నేను

నేను, నాది అనే భావనను అహంభావం అని సంస్కృతంలో అంటాము, స్వార్ధం అని మనం అంటాము. ఎవరైనా తనకోసం మాత్రమే తాపత్రయపడుతుంటే వానిని స్వార్ధపరుడు అని అంటుంటాము.  ఇది ఐహికమైన విషయం.  కానీ ప్రతివారు ఆధ్యాత్మిక దృష్టితో పూర్తి స్వార్ధపరుడు కావలి అప్పుడే మోక్షం కరతలామలకం అవుతుంది.

ఇక్కడ నేను మూడు నేనుల గూర్చి చెపుతాను.

ఒకటవ నేను :  ఈ పని ఎవరు చేశారు -- నేను

ఈ ఇల్లు ఎవరు కట్టించారు  -- నేను 

ఈ కారు ఎవరు  కొన్నారు  --  నేను

ఇలా మనం రోజు నేను అని పలుమార్లు పలుకుతుంటాము. ఆ నేను ఎవరు అంటే ఈ శరీరం అని అనుకోవాలి కానీ ఇంకొకటి కాదు ఎందుకంటె కాలికి దెబ్బ ఎవరికి తాకింది అంటే నాకు అని జవాబు. జ్వరం ఎవరికి వచ్చింది అంటే కూడా నాకు అనే జవాబు. ఈ నేనే ఈ జగత్తుతో సంబంధం కలిగి వున్నది.  ఈ జగత్తుని పంచేంద్రియాలతో సంబంధం కలిగి వుంటున్నది.  నేను అనే ఈ శరీరంకోసం మనం నిత్యం అనేక కర్మలు చెడ్డ కర్మలు చేస్తున్నాము.  దానిలో భాగంగా మనం మన శరీర అంధ చందాలు, ఆనందాలు, సంతోషాలకు ప్రాకులాడుతున్నాము. ఎవరైనా పొగిడితే పొంగిపోవటం, దూషిస్తే బాధ పడటం చేస్తున్నాము. ఎదుటివాడిమీద ఈర్ష్య పడటం. ఇవన్నీ మనం నేను అనే శరీరంతో చేస్తున్నాం. నిజానికి ఈ శరీరానికి ఇవి ఏవి సంబందించినవి కావు. ఇవన్నీ చేయిస్తున్నది శరీరం కాదు శరీరంలో వున్నా ఇంకో నేను ఆ నేనే రెండవ నేను.  ఇక్కడ మనం ఒక చిన్న ఉదాహరణతో ఈ విషయాన్ని తెలుసుకోవచ్చు అది మనం ఒక కారు చూస్తాం అది మనకు కొంత దూరంలో పోతూ కనబడిందనుకోండి మనం అంటాం అదిగో చూడు అక్కడ మారుతి కారు పోతున్నది అని.  కానీ నిజానికి అక్కడ పోతున్నది మారుతి కారు కాదు మారుతి కారులో వున్న మనిషి.  ఆ మనిషి మనకు కనపడటంలేదు.  మనం ఆ మనిషి (డ్రైవర్) గూర్చి చెప్పకుండా కేవలం కారు గూర్చే చెప్పుతున్నాం ఎందుకంటె మన కంటికి కారు మాత్రమే కనపడుతున్నది.  ఆ కారు ఒక చోట ఆగితే ఆ కారు ఆగింది అంటున్నాము కానీ కారులోని మనిషి ఆగాడని అనటంలేదు.  నిజానికి మనం చేస్తున్న ప్రస్తావన అంతాకూడా కారులోని మనిషి గూర్చి మాత్రమే కానీ మనం కారుకి అవి ఆపాదిస్తున్నాము. అదే విధంగా రామా రావు అనే మనిషి కూడా ఒక కారు లాంటి వాడే అందుకే మనం మారుతి కారు అన్నట్లు రామా రావు అని సంబోధిస్తున్నాం.  ఆ రామా రావు కూడా తానూ రామా రావు అనే అనుకుంటున్నాడు.  నిజానికి అతను మొదటి నేను. కానీ రెండో నేను అతనిలో ఉండి రామా రావు అనే మొదటి నేనుని చెతన్యం చేస్తున్నాడు.  మొదటి నేనుతో సుఖం దుఃఖం ఆనందం, విషాదం అనుభవిస్తున్నాడు.  చూసే వారు కూడా ఈ మొదటి నేనే అన్ని అనుభవిస్తున్నాడని అనుకుంటున్నారు.  కానీ యదార్ధం ఏమిటంటే మొదటి నేను కేవలం శరీరం మాత్రమే అందులో రెండవ నేను లేకపోతె ఈ మొదటి నేనుకి ఉనికి లేదు. ఎప్పుడైతే రెండవ నేను మొదటి నేనులోంచి తొలగి పోతుందో అప్పుడు మొదటి నేను కళ్ల ముందర వున్నా అందరు మొదటి నేను చనిపోయిందని అంటారు.  నిజానికి చనిపోయంది (తొలగిపోయంది మొదటి నేను కాదు రెండవ నేను ) రెండవ నేను. ఎప్పుడైతే రెండవ నేను మొదటి నేనుని విడిచిపెట్టిందో అప్పుడు మొదటి నేను చెతన్య రహితం అవుతుంది. ఎలాగైతే డ్రైవరు దిగిన తరువాత కారు కదలకుండా ఉంటుందో అదే విధంగా.  అప్పుడు రామా రావు పార్థివ శరీరం అంటారు.  నిజానికి పార్థివ శరీరం రామా రావుది కాదు ఎందుకంటె ఇక్కడ వ్యవహార నామం పెట్టింది మొదటి నేనుకి మాత్రమే కానీ రెండవ నేనుకి కాదు కానీ లోకం ఆ పేరుని మొదటి నేనుకి కాక రెండవ నేనుకి ఆపాదిస్తున్నారు.  యంత చిత్రమో చుడండి. రెండవ నేనుకి రామా రావు అనే పేరు లేనేలేదు కేవలం ఇక్కడికి (ప్రపంచం)వచ్చిన తరువాతే మొదటి నేనుతో కలిసి దానికి పెట్టిన  రామా రావు అనే పేరుతొ వ్యవహారం నడిపింది రెండవ నేను మాత్రమే. మొదటి నేనుతో చేసిన కర్మల ఫలితాన్ని మాత్రమే రెండవ నేను తన వెంట తీసుకొని పోతాడు. 

విజ్ఞులైన వారు తాము బైటి ప్రపంచానికి కనపడుతున్న మొదటి నేను కాదు కేవలం రెండవ నేనునే నేను అనే భావం కలిగి మొదటి నేనును ఎంతవరకు, ఎలా ఉపయోగించుకోవాలో ఆలా ఉపయోగించుకొని రెండవ నేను కోసం మాత్రమే తాపత్రయ పడతారు. వారు ఈ మొదటి నేను కేవలం రెండవ నేను ఈ లోకంలో సంచరించటానికి ఉపయోగ పడే కారు లాంటిదే అని దానికి ఏర్పడ్డ బంధాలు కేవలం మొదటి నేనువి మాత్రమే కానీ రెండవ నేనుకి చెందినవి కావనే జ్ఞనంతో వుంటారు.  వారినే మనం యోగులని అంటాము. 

మూడవ నేను గూర్చి తెలుసుకోటం చాలా దుర్లభం ఏ కొద్దీ మందికి మాత్రమే ఈ మూడవ నేను జ్ఞ్యానం కలుగుతుంది.  ఆ జ్ఞ్యానం కలగటమే జీవన్ముక్తి.
మూడవ నేను గూర్చి తెలుసుకోవటానికి ముందుగా మనం ఇక్కడ ఆత్మా పరమాత్మా అనే విషయాలను గూర్చి క్లుప్తంగా తెలుసుకుంటేనే మనకు ఈ మూడవ నేను అర్ధం కాదు. 

మన సాధారణ దృష్టిలో ప్రతి మనిషి తనలో ఒక ఆత్మ కలిగి ఉంటాడని ఈ జగత్తుకు కారణం పరమాత్మా అనే భావనలో వుంటారు. అందుకే మనం దేముడు, భగవంతుడు అని నేను కానీ ఇంకొక శక్తి ఉందని విశ్వసిస్తాము  ఆ శక్తికే భగవంతుడు, పరమాత్మా అని పేరు పెట్టాము. ఇక్కడ మనం తెలుసుకోవలసింది ఏమిటంటే నిజానికి మనం అనుకునే ఆ పరమాత్మా కానీ, భగవంతుడు కానీ లేనే లేడు మరైతే వున్నది ఎవరు.  ఆ వున్నది కేవలం నేను నేను మాత్రమే నేను కానిది నాకన్నా భిన్నంగా వున్నది వేరే ఏది లేదు ఆ నేనే ఆ మూడవ నేను. 

