒకతను వెళ్తూ ఓ చోట కొందరు రక్షక భటులు ఓ దొంగను చుట్టుముట్టడం చూసాడు. మరికొంత దూరం వెళ్ళాక ఓ రాజు చుట్టూ కూడా ఉన్న కొంతమంది రక్షక భటుల్ని చూసాడు. అతను ఆగి రాజుని సందేహంగా అడిగాడు. ''రాజా! దొంగ చుట్టూ ఇలాగే రక్షక భటులున్నారు. మీ చుట్టూ కూడా రక్షక భటులున్నారు. ఆ దొంగకి, మీకూ గల తేడా ఏమిటీ?''

అందుకా రాజు నవ్వి జవాబు చెప్పాడు. ''తన చుట్టూ రక్షక భటులున్న ఆ దొంగ బంధితుడు. అతను పారిపోకుండా వాళ్ళు కాపలా ఉన్నారు. నేను స్వేచ్ఛ కల వాడిని. ఈ రక్షక భటులు నన్ను కాపాడటానికీ వీరంతా నా చుట్టూ ఉన్నారు. నేను వెళ్ళిపొమ్మంటే వెళ్ళిపోతారు''.

ఆ రక్షక భటులు కర్మలు. దొంగ చుట్టూ పారిపోకుండా ఉండి అతని నేరాలకి తగిన శిక్ష పడేలా చేసే రక్షక భటులు స్వార్ధకర్మల్లాంటి వాళ్ళు. స్వార్ధ కర్మలు మనల్ని బంధిస్తాయి. కాని రాజు చుట్టూ ఉన్న రక్షక భటులు నిస్వార్ధకర్మల్లాంటి వారు. నిస్వార్ధ కర్మలు మనిషిని రక్షిస్తాయి తప్ప బంధించలేవు.

త్వరగా పెరిగే ఓ లత, ఓ కొబ్బరి చెట్టు కాండాన్ని అల్లుకుని ఆ కొబ్బరి చెట్టుతో గర్వంగా చెప్పింది.

''చూడు, నేను ఎంత త్వరగా పెరిగి నిన్నంతా అల్లుకున్నానో? మరి నువ్వో? ఓ అంగుళం కూడా పెరగలేదు.''

ఆ కొబ్బరి చెట్టు చిన్నగా నవ్వి జవాబు చెప్పింది. ''వేలకొద్దీ లతలు నాతో ఇదే మాటన్నాయి. గాలి తాకిడికి అవి వెళ్ళిపోయాయి నేను మాత్రం బలంగా ఇక్కడే ఉన్నాను''.

*హిందూ సనాతన ధర్మం ఆ కొబ్బరి చెట్టులాంటిది. అలాంటి హిందూ మతానికి కర్మ-జన్మలు మూలస్ధంభాలు*

 *జైశ్రీరామ్🚩* 

*సేకరణ: ఆధ్యాత్మిక భక్తి ప్రపంచం*

🌺🍁🍁🍁🍁🌺🌺🍁🍁🍁🍁🌺

ప్రతీది శివస్వరూపమే

 ఓం నమః శివాయ 3.

మీకు కనిపించే ప్రతీది శివస్వరూపమే. ప్రతీ వ్యక్తిని, ప్రతి ప్రాణినీ, ప్రతి వస్తువును, ప్రతి స్వరూపాన్ని శివుని అంశగానే భావించండి. మీరు ఏ పనులు చేస్తున్నా , శివుడే మీ ద్వారా వాటిని చేయిస్తున్నాడని అనుకుంటే మీరు ఏ తప్పులూ చేయలేరు.

జపం, ధ్యానం , పూజ, సమయాల్లో మాత్రమే కాకుండా పని చేస్తున్నప్పుడు, ఇతర కార్యక్రమాలలో ఉండేటప్పుడు శివ జపం మానసికంగా కొనసాగిస్తూ ఉండాలి. ( ఏ దేవతా మంత్రం అయినా సరే) మీ కార్తవ్యాలు , కుటుంబం పట్ల గానీ, వృత్తి రీత్యా గానీ, సమాజం పట్ల గానీ, ఏవైనా సరే! వాటిని శ్రద్ధతో బాధ్యతాయుతంగా నెరవేర్చండి. వారికి మీరు చేసే సేవలు పరమ శివుడికి చేస్తున్నట్లు భావించండి.

