*శ్రీమాత్రేనమః*
*శ్రీలలితా సహస్రనామ భాష్యము*
*989వ నామ మంత్రము* 4.9.2021
*ఓం వాంఛితార్థప్రదాయిన్యై నమః*
కోరిన కోర్కెలను ఇచ్చు స్వభావము గలగిన పరమేశ్వరికి నమస్కారము.
శ్రీలలితా సహస్ర నామావళి యందలి *వాంఛితార్థప్రదాయినీ* అను ఎనిమిదక్షరముల (అష్టాక్షరీ) నామ మంత్రమును *ఓం వాంఛితార్థప్రదాయిన్యై నమః* అని ఉచ్చరించుచూ, ఆ జగన్మాతను భక్తిశ్రద్ధలతో ఆరాధించు భక్తులకు వారి కోరినకోర్కెలను సిద్ధింపజేయును.
జగన్మాత కోరిన కోర్కెలను నామస్మరణ మాత్రమననే ఇచ్చును. గనుకనే ఆ తల్లి *వాంఛితార్థప్రదాయినీ* యని అనబడినది. సరస్వతీ దేవిని ఆరాధిస్తే విద్యలను ఇస్తుంది. లక్ష్మీదేవిని ప్రార్థిస్తే ఐశ్వర్యములను కలుగజేస్తుంది. అలాగే విష్ణుమూర్తి మోక్షమును ప్రసాదిస్తాడు. ఆదిత్యుడు (సూర్యుడు) ఆరోగ్యాన్ని అనుగ్రహిస్తాడు. శంకరుడు ధర్మార్థమోక్షములను ఇస్తాడు. కాని పరమేశ్వరి భక్తుల వాంఛితార్థములు ఏవైనను ప్రసాదిస్తుంది. అంటే దేవతలకు భక్తుల కోరికలను తీర్చడంలో కొంత పరిధి ఉన్నది. కాని జగన్మాత కోర్కెలు ఏవైనను తీర్చుతుంది. అందుకే ఆ తల్లి *వాంఛితార్థప్రదాయినీ* యని అనబడినది.
జగన్మాతకు నమస్కరించునపుడు *ఓం వాంఛితార్థప్రదాయిన్యై నమః* అని యనవలెను.
🌹🌹🌹🌹🌹🌹🌹🌹🌹🌹🌹🌹
మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.
🌹🌹🌹🌹🌹🌹🌹🌹🌹🌹🌹🌹
*పసుమర్తి వేంకట దుర్గా సుబ్రహ్మణ్యం* 7702090319, 9505813235
🌹🌹🌹🌹🌹🌹🌹🌹🌹🌹🌹🌹
మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐
కామెంట్‌లు లేవు:
కామెంట్‌ను పోస్ట్ చేయండి