మొదటి నేను తో రెండవ నేనును ఉపయోగించుకొని మూడవ నేనును తెలుసుకోవటమే ముక్తి, లేక మోక్షం. మూడవ నేను గూర్చి ఇంత క్లుప్తంగా వ్రాసానని అనుకుంటున్నారా అది అంత క్లుప్తం కానీ కాదు.  ఎన్నో జన్మలు ఎన్నో వేల సంత్సరాలు సాధన చేస్తేనో కానీ నేను ఈ మూడవ నేనును తెలుసుకుంటాను, చేరుకుంటాను. అది తెలుసుకోవటం చాలా దుర్లభం. అది తెలుసుకుంటే ఇంక తెలుసుకోవటానికి ఈ జగత్తులో ఏమి లేదు అందుకే ఆ జ్ఞానాన్ని బ్రహ్మ జ్ఞానం అన్నారు బ్రహ్మ అనే పదానికి అతి ఉత్తమం అని అర్ధం. బ్రహ్మ జ్ఞానం అది పొందిన జ్ఞాని రెండు ఒక్కటే అందుకే " బ్రహ్మ విత్ సాక్షాత్ భ్రహ్మయేవ భావ" అని ఉపనిషత్ వాక్యం . 

మనం ఈ పవిత్ర భారత ఖండంలో జన్మించటం మన పూర్వ జన్మ పుణ్యం. ఈ పవిత్ర భారతంలోనే మన ఋషులు వారి వారి దివ్య అనుభవాలతో మనకు ఉపనిషత్తులు అందించారు.  ఆ ఉపనిషత్ జ్ఞానాన్ని వేదాంతం అంటారు.  వేదాంతం అనే పదంలోనే దాని అర్ధం వుంది అంటే అది వేదాలకు చివర అని అర్ధం వేదాలు కర్మ కాండను తెలిపితే వేదాంతం జ్ఞాన కాండను చెపుతుంది. జ్ఞ్యాన పిపాసకులకి ఋషులు బోధించినది, దేవతలు బోధించిన కధలే ఈ ఉపనిషతులు. ఉపనిషతులు ఎన్నో వున్నాయి అన్నారు.  కానీ 108 మాత్రం ప్రముఖమైనవిగా పేర్కొంటే అందులో 10 ఉపనిషత్తులు ముఖ్యమైనవిగా చెపుతున్నారు. ఒక్కో ఉపనిషత్ ఒక్కో వేదానికి సంబంధించి ఉంటుంది.   

మనకు అద్భుత జ్ఞానాన్ని ప్రసాదించిన మన ఋషులు సదా స్మరణీయులు.  నిత్యం మనం చేసే ప్రీతి సత్ కర్మ కూడా వారు మనకు ప్రసాదించిన దివ్య జ్ఞానమే. 

నా గురువు గారి వద్దనుండి నేను పొందిన జ్ఞానాన్ని నా తోటి ముముక్షువులతో పంచుకోవాలనే భావంతో ఇది వ్రాస్తున్నాను. జిజ్ఞాసువుల సాధనకు నా వ్యాసం ఊతం ఇస్తే నేను నా ప్రయత్నంలో సఫలీకృతుడని అయినట్లే  

నా భావన ముముక్షువులకు చేరుతుందని విశ్వసిస్తూ మీ 

బుధజన విధేయుడు 

భార్గవ శర్మ   

ఓం శాంతి శాంతి శాంతిః 

సర్వే జన సుఖినోభవంతు 

మాస్కులు మనలని ఎంతవరకు కాపాడుతాయి

ఇప్పుడు ప్రజలల్లో ముకానికి ఒక మాస్క్ కట్టుకుంటే ఇక మనం సురక్షితం కరోనా మన దారికి రాదు అనే ఒక భావనలో వున్నారు వారికి మస్కుల పనితీరు గూర్చి తెలియ చేయటానికి ఇది వ్రాస్తున్నాను. 

ముందు కరోనా అంటే ఏమిటో సూక్ష్మంగా వివరిస్తా: ఇది ఒక వైరస్ అని మనకి మర్చినెల  నుంచి తెలుసు.  ఈ వైరస్ సూక్ష్మ పరిమాణంలో ఉంటుంది, అంటే మన కంటికి కనపడనంత చిన్నది.  బ్యాక్టీరియాలు కూడా మన కంటికి కనపడవు.  కానీ ఈ వైరస్ ఇంకా సూక్ష్మంగా ఉంటుంది. మాములుగా మన రక్త పరీక్షా చేసే మైక్రోస్కోపులో కూడా ఇది కనపడదు అంటే అర్ధం చేసుకోండి ఇది యెంత పరిమాణంలో ఉంటుందో.  అతి సూక్షమమైనది కాబట్టి దీనిని నివారించటానికి అది దురలేని సూక్ష్మ మైన మాస్క్ ధరించాల్సి ఉంటుంది.  కానీ అది సాధ్యమా అంటే మనకు సాధ్యం కాదని చెప్పాలి. 

మనం ప్రస్తుతం మెడికల్ షాపులో దొరికే మాస్కులు కానీ బట్టతో కుట్టిన మాస్కులు కానీ ధరిస్తున్నాం. మెడికల్ షాపులోని మాస్కుని సర్జికల్ మాస్కు అంటారు.  ఇది ఒక సారి వాడి పారేయాలి.  కానీ కొంతమంది మరల మరలా వాడుతున్నారు.  ఇది మంచిది కాదు.  దీనివల్ల మనం రక్షించబటం అటుంచి వైరస్ భారిన పడటానికి ఎక్కువ దోహదం చేస్తుంది.  0.06 microns-0.14 microns మైక్రాన్ల ఉంటుంది. (ఒక మిల్లి మీటరు 1000 మిక్రోనులు అంటే ఒక మిక్రోన్లో 6/100 - 14/100 సైజులో ఈ వైరస్ ఉంటుంది.  దానిని కేవలం ఎలక్ట్రానిక్ మైక్రోస్కోపులో మాత్రమే చూడగలం.    కానీ ఈ సర్జికల్ మాస్కు అంత సూక్ష్మమైన దానిని నివారించ లేదు. సర్జికల్ మాస్కు ఈ వైరస్ నివారణకు పూర్తిగా సహకరిస్తుందన్న విషయం WHO నిర్ధారణ చేయలేదు. ఈ మాస్కులు వాడితే వెంటనే వాటిని పారవేయండి. 

ఇక మనం వాడే బట్ట మాస్కులు; ఈ బట్ట మాస్కులు కూడా పూర్తిగా వైరస్ ని నివారించలేవు. మనం ఒక చిన్న ఉదాహరణతో ఈ విషయాన్నీ తెలుసుకుందాం. బాగా మలింగంగా వున్న నీటిని తీసుకొని ఈ బట్ట మాస్కుతో వాడకట్టండి తరువాత చుడండి వడపోసిన నీరు పూర్తిగా పారదర్శకంగా ఉన్నాయా లేదా. తప్పకుండ పారదర్శకంగా వుండవు.  ఆ నీటి పక్కన RO నీటిని పెట్టి చూడండి మీకు తేడా తెలుస్తుంది. మనకు లభించే నీరు బోరు నీరు కానీయండి పంపు నీరు కానీయండి అవి పూర్తిగా స్వచ్చమైనవి కావు అందుకే మనం RO తో యాంత్రికంగా వడపోసిన నీటిని సేవిస్తున్నాము. నీటిలోని కలుషితాలను  రెండు రకాలుగా పేర్కొన వచ్చు 1) నీటిలో తేలి ఉండి నీటిలో కరుగకుండా వుండే కలుషితాలు (suspensors) ఇవి చెత్త చెదారం, మట్టిరేణువులు మొదలైనవి. నీటిని కొంతకాలం అంటే కొన్ని రోజులు కదలకుండా వుంచుతే ఈ పదార్ధాలు వాటంతట ఏవ్ కిందికి చేరుకుంటాయి.  ఇవి వైరస్ ల కన్నావాటికన్నా పెద్దవైన బ్యాక్టీరియాలకన్నా పెద్దవి.  కానీ వీటినికూడా మనం వాడే బట్ట మాస్కు నివారించలేదు.  దీని బట్టి బట్ట మాస్కు పనితనం ఎంతవరకు అన్నది మనం ఆలోచించాలి.   2) నీటిలో కరిగివున్న లవణాలు వీటి గూర్చి ఇప్పుడు అప్రస్తుతం కాబట్టి వివరించటంలేదు. బట్టతో చేసిన మాస్కులు వాడితే మీరు ఇంట్లోకి వచ్చిన వెంటనే వాటిని సబ్బుతో ఉతకండి. తరువాత మాత్రమే వాటిని ధరించండి. ఎట్టి పరిస్థితిలోను మాస్కుని మీరు బైటి వైపు తాకవద్దు. 