దేనికి భయపడవద్దు. ఎవరినీ ద్వేషించకండి. అనవసరం గా ఎవరిని విమర్శించవద్దు. మీరు సర్వ భాధ్యతలు వదిలి ఈ ప్రపంచాన్ని వీడవలసి రావచ్చు. ఈ సత్యాన్ని గ్రహిస్తే అందరూ శివనామ స్మరణకే ప్రాధాన్యత ఇస్తారు. దృఢమైన సంకల్పంతో నిరంతరం శివ నామాన్ని జపం చేస్తూ ఉంటే పరమేశ్వరుని పట్ల గాఢమైన భక్తి, ప్రేమ, విశ్వాసం ఏర్పడతాయి. మీ ఆలోచనలలో , ప్రవర్తనలో విశేషంగా మార్పులు వస్తాయి. ఈ మార్పే మంత్రం సిద్దికి ప్రధానమైన సూచన. మీ మనసుకు ఎంత శక్తి ఉందో మీకు తెలియదు. నిరంతర జపం వలన మెదడులో దివ్య ప్రకంపనలు ఏర్పడి అద్భుతమైన మార్పులు చూస్తారు. అవి దివ్య చైతన్య సహయం చేస్తాయి. పగలు ఏ మాత్రం సమయం దొరికినా శివ జపం చేయండి. నిద్రించే ముందు కూడా శివుని జపం చేస్తూ నిద్రకు ఉపక్రమించండి. 

ఎన్ని ఆటంకాలు వచ్చినా జపం మాత్రం మధ్యలో ఆపకూడదు. ' నేను తప్పకుండా శివదర్శనం పొందగలను' అనే పాజిటివ్ దృక్పథం తో జపం చేయండి. నేను గతంలో చాలా తప్పులు చేశాను నాకు శివ దర్శనం కలగటం అసాధ్యం అనే వ్యతిరేక ఆలోచనలను దగ్గరకు రానివ్వకండి. అదృశ్యంగా శివుడే ఇప్పుడు మీకు రక్షణ కవచం గా ఉండగా ఏ గత కర్మ మిమ్మల్ని బాధించలేదు. గతంలో చేసిన తప్పులను మాత్రం మళ్ళి తిరిగి చేయకుండా ఉంటే చాలు. 

ఎవరైతే శివుని కోసం తపిస్తారో, నిస్వార్థంగా పని చేస్థారో వారికి శివ దర్శనం తొందరగా లభిస్తుంది. శివా నాకు నువ్వు కావాలి, నువ్వే కావాలి, ఇంకేం వద్దు అని మనసులో ఒకటికి పదిసార్లు చెప్పుకోండి. శివ దర్శనం ఒక సారి అయింది అంటే ఇంక ఆ ఆనందం అవధులు లేనిది. ఈ భౌతిక ప్రపంచపు ఏ ఆనందం దానికి సరిపోల్చదు. ఆ దివ్య ఆనందాన్ని పొందడమే మన లక్ష్యం కావాలి. ఏ దేవతా మంత్రాన్ని ఉపాసన చేసినా పై అంశాలు వర్తిస్తాయి. 

