*శ్రీమాత్రేనమః*
*శ్రీలలితా సహస్రనామ భాష్యము*
*406వ నామ మంత్రము* 4.9.2021
*ఓం శివారాధ్యాయై నమః*
శివునిచే ఉపాసింపబడిన పరమేశ్వరికి నమస్కారము.
శ్రీలలితా సహస్ర నామావళి యందలి *శివారాధ్యా* యను నాలుగక్షరముల (చతురక్షరీ) నామ మంత్రమును, *ఓం శివారాధ్యాయై నమః* అని ఉచ్చరించుచూ, ఆ పరమేశ్వరిని భక్తి శ్రద్ధలతో ఆరాధిస్తే, భక్తులకు సర్వాభీష్ట సిద్ధిని కలుగజేయును.
శ్రీవిద్యోపాసకులలో శివుడు కూడా శ్రీవిద్యోపాసకుడే. శ్రీవిద్యోపాసనతో పరమేశ్వరిని ఆరాధించి అర్ధనారీశ్వరుడైనాదు.
'శివుడు పరమేశ్వరిని ఆరాధించి, ధ్యానించి, ధ్యానయోగముయొక్క శక్తిచే సర్వసిద్ధులను పొందగలిగెను, అర్ధనారీశ్వరుడయ్యెను' అని బ్రహ్మాండపురాణంలో చెప్పబడినది. మనం జపించే పంచదశీ మంత్రమునకు వాగ్భవకూటము, కామరాజకూటము, శక్తికూటము అను మూడుకూటములు గలవు. కాని శివుడు ఉపాసించిన శ్రీవిద్యకు నాలుగుకూటములు ఉన్నవి. అందుచే పరమేశ్వరి *చతుష్కూట విద్యాస్వరూపురాలు* అని యనబడినది.
అలాగే పరమేశ్వరుడు భువనేశ్వరీ హృదయాన్ని, ధూమావతీ కవచాన్ని, శ్యామలాాస్తోత్రముసు, అన్నపూర్ణా సహస్రమును, రేణుకా కవచమును...ఇంకను ఎన్నో స్తోత్రాలతో పరమేశ్వరిని ఆరాధించాడు. గనుక జగన్మాత *శివారాధ్యా* యని అనబడినది.
పరమేశ్వరికి నమస్కరించునపుడు *ఓం శివారాధ్యాయై నమః* అని యనవలెను.
🌹🌹🌹🌹🌹🌹🌹🌹🌹🌹🌹🌹
మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.
🌹🌹🌹🌹🌹🌹🌹🌹🌹🌹🌹🌹
*పసుమర్తి వేంకట దుర్గా సుబ్రహ్మణ్యం* 7702090319, 9505813235
🌹🌹🌹🌹🌹🌹🌹🌹🌹🌹🌹🌹
మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐
కామెంట్‌లు లేవు:
కామెంట్‌ను పోస్ట్ చేయండి