మరి మాస్కులు వాడటం ఎందుకు. నిజానికి సూక్షమంగా పరిశీలిస్తే మనం వాడే మాస్కులు 100 శాతం క్షేమకరం కాదు. కానీ ఎదుటువాడు తుమ్మినా, దగ్గినా అతని నోటి నుంచి, ముక్కు నుంచి వచ్చే droplets తుప్పర్లు మన మీద పడకుండా కొంత వరకు సాయ పడతాయి.  కాబట్టి మూతికి మాస్క్ వేసుకున్నానని రోడ్ల మీద విచ్చల విడిగా తిరగవద్దు. మీ మస్కులో కూడా risk వుంది ఇది తెలుసుకోండి. మీరు 

అనాయాసేన మరణం"

అనాయాసేన మరణం"
 
మన పూర్వీకులు గుడికి వెళ్లినప్పుడు దర్శనం అయ్యాక గుడి నుండి బయటకు వచ్చే ముందు కొంతసేపు గుడి మండపంలో కానీ ప్రాకారం లోపల కానీ కొంతసేపు కూర్చుని ఒక చిన్న ప్రార్ధన చేసేవారూ.
అది ఏమిటంటే..

"అనాయాసేన మరణం

వినాధైన్యేన జీవనం

దేహాంతే తవ సాన్నిధ్యం

దేహిమే పరమేశ్వరం."

మీరు గుడి లోనికి వెళ్లినప్పుడు దేవుని ముందు నిల్చుని మీ రెండు చేతులను జోడించి, కళ్ళు తెరిచి ప్రశాంతమైన మనసుతో దర్శనం చేసుకోండి.

దర్శనం అయ్యి గుడి బయటకు వచ్చాక గుడి మండపంలో కూర్చుని కళ్ళు మూసుకుని అప్పుడు మళ్లీ భగవంతుని రూపాన్ని గుర్తుకు తెచ్చుకుని ఆయనను ఈ క్రింది విధముగా అడగండి.

"అనాయాసేన మరణం"
*
నాకు నొప్పి లేక బాధ కానీ లేని
మరణాన్ని ప్రసాదించు.

"వినా ధైన్యేన జీవనం"
*
నాకు ఎవరి మీదా ఆధారపడకుండా,
నేను జీవితంలో ఎవరి ముందూ తలవంచకుండా, ఎవరినీ నొప్పించకుండా, నేను ఎవరి వద్దా చులకన కాకుండా ఉండే జీవితాన్ని ప్రసాదించు.

"దేహాంతే తవ సాన్నిధ్యం"
***
మృత్యువు నావద్దకు వచ్చినప్పుడు నేను
నిన్ను దర్శించుకునే విధంగా దీవించు.

దేహిమే పరమేశ్వరా
*
ఓ పరమేశ్వర నాకు ఈ క్రింది మూడు వరములను ప్రసాదించమని నిన్ను ప్రార్ధిస్తున్నాను.

1)అనుక్షణం నీ ప్రార్ధనలొనే గడిపే విధముగా అనుగ్రహించు.నీ ప్రార్ధనతో నన్ను ఉత్తమమైన మార్గంలోకి తీసుకు వెళ్ళు.
2)ఎప్పుడూ కూడా నేను నిన్ను నాకు కానీ నా బిడ్డలకు కానీ సంపదలు కానీ పేరు ప్రఖ్యాతులు కానీ ఇవ్వమని అడగను కానీ నాకు నీవు ఉత్తమమైన నీ సాన్నిధ్యాన్ని అనుగ్రహించు.
3) నాకు ఎప్పుడూ కూడా నీవు సదా అండగా
ఉండి నన్ను ఉత్తమమైన మార్గంలో నడిపించు.
ఇలా మీరు ఎప్పుడు గుడికి వెళ్లినా ఇప్పుడు చెప్పిన విషయాలు గుర్తుంచుకొని ప్రవర్తిస్తే మనకు ఏమి కావాలో అవి అన్ని కూడా మనం అడగకుండానే ఆయనే ప్రసాదిస్తాడని మరువకండి.
" లోకా సమస్త సుఖినో భవంతు..
ఒక వాట్స్యాప్ మెసెజ్ ద్వారా లబ్ధం

జీవితం అశాశ్వితం మరణం నిశ్చితం.  కానీ ప్రతి మనిషి తాని శాస్వితుడనని తనను మృతువు తాకాదనే భ్రాంతిలో ఉంటాడు.  నిజానికి మరణానికి వయస్సుతో నిమిత్తం లేదు. ఈ శరీరం మన పూర్వ జన్మ ప్రారబ్ధ ఫలం.  దేహం ఎలా ఉండాలి, ఎంతకాలం ఉండాలి అనేది కేవలం మన ప్రారబ్ధం వలన మాత్రమే లభితం. 

అంతిమ లక్ష్యం

ఈ భూమిమీద పుట్టిన ప్రతి జీవి యొక్క అంతిమ లక్ష్యం మోక్షం మాత్రమే.  కానీ మనుషులు కానీ ఇతర జీవులు మోక్షము పొందటం అనేది చాల కష్ట సాధ్యం ఎందుకంటె వాటికి మనిషికి వున్న బుద్ది జ్ఞ్యానం ఉండవు కాబట్టి.  అందువలన మనకు లభించిన ఈ మానవ జన్మను సార్ధకం చేసుకోటం ప్రతి మనిషి కర్తవ్యం.  మోక్షం పొందటం కేవలం జ్ఞ్యానం వల్ల మాత్రమే సాధ్యం.  అంటే మోక్షం జ్ఞ్యాన రూపంలో వుంది.  కాబట్టి మనం ఆ బ్రహ్మ జ్ఞ్యనం పొందాలి.  ఈ జ్ఞ్యనం పొందటానికి మనకు బ్రహ్మ జ్ఞ్యానం కలిగిన గురువు దొరకాలి.  ఇలా బ్రహ్మ జ్ఞ్యానం పొందిన గురువు మాత్రమే మనకు ఈ జ్ఞ్యానాన్ని బోధించ గలడు. 

కొంతమంది గురువే తన వద్దకు వచ్చి జ్ఞ్యానాని బోధిస్తారనే భ్రాంతిలో వున్నారు.  కానీ దీనిని నేను సమర్ధించను.  ఎందుకంటె జ్ఞ్యాన సముపార్జన చేయటం మన విధి.  మన ప్రయత్నం లేనిది ఏది ఈ సృష్టిలోదొరకదు జ్ఞ్యానం పొందటానికి ముందు మన మనస్సుని శుద్ధి చేసుకోవాలి దానిని అంతఃకరణ శుద్ధి అంటారు ఇది ఆరాధన వలన సాధ్యం అవుతుంది.  మనస్సు అనేది కల్లుతాగిన కోతి లాంటిది దానిని అదుపు చేయటం మహా యోగులకే ఎంతో కష్టమైతే మరి సమాన్యులకు ఎలా సరళం అవుతుంది. కాబట్టి కొంత కాలం మనం ఆరాధన వలన అంతఃకరణ శుద్ధిని ఏర్పరచుకుంటే అప్పుడు మనం మోక్ష మార్గాన్ని అనుసరించటానికి అర్హత పొందుతాము. ఒక్క విషయం గుర్తుంచుకోవాలి ఆరాధనతో ఎట్టి పరిస్థితిలో మోక్షం పొందలేము.   ఆరాధన ఈ క్రింది విధంగా ఉంటుంది. 