సశేషం

9542552784

జ్ఞానోదయ స్థితి

 బ్రహ్మ-భూతః అంటే బ్రహ్మన్ ను తెలుసుకున్న స్థితి. దాని యందే స్థితమై ఉండి, వ్యక్తి 'ప్రసన్నాత్మా', అంటే సంక్లిష్టమైన మరియు బాధాకరమైన పరిస్థితులలో కూడా ప్రశాంతముగా మరియు వాటిచే ప్రభావితం కాకుండా ఉంటాడు. 'న శోచతి' అంటే వ్యక్తి దేనికీ శోకింపడు లేదా ఎటువంటి కొరతని తలచడు. 'న కాంక్షతి' అంటే, వ్యక్తి తన ఆనందం సంపూర్ణమవటానికి ఎటువంటి భౌతిక వస్తువును కాంక్షింపడు. అటువంటి యోగి, అన్నింటిలో ఉన్న బ్రహ్మమునే అనుభవిస్తూ, సర్వ భూతములను సమ దృష్టిచే చూస్తాడు. ఈ స్థితిలో, వ్యక్తి అంతర్గత విజ్ఞాన జ్ఞానోదయ స్థితిలో ఉంటాడు. కానీ, శ్రీ కృష్ణుడు ఈ శ్లోకాన్ని ఒక చక్కటి మలుపుతో ముగిస్తున్నాడు. ఇటువంటి జ్ఞానోదయ స్థితి/స్థాయిలో, వ్యక్తి భగవంతుని పరాభక్తి (దివ్య ప్రేమ) ను పొందుతాడు అని అంటున్నాడు.

భక్తి అనేది బ్రహ్మాజ్ఞానోదయమునకు ఒక మధ్యమ మెట్టుగా మాత్రమే చేయతగినదని జ్ఞానులు తరచుగా అంటుంటారు. భక్తి అనేది అంతఃకరణ శుద్ధికి మాత్రమే ప్రయోజనకారి అని, మరియు ఈ పథంలో చివరికి కేవలం జ్ఞానమే మిగిలిపోతుందని అంటుంటారు. అందుకే, ధృడమైన బుద్ధి, వివేకము ఉన్నవారు, భక్తిని పక్కకుపెట్టి కేవలం జ్ఞానమునే పెంపొందించుకోవాలి అని సిఫారసు చేస్తారు. కానీ, ఈ పై శ్లోకం ఇటువంటి దృక్పథాన్ని ఖండిస్తుంది. అత్యున్నతమైన జ్ఞానోదయాన్ని పొందిన తరువాత, వ్యక్తి పరాభక్తిని పెంపొందించుకుంటాడు. 

  🚩🙏 కృష్ణం వందే జగద్గురూమ్ 🙏🚩

దక్ష యజ్ఞ విధ్వంస

 ప్ర: 'దక్ష యజ్ఞ విధ్వంస' గాథలోని ఆంతర్యం తెలుపగలరు.

జ: అన్నీ కలిసొచ్చినంతకాలం అంతా తన నిర్వాకమేననుకుంటాడు మనిషి. అప్పుడు మర్యాద, మన్ననవంటివేమీ పట్టవు. 

'తాను బ్రహ్మగారి పుత్రుడు, ప్రజాపతి. దేవతలందరూ తన మాట వింటారు. యజ్ఞకర్మలాచరించి కావలసిన ఫలాన్ని తాను పొందగలడు.

మధ్యలో ఈశ్వరుడెవడు? తన కర్మే (పనియే) తనకు ఫలాన్నిస్తుంది. ఈశ్వరుని ప్రస్తావనే తన కక్కర్లేదు' - ఈ అహంకారంతో ఈశ్వరావమానానికే సిద్ధపడ్డాడు దక్షప్రజాపతి.

ఈశ్వరునే కాదని యజ్ఞాన్ని ప్రారంభించాడు.

ద్వేషంతో, దైవాన్ని అవమానించే ఉద్దేశంతో సాగే ఆ యజ్ఞంలో అన్ని వనరులూ సమకూర్చుకున్నాడు. ఎంతైనా ప్రజాపతి కదా!

అసలు - ఈ ప్రజాపతిత్వం ఈశ్వరుని కృపవల్లనే బ్రహ్మ ద్వారా తనకు లభించింది. కానీ అహంకారం అసలు సత్యాన్ని గ్రహించనివ్వదు. కేవలం బాహ్య దృష్టినీ, అలంకారాల ఆడంబరాలనీ వదలలేని భౌతికునికి - పరమాత్ముని పరమార్ధ వేషం అర్థమవుతుందా!

ప్రజాపతి మాట తీసేయలేక దేవతలు యజ్ఞంలో పాల్గొన్నారు. అవమానించడం దక్షుని అసలు ఉద్దేశమైనా, ఏ మానావమానాలూ ఈశ్వరునికి అంటవు. అందుకే ఆయన చలించలేదు. నిర్వికారుడై ఆయన కదలక పోయినా, ఆయన శక్తి చూస్తూ ఊరుకోదు.

