🌺🌹🌺🌹🌺🌹🌺🌹🌺🌹
. *🌹వేమన పద్యములు🌹*
. *అర్థము - తాత్పర్యము*
. *Part - 11*
🌺🌹🌺🌹🌺🌹🌺🌹🌺🌹
*💥వేమన పద్యాలు-- 28*
*అంతరంగమందు నభవు నుద్దేశించి*
*నిల్పి చూడనాడ నిల్చుగాక*
*బాహ్యమందు శివుని భావింపనిలుచునా*
*విశ్వదాభిరామ రామ వినుర వేమా !*
*🌹తాత్పర్యము --*
బాహ్యస్థితిలో శివుని గూర్చి తలపు స్థిరము గాదు.
అంతశ్శుద్ధి కలిగి పరమాత్మను ధ్యానించే మానవునికి సకల సుఖములు ప్రాప్తించును.
*💥వేమన పద్యాలు -- 29*
*అంతరంగమందు ననువుగా శోధించి*
*తలప దలప ముక్తి తగులు గాక*
*బాహ్యరంగమందు భాషింపదెలియునా*
*విశ్వదాభిరామ రామ వినుర వేమా !*
*🌹తాత్పర్యము --*
తగిన రీతిలో ముక్తి పొందాలంటే మనసు ప్రధానంగా చేసుకుని భగవంతుని ధ్యానించాలి.
ఒట్టిమాటలు ఎందుకు పనికి రావు.
*💥వేమన పద్యాలు -- 30*
*అంతరంగమందు నపరాధములు చేసి*
*మంచి వానివలెను మనుజుడుండు*
*యితరు లెరుగకున్న నీశ్వరుం డెరుగడా*
*విశ్వదాభిరామ రామ వినుర వేమా !*
*🌹తాత్పర్యము --*
తప్పులన్నీ చేసేసి , ఏమీ తెలియదు నాకు అంటే , మనుషులు ఊరుకోవచ్చేమో గాని ఈశ్వరుడు ఊరుకోడు.
తగిన సమయంలో బుద్ధి చెబుతాడు.
ఆ భగవంతుని దృష్టి నుండి ఎవరూ తప్పించుకోలేరు.
*పార్వతీపరమేశ్వరుల దివ్య ఆశీస్సులు అందరిపై ఉండాలని మనసారా కోరుకుంటూ అందరికీ శుభరాత్రి*
*సర్వేజనా సుఖినోభవంతు*
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
🌺🌹🌺🌹🌺🌹🌺🌹🌺🌹
. *🌹వేమన పద్యములు🌹*
. *అర్థము - తాత్పర్యము*
. *Part - 12*
🌺🌹🌺🌹🌺🌹🌺🌹🌺🌹
*💥వేమన పద్యాలు-- 31*
*అంతరంగమందు నద్వైతమే యుండు*
*బాహ్యమందు ద్వైత భావముండు*
*యట్లుకాక తత్త్వ మలవడ నేరదు*
*విశ్వదాభిరామ రామ వినుర వేమా !*
*🌹తాత్పర్యము --*
తత్త్వం తెలియాలంటే ద్వైత భ్రాంతి వీడాలి.
జీవాత్మ పరమాత్మలను వేరుగా చూడరాదు.
అభేద బ్రహ్మ బోధము కావాలి.
*💥వేమన పద్యాలు -- 32*
*అంతరంగ మెరుగ హరుడౌను గురుడౌను*
*యంతరంగ మెరుగ నలవికాదు*
*యంతరంగ మెరుగ నతడెపో శివుడయా*
*విశ్వదాభిరామ రామ వినుర వేమా !*
*🌹తాత్పర్యము --*
ఎవరి మనసులో ఏముందో తెలుసుకోవాలంటే అది ఆ శివునికొక్కడికే శక్యము , ఎదుటి వాని మనసుననున్నది గ్రహించినవాడే శివస్వరూపుడౌతాడు.
*💥వేమన పద్యాలు -- 33*
*అంతరంగ హృదయమందగా సాధించి*
*చింత లూడబెరికి చిక్కుపడక*
*వింతజూచి మెలగి విజ్ఞాన మందరా*
*విశ్వదాభిరామ రామ వినుర వేమా !*
*🌹తాత్పర్యము --*
ఏ చీకూ చింతా లేకుండా , చిత్తశుద్ధితో భగవంతుని ధ్యానించి జ్ఞానమును పొందవలెను.
సత్ప్రవర్తునుడై మెలగవలెను.
*పార్వతీపరమేశ్వరుల దివ్య ఆశీస్సులు అందరిపై ఉండాలని మనసారా కోరుకుంటూ అందరికీ శుభరాత్రి*
*సర్వేజనా సుఖినోభవంతు*
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
కామెంట్‌లు లేవు:
కామెంట్‌ను పోస్ట్ చేయండి