1) విగ్రహారాధన దీనినే మూర్తి పూజ అంటే ఒక విగ్రహాన్ని మనస్సులో భగవంతునిగా తలచి ఆ దేముడిని ఆ విగ్రహంలో చూసుకొని షోడశోపచార పూజ చేయటం.  అంటే మన ఇంటికి వచ్చిన అతిధిని ఎలా సత్కరిస్తామో ఆలా ఆ దేముడిని అతిధిగా భావించి ఆర్గ పద్యాలనూ ఇచ్చి పూజించటం.  ఒక్క విషయం ఈ ఆరాధన మన అంతఃకరణ శుద్ధి కోసం మాత్రమే కానీ అది మన అంతిమ లక్ష్యం కాదు.  

పూజించేటప్పుడు కళ్ళు పూలతో అలంకరించిన విగ్రహాన్ని చూస్తున్నాయి, చెవులు నామాన్ని వింటున్నాయి, నోరు నామ స్మరణ చేస్తున్నది, చేతులు పూలు, అక్షింతలతో విగ్రహాన్ని అర్చిస్తున్నాయి కాబట్టి పంచేంద్రియాలు పూర్తిగా పనిలో వున్నాయ్ కాబట్టి మనస్సు దేముడి మీద లగ్నాత చెందటానికి అవకాశం ఉంటుంది.  మనం చూస్తున్నాం.  ఒకవైపు ఎంతో ఖర్చు పెట్టి చక్కగా అలంకరించిన మండపంలో సత్యనారాయణ స్వామిని ప్రతిష్టించి అనేక విధాల పుష్పాలు, ఫలాలు తెచ్చి స్వామి ఆరాధన ఎంతో ఘనంగా చేస్తూవుండటం.  కానీ పూజ చేసే అంతసేపు సెల్ ఫోను పట్టుకొని మాట్లాడటం, వచ్చిన అతిధులను పలకరించడం చేస్తే మీరు చేసే పూజలో మనస్సు లగ్నాత చెందాడు కాబట్టి మీరు చేసిన ఆరాధన ఫలవంతం కాదు.  

ఇతర మనుషులను పూజించటం, సమాధులను పూజించటం మన ధర్మంలో కానీ వేదాలలో కానీ చెప్పలేదు. కాబట్టి ఎట్టి పరిస్థితులలోను ఈ పనులు చేయకూడదు,  ఈ పనుల వల్ల అంతఃకరణ శుద్ధి పొందకపోగా మన విలువైన జీవిత కాలాన్ని కోల్పోతాం.  గీతలో కృష్ణ భగవానుడు చెప్పాడు ఎవరెవరు ఏ ఏ రూపాలలో నన్ను పూజిస్తారో వారికి ఆ ఆ రూపాలలో వారిని అనుగ్రహిస్తాను అని.  మీకు కావలసింది కేవలం ఐహిక వాంచితాలే ఐతే ఏమైనా చేయవచ్చు.  కానీ మోక్ష కాములు మాత్రం చేయకూడదు. .  ఈ చరా చెర సృష్టికి కేవలం భగవంతుడు మాత్రమే దేముడు.  అతడు ఒక్కడే ఒక్కడు ఇంకొకడు లేడు.  ఇక ఆరాధన క్రమంలో రెండవ విధానము చూద్దాము. 

2) యజ్ఞ యాగాది క్రతువులు: ఈ కోవకు చెందిన ఆరాధన మన ఇష్టకామ్యాలను సిద్దించుకోటం ఉపయోగ పడుతుంది.  కానీ ఇది అంతిమ లక్ష్యం కాదు. 

3) జపం: ఇది కేవలం ఒక మంత్రాన్ని జపించటం.  ఇక్కడ మనకు మూర్తి(విగ్రహం) లేదు, అలంకరణ లేదు. మంత్రాలు లేవు, అర్చన లేదు.  అంటే కేవలం చేతిలో జప మాల నడుస్తున్నది, మనస్సులో మంత్ర జపం జరుగుతున్నది.  ఈ పద్దతిలో మొదటి పధ్ధతి కన్నా అంతఃకరణ శుద్ధి పొందటానికి ఎక్కువ వీలు కలుగుతుంది. జపం వల్ల కూడా కొన్ని శక్తులు వస్తాయి కానీ అవి చాల తేలిక పాటివి.  

4) తపం :  దీనినే తప్పస్సు అని మనం విన్నాము.  ఈ ఆధునిక ప్రపంచంలో meditation అని అంటున్నాము.  కాక పోతే ఇప్పుడు మెడిటేషన్ వల్ల మన మానసిక వత్తిడి తగ్గి B.P. Sugar లాంటివి నిదానిస్తాయని వైదులు చెపుతున్నారు ఎంతో మంది ఆచరిస్తున్నారు.  కానీ నిజానికి ఇది ఒక ఆరాధన విధి.  ఫై మూడు విధానాలతో అంతఃకరణ శుద్ధి చేసుకున్న ముముక్షువు ఈ పద్దతిలో ఇంకొక అడుగు ముందుకు వేస్తాడు. 

ఇంకా వుంది 

హోమియోపతిమీద చిన్న చూపు ఎందుకు

 హోమియోపతిమీద చిన్న చూపు ఎందుకు

నానాటికి పెరుగుతున్న కరోనా కేసులు మానవాళిని భయభ్రాంతులను చేస్తున్నది.  అటు అల్లోపతి వైదులు అహర్నిశలు వివిధ పరిశోధనలు చేస్తూ కరోనా వైరస్ కు వాక్సిన్ కనుక్కోవాలని ప్రయత్నిస్తున్నారు.  అది మంచి విషయమే కానీ మనకు తెలుసు ప్రపంచంలో ఒక్క అల్లోపతి వైద్య విధానమే లేదు అల్లోపతికన్నా ముందుగా ప్రజలు రక రకాల వైద్య విధానాలను పాటించారు.  అంతేకాక వాటితో చాల ప్రయోజనాలను పొందారు.  అల్లోపతి అంటే సూదులతో మందులు పొడవటం, కత్తులతో కండలు తీయటం ఈ రెండు ఇతర వైద్య విధానాలలో లేక పోవచ్చు.  కానీ హోమియో పతి వైద్య విధానంలో సాధారణ అల్లోపతి వైద్య విధానంలో ఉన్న సర్జికల్ కేసు అంటే ఆపరేషన్ చేసి చికిత్స చేసే రోగాన్ని కూడా ఎటువంటి ఆపరేషన్ లేడకుండా కేవలం హోమియోపతి చిన్న చెక్కర పిల్స్ లతో తగ్గించవచ్చు అంటే ఎంతమంది నమ్ముతారు.  నిజానికి ఇది నూటికి నూరు శాతం నిజం.  కానీ మనం అల్లోపతి వైద్యంమీద చూపే శ్రధ్ద ఈ హోమియోపతి విధానంపై చూపక పోవటం విచారదాయకం. 

సాధారణంగా వచ్చే అనైక బాక్టీరియల్, ఫంగస్ వ్యాధులకు అల్లోపతిలో అంటి బైయటిక్, యాంటీఫంగల్  మందులు ఇచ్చి నయం చేస్తారు. ఈ మందులు రోగి శరీరం మీద తీవ్ర ప్రభావం చూపుతాయి.  అంతేకాదు వీటికి సైడ్ ఎఫెక్ట్స్ కూడా ఉంటాయి.  ఈ సైడ్ ఎఫెక్ట్సతో రోగి రోగం తగ్గినా ఎంతో కాలం అనారోగ్యంతో బాధపడాలి.  కొన్ని సైడ్ ఎఫెక్ట్స్ కొన్ని నెలలవరకు రోగిని నిస్సత్తువ చేస్తాయి.  శరీరంలో వున్న విటమినులు హరించటం వల్ల కాళ్ళ తీపులు, నొప్పులు ఇతరత్రా అనారోగ్య సమస్యలు తలెత్తుతాయి.  కొన్ని సైడ్ ఎఫెక్ట్స్ చాల భయంకరంగా ఉంటాయి.  కాగా హోమియోపతి వైద్యంలో ఉపయోగించే మందులు అల్లోపతి మందులతో పోలిస్తే అంత ప్రమాదకరం కాదు.  కానీ వైద్యులు సరైన పొటెన్షిలో మందు ఇవ్వకపోతే తీవ్ర పరిణామాలు కలుగుతాయి.  కాబట్టి రోగి యొక్క రోగ తీవ్రత, అతని మానసిక శారీరిక అలవాట్లు అతని శరీర తత్త్వం మొదలైన విషయాలను కూలంకుషంగా పరిశీలించి తగువిధంగా మందు, మందుపొటెన్షి నిర్ధారణ చేసి మందు ఇస్తే హోంయోపతి మందులు చక్కగా పనిచేస్తాయి. 

