గొప్పలు చెప్పినంత

 ఉ.గొప్పలు చెప్పినంత గుణ కోవిదులంచు జనమ్ము మెచ్చరే

తప్పు లొనర్పకుండ పటు ధార్మిక వృత్తి చరింప నిష్ఠతో

నొప్పగ, సజ్జనాత్ముడని ఉత్తమ కీర్తి వహింప,గొప్ప పే

రొప్పును లోకమందున మహోత్తమ కీర్తి పథమ్ము దక్కినన్౹౹ 75

ఉ.కుప్పలుగా నదే పనిగ కూర్మి హితమ్ముల చెప్పనేమి ఆ

చెప్పెడు నీతి శాస్త్రములు చేతలలో కనిపింపఁ జేయగా

నెప్పటికిన్ ఫలమ్మిడు మహిన్ వినుతింప జనమ్ము మెచ్చగా

నొప్పు మహాత్ములై వెలుగ నుత్తమ జీవన మందగాఁ దగున్౹౹ 76