నవదుర్గా నడిపించుమమ్మా*

 *శీర్షిక: నవదుర్గా నడిపించుమమ్మా*

అమ్మా నవదుర్గా మమ్ము నడిపించుమమ్మా

పచ్చని పకృతివై వెలిసి ధరణి కాపాడుమమ్మా 

ధాన్యలక్ష్మిగ జీవనం సుఖప్రదం చేయవమ్మా 

గజలక్ష్మిగా వచ్చి సహనాన్ని పెంపొందించవమ్మా 

సంతానలక్ష్మిగా ధర్మాన్ని రక్షించే ధరణీషుల గని ధర్మాన్ని గమనంలో ఉంచవమ్మా

ధైర్యలక్ష్మీ అభాగ్యులకు ధైర్యమిచ్చి ధైన్యాన్ని తీర్చుమమ్మా

జ్ఞాన సరస్వతీ యువతకు సంస్కారమీయవమ్మా

విజయలక్ష్మీ మంచి ప్రయత్నాలకు విజయాలు ప్రసాదించుమమ్మా 

ధనలక్ష్మీ ధన దాన పాత్రత నిచ్చి మమ్ములను దాతలుగా మార్చుమమ్మా 

అపర కాళివై ఆడబిడ్డల చెరచు దుర్మార్గుల దునుమాడు మమ్మా 

ఉజ్జయిని మహంకాళివై ఉగ్రవాదాన్ని తుడిచి పెట్టమ్మా 

మంచిని మరలా స్థాపింప మానవాళి కోసం మరో అవతారం ఎత్తవమ్మా 

ఆదిలక్ష్మివై అన్నింట అభయమిచ్చి నడిపించవమ్మా 

భారతిగ లోకాన దేశ యశో కీర్తిని పెంచవమ్మా 

సరిహద్దులు దాటు దేశద్రోహులను ఆపవమ్మా సేనలకు అండగా ఉండవమ్మా

మహిషాసుర మర్ధినివై మాలోని అవగుణాలను హరించుమమ్మా

సర్వ సౌభాగ్య వరములిచ్చి అభివృద్ధి బాటలో నడుపుమమ్మా 

మమ్ము నడుపుమమ్మా

🪷🙏🪷మీకు మీ కుటుంబ సభ్యులకు

 *దసరా పండుగ శుభాకాంక్షలు*🪷🙏🪷

✍️ తుమ్మ జనార్దన్ (జ్ఞాన్) 🙏