హోమియోపతి వైద్యులు కొంతమంది కమర్షియల్ అయి వైద్యవిధానాన్ని బ్రష్టు పట్టిస్తున్నారు.  వారి వల్ల హోమియోపతి వైద్య విధానంపై ప్రజలకు సరైన నమ్మకం కుదరకపోతున్నది. నేను గమనించింది.  1) వైద్యులు వారు ఇచ్చే మందుల పేర్లు, మందు పొటెన్షిని రోగికి చెప్పకుండా రహస్యంగా ఉంచుతున్నారు, 2) రోగానికి సంబందించిన సరైన మందు తెలిసిన రోగి తిరిగి, తిరిగి తనవద్దకు రావాలని మళ్ళి మళ్ళి కన్సల్టేషన్ ఫీజు వసులు చేయాలనే దురుదేశంతో కొంతమంది డాక్టర్లు రోగానికి సరైన మందు, పొటెన్సీ సంపూర్ణంగా తెలిసినాకూడా తక్కువ పొటెన్సీతో లేక్ కేవలం షుగర్ పిల్స్ ఇచ్చి రోగాన్ని ముదరపెట్టి తరువాత రెండు మూడు సార్లు రోగిని తిప్పుకొని తరువాత రోగికి సరైన మందు ఇచ్చి రోగాన్ని తగ్గి స్తున్నారు.  ఈ పద్దతి వల్ల డాక్టర్లు ధనార్జన చేస్తున్నారు.  కానీ రోగి తనకు వెంటనే ఉపశమనం కలుగక కొంతమంది ఆ డాక్టర్ని వదిలి వేరే డాక్టర్ని కలుస్తున్నారు.  అది తిరిగి హోంయో పతి డాక్టరు ఐతే ఆతను ఇలాంటి స్ట్రిక్స్ ఉపయోగిస్తే రోగికి పూర్తిగా వైద్యం మీద డాక్టర్లమీద నమ్మకం పోతుంది. డాక్టర్ ఇచ్చిన మందుల వివరాలు ప్రిస్క్రిప్షన్లో వ్రాయడు కాబట్టి కొత్త డాక్టర్ మళ్ళి తన ఛాన్స్ తీసుకుంటాడు.  దీనితో రోగికి అనేక ఇబ్బందులు కలుగుతాయి.  నేను డాక్టర్లని కోరేది ఏమిటంటే మీరు ఇచ్చిన మందుల వివరాలు తప్పనిసరిగా రోగికి తెలియచేయాలి, అది మీ కనీస వృత్తి ధర్మం.  మీరు మీ వృత్తికి ద్రోహం చేస్తున్నారు.  మీలాగా చాలామంది చేయటంతో ప్రజలలో హోమియోపతి వైద్యవిధానం మీద నమ్మకం సన్నగిల్లుతుంది. 

నిజానికి డాక్టర్ నిష్కపటంగా, లాభాపేక్ష పరుడు కాకుంటే చాలా రోగాలు సులువుగా హోంయోపతి వైద్య విధానంలో తగ్గించ వచ్చు. 

ఇక ఇప్పటి కరోనా విషకోరల గూర్చి చూద్దాం. ఇతర రోగాల మాదిరిగా కరోనా రోగానికి కూడా కొన్ని నిర్దుష్ట లక్షణాలు వున్నాయ్. వేరే రోగాలను ఎలా ఐతే హోమియో డాక్టర్ లక్షణాలు తెలుసుకొని నివారణ చేస్తున్నాడో అదే విధంగా ఈ కరోనా రోగాన్ని కూడా సమర్దుడైన హోమియోవైదుడు తగ్గించ గలడు. 

ప్రస్తుతం WHO కేవలం అల్లోపతినే నమ్ముకొని వున్నది.  అది తప్ప ప్రపంచంలో వేరే వైద్యం లేనట్లు కేవలం వాక్సిను తోటె ఈ రోగాన్ని తగ్గించ వచ్చు వేరే మార్గం లేదు అని అనుకుంటున్నది. కానీ ఈ రోగాన్ని మేముకూడా తగ్గించ గలం మాకు అవకాశం ఇవ్వండి అని హోమియోపతి వైద్యులు వేనోళ్ల అడుగుతున్నా వారిని పట్టించుకోటంలేదనేది మనకు అందుతున్న సమాచారం. 

దయచేసి ప్రభుత్వం ఈ సమయంలో ఇతర వైద్య విధానాలకు కూడా అల్లోపతి తో సమాన ప్రాతినిధ్యాన్ని ఇచ్చి ప్రస్తుత కరోనా విపత్తునుండి ప్రజలను కాపాడాలని కోరుతున్నాను.,

ఇది చదివినవారు దయచేసి మీ మీ గ్రూపులతో దీనిని  పొందుపరచి మన ప్రభుత్వాన్ని చేరే దాకా ప్రయత్నించాలని తత్ ద్వారా సర్వ మానవాళి ఈ విషమ కరోనా రోగంనుంచి విముక్తులు కావాలని కోరుతున్నాను. 

సార్వే జన సుఖినోభవంతు,

ఓం శాంతి శాంతి శాంతిః

రేపు ఏమిచేస్తారు

 రేపు ఏమిచేస్తారు

 అటు కరోనా విషకోరలు చాపుతూ రోజు రోజుకు వేగంగా విజృంబిస్తున్నది.  ఇటు ప్రభుత్వాలు కరొనతో కలిసి జీవించాలని ప్రభోదిస్తూ రోజుకో విధంగా లాక్ డౌన్ సడలింపులు చేస్తున్నారు.  అటు బస్సులు, ఇటు రైళ్లు, విమానాలు ప్రయాణాలకు సిద్ధమితున్నాయ్.  మరి ప్రభుత్వం తీసుకునే చర్యలు.  ధర్మో టెస్టింగ్ అంటే శరీర టెంపరేచర్ చూసి ప్రయాణానికి అనుమతించాలని అంటున్నారు.  బాగానే వుంది.  కానీ మనం చూస్తున్నాం ఎన్నో కేసులు కేవలం క్యారియర్సగా వున్నవారు వున్నారు అంటే కరోనా పాజిటివ్ వున్నా కానీ వారు ఎలాంటి రోగ లక్షణాలు కనపడకుండా పూర్తి ఆరోగ్యవంతుడిలా కనపడతాడు.  కానీ అతనిద్వారా ఇతరులకు రోగాన్ని అంటించగలరు.  మరి వారిని ఎలా తెలుసుకుంటారు.  స్క్రీనింగ్ లో ఎలాంటి లక్షనాలు కనపడని వారిని ప్రయాణించటానికి వదిలితే ఆ రైలు, విమానంలో ప్రయాణిస్తున్న ఇతర ప్రయాణికులకు రోగ సంక్రమణ చెందదని ఎలా చెప్పగలరు. అదే జరుగుతే మరి ఈ రోగాన్ని ఎలా అదుపు చేస్తారు.  మన భరత్ మరో ఇటలీ అవుతుందా అని మేధావులు అంటున్నారు.  ప్రభుత్వం ఈ విషయాలన్నీ కూలంకుషంగా పరిగణలోకి తీసుకొని రైలు, విమాన రవాణాను అనుమతించాలని ప్రజలు కోరుకుంటున్నారు. మన దేశంలో రోగులకు సరిపడ హాస్పత్రులు లేవని ముందే చెప్పారు.  తగినన్ని PPT కిట్లు లేవు, ఇక వెంటిలేటర్ల విషయానికి వస్తే మన దేశంలో వెంటిలేటర్ల కొరత వున్న సంగతి మనకు తెలుసు.  మరి ఈ మహమ్మారి ఒకేసారి విజృంభిస్తే ఎలా అదుపుచేయాలని ప్రభుత్వాలు యోచిస్తున్నాయి. 