అందుకే తాను కదిలివచ్చింది, హెచ్చరించింది.

వినాశకాలం దాపురించిన దక్షునికి ఆ హెచ్చరిక చెవిన పడలేదు. దానితో ప్రకృతి (సతీదేవి) తాను 'దక్షుని పుత్రిక'గా (దాక్షాయణిగా) మనదలచుకోలేదు. శివనిందాపరుని కూతురు అనిపించుకొనే ఇష్టంలేక భౌతిక శరీరాన్ని త్యాగం చేసింది.

అప్పుడు విజృంభించింది ఈశ్వరాగ్రహం. ఏ భౌతిక శక్తులూ, దేవతాశక్తులూ ఈశ్వరాగ్రహాన్ని ఎదుర్కొనలేక పోయాయి. ఆ ఆగ్రహశక్తి వీరభద్రుడు. అందులో అధర్మపరుల్ని శిక్షించే 'వీరత్వం' ఉంది. ధర్మాన్ని రక్షించే 'భద్రత్వం' ఉంది.

వీరభద్రుని వీరావేశం దక్షుని అహంకారపుటజ్ఞానయజ్ఞాన్ని ధ్వంసం చేసింది.

'దక్షత' అంటే సమర్థత. ప్రకృతిని తన శాసనానుగుణంగా నడచుకొనే శక్తి అని (కూతురిగా) భ్రమించాడు. అంతా తన సమర్ధతేనని భ్రమించే భౌతికదృష్టి కలిగి ఉండడమే 'దక్షత'. తనకు, ప్రకృతికీ కూడా శాసకుడొకడున్నాడనే వివేకంలేని అహంకారానికి ప్రతీక అతడు.

సర్వకర్మలకీ బలాన్నిచ్చి, ఫలాన్నిచ్చే పరమేశ్వరుని విస్మరించి, ధర్మపు హద్దుల్ని అతిక్రమిస్తే, ఆ ఈశ్వరుని శక్తి అయిన ప్రకృతి క్షమించదు. అది వీరభద్ర విజృంభణ తాండవానికి వీలు కల్పిస్తుంది. సంక్షోభించిన ప్రకృతి నుంచి సర్వేశ్వరుని రౌద్రం వీరతాండవం చేస్తుంది. దానితో స్వయంసమర్థుడననే మానవాహంకారం మట్టి కరుస్తుంది.

ఈ శాశ్వత సత్య బోధనను దక్షయజ్ఞ విధ్వంసగాథ నుంచి గ్రహించాలి.

మోడీజీ గొప్పతనం 🙏

 మరో మరు మోడీజీ గొప్పతనం గురించి కచ్చితంగా మాట్లాడుకొని తీరాలి..... 

ఈ హడావిడిలో పడి మన నరేంద్రుడి గొప్పతనం మర్చిపోయాం.... మనం మన భారత సామ్రాట్ మోడీజీ.... అ ట్రంప్ లాగా అరిచి...., బైడెన్ గాడిలా మొత్తుకొని,.... కెనడా ప్రధాని లాగా ట్విట్టర్ లో సొల్లు చెపుతూ ఉండడు... నిశ్శబ్దంగా తన పని తాను చప్పుడు కాకుండా చేసుకుంటాడు.... ఆది అతని గొప్పతనం... 