ప్రజలు ఏది ఏమైనా ఎట్టి పరిస్థితిలో ఇల్లు వదలి బైటికి రాకుండా ఉండటమే మనకు శ్రీరామ రక్ష.  కరోనా వచ్చినవారు కొంత మంది కోలుకున్నారు మనం భయపడాల్సిన ఆవాసరం లేదు అని అనుకున్నామా అంటే నీకు కరోనా వస్తే పూర్తిగా కోలుకోగలవా ఆలోచించు. కోలుకొన్నవారి లిస్టుతో పాటు మరణించిన వారి లిస్టు కూడా రోజు రోజుకు పెరుగుతున్నది.  నీ పేరు ఏ లిస్టులో ఉంటుందో నీవు వూహించగలవా.  మనం ఏ విషయంలో నైనా చాన్సు తీసుకోవచ్చు కానీ మన జీవితం విషయంలో చాన్సు తీసుకోగలమా.  ఆలోచించండి. ఒక్కసారి ఈ కరోనా రోగంగూర్చి విచారిద్దాం. ఇది కరోనా సోకినా రోగుల ద్వారా వ్యాపిస్తుంది.  ఇప్పటివరకు అందిన సమాచారం ప్రకారం ఈ కరోనా వైరస్ మెటల్ బాడీస్ మీద, ప్లాస్టిక్ మీద మరియు ఇతర పదార్ధాల మీద ఎక్కువ సమయం ఉంటుంది.  ఆ పదార్ధాలను ఎవరైనా తాకి ఆ చేతితో మూతి మీద, కంటిమీద, ముక్కుమీద పెట్టుకుంటే అది ఆ మనిషి శరీరంలోకి ప్రవేశించి మొదట్లో గొంతులో తరువాత ఊపిరితిత్తుల్లోకి ప్రవేశించి శ్వాస తీసుకోటం కష్టం ఐతుంది తరువాత ఆక్సిజన్ లభించక రోగి చనిపోతాడు.  ఐతే రోగ నిరోధక ఎక్కువగా వున్న వారు ఈ వైరస్ తో పోరాడి రోగ విముక్తుల కాగలరు.  ఇక్కడ మనం ఒక విషయం గమనించాలి ఎవరి రోగనిరోధకత ఎంతవరకు ఉంటుంది అనేది ఎవ్వరు తేల్చి చెప్పలేరు.  కొందరు శారీరికంగా దృఢంగా ఉండవచ్చు కానీ వారి రోగనిరోధకత తక్కువగా ఉండవచ్చు. కొందరు చూడటానికి బక్కగా వున్నా వారి రోగనిరోధకత ఎక్కువగా ఉండవచ్చు. ఒక మనిషి రోగనిరోధకత స్థాయి ఏ మేరకు ఉందొ తెలుసుకొనే సాదనం ఇంతవరకు లేదు. మన సైన్స్ ఇంకా అంతదాకా ఎదగ లేదు. ఏతా వాత తెలిసేది ఏమంటే ఇప్పుడు వున్న పరిస్థితిలో అంతా ఊహాగానాలే ఇదమిద్ధంగా ఇలా ఉంటే రోగం రాదని ఇలా ఉంటేనే రోగం వస్తుందని ఏ వైద్యుడు, శాస్త్రజ్ఞుడు చెప్పే స్థితిలో లేరు.  మరి ఇలాంటి పరిస్థితిలో ఆర్ధిక వృద్ధికోసం ప్రజల ప్రాణాలను ఫణంగా పెట్టటం ఎంతవరకు కరక్ట్.  మన దేశంలో విద్యా వంతులు అంతంతమాత్రం.  అందులో చదువుకున్న వారికి కూడా నిజం చెప్పాలంటే కరోనా మీద సరైన అవగాహన లేదు.  ఇక చదువురాని వారి సంగతి ప్రత్యేకించి చెప్పాల్సిన పని లేదు.  అందరికిని  తెలియ చేయునది ఏమనగా మనం ఇప్పుడు చాలా ప్రమాద స్థితిలో వున్నాం.  ప్రభుత్వం లాక్ డౌన్ ఎత్తి వేయవచ్చు, పోలీసులు ఇదివరకులా మన వెంట పడక పోవచ్చు కానీ కరోనా ఎప్పుడైనా ఎవరినైనా సోకవచు. తస్మాత్ జాగ్రత్త. 

కరోనా రోగులు గణనీయంగా పెరిగితే మన దేశ ప్రస్తుత వనరుల అందుబాటు ప్రకారం రోగగ్రస్తులకు సరైన వైద్యం లభించక పోవచ్చు. ఈ విషయం ప్రతి వక్కరు తెలుసుకోవలసిన అవసరం వుంది. కాబట్టి ఎట్టి పరిస్థితిలోకూడా ఇంటినుండి బైటికి రాకుంటేనే మనలను మనం కాపాడుకోగలం. 

ఒక్క విషయం హాస్పటల్లో చికిత్స అంటూ ప్రత్యేకించి ఏమి చేయటంలేదు. కేవలం రోగనిరోధకత పెంపు చేసే ఆహరం, ఇతర మందులు ఇస్తున్నారు.  కోలుకోవటం అనేది వారి వారి అదృష్టం మీద ఆధారపడి వుంది. 

ఏరకంగా చూసినా ప్రభుత్వ నిర్ణయం భయానకంగా వున్నది. 

ఎమర్జెన్సీ ప్రకటించాలి

కేంద్ర ప్రభుత్వం వెంటనే ఎమర్జెన్సీ ప్రకటించాలి 

కరోనా కేసులు మాములుగా వున్నప్పుడు లాక్ డౌన్ చాలా సీరియస్ గా వుంది. లాక్ డౌన్ ఒకదాని తరువాత ఒకటిగా పెంచుకుంటూ పోతున్నప్పుడు కేసుల పెరుగుదల రేటు తదనుగుణంగా వృద్ధి చెందుతూ వున్నది.  కానీ ఇప్పుడు పరిస్థితి చుస్తే కేసులు గణనీయంగా పెరుగుతున్నాయి కానీ ప్రభుత్వాలు అంత సీరియస్ గా పట్టించుకుంటున్నట్లు తెలియటంలేదు.  ఇక్కడ తెలంగాణాలో టెస్టులు ఎక్కువగా చేయడంలేదని అభియోగాలు వస్తున్నాయి.  అంతేకాదు కేంద్ర ఆరోగ్య శాఖా కార్యదర్శి ఇక్కడి కార్యదర్సులతో వివరాలు అడిగినట్లు వాట్సాప్ సమాచారం.  ఇది ఎంతవరకు నిజం తెలియదు.  రోజు వాట్సాప్ సమాచారాలు వివిధ రకాలుగా వస్తున్నాయి.  కొన్ని చోట్ల రాజకీయ నాయకులు  పోలీసులపై జులుం చేస్తున్నట్టు వీడియోలు వస్తున్నాయి.  అవి నిజామా కదా అనేది ప్రభుత్వం చెప్పాలి.  ఏ పోలీసు ఉన్నతాధికారి కూడా రాజకీయనాయకులు పోలీసులపై వత్తిడి చేస్తున్నట్లు చెప్పటంలేదు.  నిజంగా నాయకులు పోలీసులపై వత్తిడి (దౌర్జన్యం)  చేస్తే మరి పోలీసులు నాయకులపై కేసులు పెట్టటానికి ఎందుకు వెనకడుతున్నట్లు తెలియటంలేదు. ప్రస్తుతం భారత్ ప్రభుత్వం కరొనను దృష్టిలో ఉంచుకొని ఎవరైనా డాక్టర్లమీద కానీ పోలీసులపై కానీ దౌర్జన్యం చేస్తే చాల తీవ్రంగా పరిగణించి కఠినంగా శిక్షించేటట్లు చట్టాలు చేసిన సంగతి మనకు తెలిసిందే,  ఈ నేపథ్యంలో పోలీసులు రాజకీయ నాయకులకు  ఎందుకు భయపడుతున్నారు.  మీడియా కూడా కొన్ని విషయాలను ధైర్యం చేసి చూపించట్లేదని వాట్సాప్లో వస్తున్నాయి. .  ఇట్లా ప్రజలలో వివక్షత చూపిస్తే కరోనా కట్టడి చేయటం చాల కష్టం అవుతుంది. కేవలం కొంతమంది జనం లాక్ డౌన్ పాటిస్తే సరిపోదు కరోనా బైట తిరిగే వారు ఎవరైనా కుల, మత, వర్గ, లింగ భేదం లేకుండా అందరికి సోకుతుంది.  ఇది సత్యం ఇట్టి స్థితిలో కొంతమంది మీద వివక్షత చూపి లాక్ డౌన్ సడలిస్తే దేశం యావత్తు దాని మూల్యంగా  రేపు తీవ్రంగా బాధ పడవలసి వస్తుంది.
అటు మద్యం దుకాణాలు తెరచి తెలుగు రాష్ట్ర ప్రభుత్వాలు  ఒకరకంగా కరోనాని తలుపులు తెరచి ఆహ్వానించినట్లు చేసారు . గ్రీన్ జోన్లలో అన్ని దుకాణాలు తెరవచ్చని అంటున్నారు. ప్రభుత్వ కార్యాలయాలు తెరవవచ్చోని  ఆదేశాలు ఇచ్చారు. మరి అందరు ఎంతవరకు సురక్షితంగా వుంటారు అనేది ప్రశ్న. జనాల ప్రాణాలకు ఎవరు భాద్యత వహిస్తారు.
మన దేశంలో వున్న హాస్పిటల్స్ మన జనాభాకు తగినంతగా లేవని మొదటి నుంచి చెపుతున్నారు. ఇక PPT కిట్లు N 95 మాస్కులు, వెంటిలేటర్లు ఏ మాత్రం వున్నాయి అవి ఎంతవరకు మన కరోనా పోరాటంకు దోహదపడుతాయి అన్నది ప్రశ్నర్ధకంగా వున్నది. మనము దేశ ఆర్ధిక వృద్ధిని ప్రజల ప్రాణాలు పణంగా పెట్టి సాదించాలా అని మేధావి వర్గం అంటున్నాయి.  మొన్న మద్యం దుకాణాల వల్ల ఎంతో మంది వాళ్ల అమూల్య ప్రాణాలు పోగొట్టుకున్నారని  మనం వార్తల్లో చూసాం. ఆంద్రప్రదేశ్ కన్నా మన రాష్ట్రములో మద్యం ధర కొంచం తక్కువ అని మన రాష్ట్ర హద్దులలో వున్నా జిల్లాలోకి ఆంధ్రా జనం వచ్చి మద్యం కొనుగోలు చేస్తున్నట్టు సమాచారం.  ఇది సరిహద్దులు దాటి రావటం అవుతుంది.  దీనివల్ల కరోనా కట్టడి ఎంతవరకు ఉంటుంది.  అటు మద్యం దుకాణాకారులు వారికి సరిహద్దు ఆవాలు వినియోగదారుల వల్ల ఎక్కువ లాభాలు వస్తూవుంటే వారు ఎందుకు ఈ విషయాలను ప్రభుత్వ దృష్టికి తెస్తారు అని ప్రజలు అంటున్నారు.  ఇకపోతే 40 రోజుల పైన ఒక్క చుక్క సారా కూడా తాగని మద్యపాన ప్రియులు ఒక్కసారిగా సాగారు డాం గేట్లు తెరచినట్లుగా ప్రవాహంలా దూకి సామాజిక దూరం పాటించకుండా లిక్కర్ కొనటానికి వస్తున్నారు. ఇక  10 వ తరగతి పరీక్షలు నిర్వహించాలని ప్రభుత్వం చూస్తున్నట్లు సమాచారం. అదే జరిగితే యుక్త వయసులో వున్నా పిల్లలు కరోనాకు బాలి కాకుండా కాపాడటం ఎలా.   మొన్న మహబూబునగరు లో out sourcing ఉద్యోగాల నియామకానికి ఎంతమంది గుమికూడి వచ్చారో చూసాం.  అందులో ఎవరికైనా పాజిటివ్ వచ్చిందా? తెలియదు టెక్ష్ట్స్ చేసారా తెలియదు. వలస కూలీల పరిస్థితి దయనీయంగా వున్నది.  కొంతమంది వారి ఊళ్లకు వెళ్లకుండానే మధ్యలోనే మరణించారు. కొందరు అటు వల్ల ఊరికి పోలేక వున్నచోట ఉండలేక నానా బాధలు పడుతున్నారు.
ఇప్పటి మన భారత దేశ పరిస్థితి ఏమిటంటే పూర్తిగా వ్యాధి వ్యాపించకుండా చేసుకోవటమే అంతకు మించి వేరే గత్యంతరం లేదు.  రోగులకు చికిత్స లేదు అని డాక్టర్లు గంటాపధంగా చెపుతున్నారు. ప్రజలలో ఓపిక నశించి ఇంటినుంచి బైటకు వస్తున్నారు.  అది కేవలం వారి వారి ప్రణాలను పణంగా పెట్టటమే అని ఎన్ని విధాలుగా చెపుతున్నా వినే స్థితిలో ఎవ్వరు లేరు.
అటు కేంద్ర ప్రభుత్వం ఇటు రాష్ట్ర ప్రభుత్వాలు కలసి ఉమ్మడిగా కఠినంగా లాక్ డౌన్ పొడిగించటం మినహా మనము కరోనా నుండి కాపాడుకోటం వీలు కాదు.  అది ఎన్ని రోజులు, ఎన్ని నెలలు అని అందరు అంటున్నారు.  ఎన్ని నెలలు ఐనా భరించాలి తప్పదు.
ఈ విషయాలను పరిగణలోకి తీసుకొని కేంద్ర ప్రభుత్వం దేశం మొత్తంలో ఒకేవిధమైన నియమ నిబంధనలతో లాక్ డౌన్ నియమించాలి.  అది కేవలం హెల్త్ ఎమర్జెన్సీ ప్రకటించి పూర్తి దేశాన్ని కేంద్ర ప్రభుత్వం తన కంట్రోల్కి తీసుకొని ఒకే విధానాన్ని దేశం మొత్తం కఠినంగా అమలు చేయాలి.  కేంద్ర ప్రభుత్వం ఈ విషయంలో వెంటనే స్పందించక పొతే మునుముందు పరిస్థితి పూర్తిగా చేయి దాటి పోయా ప్రమాదం వుంది.
కాబట్టి మన దేశ ప్రధానమంత్రి గారికి విన్న వించుకునేది ఏమనగా దేశ ప్రజల క్షేమం పరిగణలోకి తీసుకొని వెను వెంటనే  ఎమర్జెన్సీ ప్రకటించి మన దేశాన్ని కాపాడవలసిందిగా కోరుతున్నాను.
సి. భార్గవ శర్మ న్యాయవాది, హైదరాబాద్.

బ్రహ్మ జ్ఞ్యానం

 మనకు ఇంద్రియగోచరమైనది జగత్తు. ఈ జగత్తులో వున్నది ఒకటే అది జ్ఞానం. ఈ జ్ఞానం అనంతమైనది, అద్వితీయమైనది, అపారమైనది. అనన్యమైనది, శాశ్వితమైనది. అందుకే దానిని బ్రహ్మ జ్ఞానం అంటారు. ఈ జ్ఞానం జగత్తులో వున్నా ఇది జగత్తు కాదు జగత్తుకన్నా భిన్నంగా వుండివుంది.   బ్రహ్మ శబ్దం అత్యుత్తమమైనదానికి మాత్రమే వాడుతారు. ఈ ప్రపంచంలో మనుషులను బ్రహ్మజ్ఞ్యాన పరంగా రెండు రకాలుగా విభజింపవచ్చు. 1) జ్ఞానం కలిగినవారు వారిని బ్రహ్మ జ్ఞానులు అంటారు.  2) జ్ఞ్యానం లేనివారు వారిని బ్రహ్మ అజ్ఞానులు అంటారు. ఎప్పుడైతే మనకు లేనిది పొందుతామో ఆ పొందింది కలిగి ఉంటాము. అజ్ఞ్యానం అనేది చీకటి అనుకుంటే జ్ఞానమనే వెలుతురూ ఎప్పుడైతే వస్తుందో అక్కడ అజ్ఞానం అనే తిమిరం పారద్రోలపడుతుంది. తద్వారా జ్ఞానం కలుగుతుంది.  ఇట్లా అజ్ఞాన అంధకారాన్ని పోగొట్టే వాడే గురువు. 

సాధారణ మానవులు జ్ఞానం అనేది ఈ జగత్తులోనే వున్నదని తానూ చూస్తూవున్న జగత్తులో జ్ఞానాన్ని వెతుకుతారు. నిజానికి ఆ జ్ఞానం బ్రహ్మ జ్ఞానం కాదు కేవలం ఇంద్రియ గోచరమైన జ్ఞానం ఇది అసంపూర్ణం .  ఎందుకంటె ఎవరైతే ఒక విషయం గూర్చి జ్ఞానం పొందుతారో దానికన్నా ఆ విషయం లో ఎక్కువ జ్ఞానం పొందిన ఇంకొకరు వానికి తారస పడ్డప్పుడు తాను పొందిన జ్ఞానం కొంతవరకే అనేది తెలుసుకుంటారు. ఈ ప్రపంచంలో ఏ ఒక్క మానవుడు కూడా ఏ ఒక్క విషయంలోకూడా పరిపూర్ణుడు కాజాలడు కేవలం తానూ కొంత విషయజ్ఞనం మాత్రమే కలిగి ఉంటాడు అన్నది మాత్రం యదార్ధం. 