 ఎందుకు ఇప్పుడు మోడీని ని ఇంతలా పొగడాలి... అంటే మనం గత వారం రోజులుగా చుస్తునాం... ఆఫ్గనిస్తాన్ లో ముస్లిం ల అరాచకాలు.... మనకు తెలిసు....కొందరు కుక్కలు మొరుగుతూనే ఉన్నాయి.... మోదీ ఎం చేస్తున్నాడు... మాట్లాడాలి... దీనిపై అని... కానీ అ వేదవలకు తెలియని విషయం.... ఇలాంటి మరణహోమన్ని ముందే ఊహించి.... కతర్ లో తాలిబాన్ గాళ్ళకు కేంద్ర భద్రత సలహాదారు అజిత్ దోవల్ తో ముందే మీటింగ్ పెట్టించి... ఆఫ్ఘన్ లో ఒక్క భారతీయనికి ఏమైన జరిగితే పరిణామాలు తీవ్రంగా వుంటాయని.... చెప్పి అక్కడ వున్న హిందూ సిఖ్ లను గత కొద్దీ రోజులుగా దర్జాగా విమానాలలో తరలిస్తున్నాడు 🙏 ఎలాంటి ప్రాణ నష్టం లేకుండా... ఎందుకు ఇ విషయం లో మోడీని మెచ్చుకోవాలి.... అంటే మోదికి ముందే తెలుసు ఇ రాడీకల్ ఇస్లామిక్ తీవ్రవాదులు ముసర్కులు వీళ్ళుఅని....

అలానే అక్కడ తాలిబాన్ గాళ్ళు వాళ్ల ముస్లిం లను చంపుకుంటున్నారు.... కానీ ఒక్క హిందూ.... సిఖ్ జోలికి పోవడం లేదు ఇది మోదీ గొప్పతనం ..... ఇప్పుడు అక్కడ వున్న క్రిస్టియన్స్ లను తోలు వలిచి మరి ఒక్కొక్కడిని ఇంటింటికి తిరిగి మరి చంపుతున్నారు... ప్రపంచంలో అగ్రదేశాలం అని పిలుసుకునే అమెరికా... బ్రిటిష్....కెనడాలు... ఎం చేయలేకపోతున్నాయి... కానీ ఓకే ఒక్కడు... వాళ్ళను భయం లో పేట్టి వాళ్లే స్వయంగా వచ్చి ఎయిర్పోర్ట్ లో వచ్చి సంగణంపుతున్నారు.... అంటే ఇది మోదీ .....కానీ ఇ విషయం కొందరు లుచ్చాయాళ్లకు,వ్యభిచార మీడియాకు ఎప్పటికి అర్థం కాదు...

నాకు మాత్రం మోదీ మరో ఛత్రపతి...

మరో సుభాషచంద్రబోస్....

మరో సావర్కర్ ...

జయహో నరేంద్ర ...

🙏🏻

జై భారత్.🚩

తెలుగు భాషా దినోత్సవo

 శుభమస్తు, శుభోదయం, " వేద సంస్కృతి నేర్పిన స్నేహ ధర్మం " ! యుగాలాదిగ స్థిరమైన భాషాభిమానం ! అపౌరుషేయంగా ఈ పవిత్ర అవనిపై ఏనాడో ఆవిష్కరించబడ్డ పుణ్య వేదనాదం ! శృతి, స్మృతుల రూపాన, పౌరాణేతిహాసాల ద్వారా ఈ ఇలపై సనాతన ధర్మావిష్కరణ ! వేదాలందే నిక్షిప్తమై ఉన్న మన అమృత భాష, మన అమ్మ భాష, " తేనెలూరెడి తెలుగు భాష " ! గిడుగు రామ్మూర్తి పంతులు తెలుగు భాషను సరళతరం చేసి, సామాన్యులకు సైతం, సులువుగా పలికే మార్గం చూపిన వైనం ! సులువుగా, సరళంగా, మృదువుగా ఇట్టే అర్థమయ్యే భాష, మన తెలుగు ! భాషలన్నిటిలోన తన ప్రత్యేక స్థానాన్ని అత్యున్నత రీతిలో నిలుపుకోవడం మన అమ్మ భాష మహత్మ్యం ! ఏబది ఆరు అక్షరాలు, పరుషాలు, సరళాలు, అచ్చులు, హల్లులు, సున్న, అరసున్న, విసర్గలతో చక్కగా భాషాభారణమై, బహు భూషణమైన తెలుగు వెలుగు ! తెలుగు భాషా దినోత్సవ శుభాకాంక్షలు ! 🤝🤝🤝🤝🤝 🌹🌹🌹🌹🌹 గుళ్లపల్లి ఆంజనేయులు