బ్రహ్మ జ్ఞ్యానం కేవలం సాద్గురువు ద్వారానే పొందగలరు.
సత్యాన్వేషణలో భార్గవ శర్మ 

దేవాలయాలలో దేముడు ఉంటాడా?

దేవాలయాలలో దేముడు ఉంటాడా? దేవాలయంలోని విగ్రహంలో దేముడు వున్నాడని మనమందరము గుడికి వెళ్లి విగ్రహాన్ని మొక్కు తున్నాము. ఇప్పుడు మనం తెలుసుకోవలసింది ఏమంటే విగ్రహం రాతితో చేసిందే, అదే విధంగా గుడి మొత్తం రాతితో చేసిందే ఐతే విగ్రహం దేముడు ఎలా ఐయ్యాడు, గుడి మెట్లు దేముడు ఎందుకు కాలేదు.  ఈ ప్రశ్నకు చాలామంది సమాధానం చెప్పలేక పోటంతో హిందువులకు మన ఆచారాలమీద, సాంప్రదాయాలమీద నమ్మకం సన్నగిల్లుతుంది.
ప్రతి దానిని కూలంకుషంగా పరిశీలిస్తే మనకు ప్రతి హిందూ విధానానికి సమాధానం తెలుస్తుంది.
మీకు ఈ విషయాన్నీ మీకు తెలిసిన ఉపమానంతోటే వివరిస్తాను.  ఈ రోజు మనందరికీ ఫోన్ అంటే తెలియనివారు లేరు, అంతే కాక ఫోన్ వాడనివారు లేరు. కాబట్టి మీకు ఫోనునె  ఉదాహరణగా తీసుకొని ఈ విషయాన్ని వివరిస్తాను.
మనం ఫోన్ చేసిన వారు పెద్దవారు ఐతే ఫోనులో గౌరవంగా నమస్కారం చేసి వినయంగా మాట్లాడుతాము అదే చిన్న వాళ్ళు ఐతే ప్రేమతో మాట్లాడుతాము.  అలాగే మనం ఎవరితో మాట్లాడితే వారు మన ముందరవుంటే ఏరకంగా ప్రవత్తిస్తామో అలానే ప్రవర్తిస్తాము.  నిజానికి మనం మాట్లాడేది ఫోనుతో కాని  అవతలి వ్యక్తితో కాదు.  ఈ విషయం మనందరికీ  తెలుసు. కానీ మనం మాట్లాడిన మాటలు అవతలి వాడు వింటున్నాడని మనకు నమ్మకం.  దానికి ప్రమాణం అవతలి వ్యక్తి నీతో ఫోనులో మాట్లాడటమే. నిజానికి నీ చేతిలో వున్న ఫోన్కి అవతలి వ్యక్తికీ ఎలాంటి సంబంధం లేదు. కానీ మీ ఇద్దరికీ ఫోన్ సంబంధాన్ని కలుపుతున్నది.  అంటే ఫోన్ ఒక సాధనగా మీ మధ్య వున్నది.  మీరు ఒకరికి ఒకరు ఎదురుపడితే ఫోన్లో మాట్లాడుకొనవసరం లేదు.  ఇప్పుడు ఫోన్ నిర్మాణాన్ని పరిశీలిద్దాం.  ఫోన్ ఒక ప్లాస్టిక్ పదార్ధంతో కొన్ని లోహపు తీగలతో మరియు  ఇతర ఎలక్ట్రానిక్ I.C.లతో నిర్మితమైనది.  నీ ఫోనులో వున్న వస్తువులు విడిగా బైట కూడా దొరుకుతాయి కానీ అవి విడివిడిగా ఫోన్ చేసే పని చేయలేవు.  ఆ విడిభాగాలను ఒక సర్క్యూట్ ప్రకారం అమర్చి షోల్డర్స్ చేసి నిర్మించితేనే ఫోన్ తయారు అవుతుంది.  అంతేకాదు ఫోనుకు ఒక సిం కార్డుకూడా ఉండాలి అప్పుడు అది పలుకుతుంది.  ఈ విషయం మనందరికీ తెలిసిందే.
ఇప్పుడు మన హిందు దేవాలయాన్ని ఫోనుతో పోలుద్దాం. దేవాలయం ఒక ప్రత్యేక నిర్మాణం అది ఆగమశాస్త్ర విధానంలో నిర్మిస్తారు.  మానవులు నివసించే గృహాలకి దేవాలయ నిర్మాణానికి ఎంతో వ్యత్యాసం ఉంటుంది. గర్భగుడి నిర్మాణం చాలా ప్రత్యేకత కలిగి ఉంటుంది.  ఈ నిర్మాణానికి గోపురం ప్రముఖమైనది.  గోపురం కొనికల్ ఆకారంలో వుంది చాలా ఎత్తుగా ఉంటుంది.  దాని మధ్య భాగంలో విగ్రహం ప్రతిష్టిస్తారు.  ఆ విగ్రహంపై ఆకాశంలోని కాస్మిక్ శక్తి పూర్తిగా గోపురంద్వారా ప్రసరించి కేంద్రీకరించబడుతుంది.  కాబట్టి ఎప్పుడైతే భక్తుడు ఆ విగ్రహాన్ని దర్శిస్తాడో విగ్రహంలో వున్న కాస్మిక్ ఎనర్జీ భక్తునిపై రిఫ్లెక్ట్ అవుతుంది.  దత్ ద్వారా భక్తునికి మానసిక ప్రశాంతత కలుగుతుంది. ఇక మన ఫోనులో ఉన్నట్లు సిం కార్డు దేవాలయంలోకూడా ఉంటుంది.  దీనినే యంత్రం అంటారు.  ఈ యంత్రం ఆగమశాస్త్ర రీత్యా స్వర్ణ, రజిత, తామ్ర ఫలకాలలో ఏదో ఒక ఫలకం మీద నిర్మించి విగ్రహ ప్రతిష్ట సమయంలో తగు విధంగా పూజించి విగ్రహం క్రింద ప్రతిష్టిస్తారు.  ఆ యంత్రం భక్తునికి భగవంతునికి మధ్య మీ ఫోను కనక్క్షన్ మాదిరి పనిచేస్తుంది.  భక్తుని కోరికలు భగవంతునికి చేరి ఈ విగ్రహం ద్వారా భక్తుని కోరికలు ఈడేరుతాయి. అందుకే భక్తులు అనేక వందల కిలోమీటర్ల దూరమునుండి వచ్చి ప్రసిద్ధ దేవాలయాలను సందర్శించుకొని వాళ్ళ కోరికలు నెరవేర్చుకుంటున్నారు.  ప్రసిద్ధ దేవాలయాలకు భక్తుల రద్దీ రోజు మనం చూస్తున్నాం.
పూజించటం ఎలా. షొడశోపచార పూజ అంటే ఏమిటి మళ్ళి ఇంకోసారి తెలుసుకుందాం.
సనాతన హిందూ ధర్మంలో పూర్వం ప్రజలు పెద్దవాళ్ళు చెప్పింది ఎదురు ప్రశ్న వేయకుండా అనుకరించేవారు.  అందుకే వారు నిండు నూరేళ్లు ఆరోగ్యంగా, ఆనందంగా ఉండేవారు. ఇప్పుడు మన గ్రహచారం ఏమంటే చాలామంది హిందువులకు హిందూ ధర్మం మీద అవగాహన లేదు.  అది అటుంచి ఇతరులు హిందువులఫై దాడి చేయటానికి వాళ్ళకి తెలిసింది కొంత తెలియనిది కొంత పైత్యం కలిపి ఇష్టమొచ్చినట్లు విమర్శిస్తున్నారు.  అది అట్లా ఉంటే కొందరు హిందువులు నాస్తికులుగా మారి హిందూ ధర్మాన్నే ప్రశ్నిస్తున్నారు.  ఇది చాలా విచారించదగ్గ విషయం. అందుకే ప్రతి వారికి హిదు  సంప్రదాయాల విశిష్టత తెలియ చేయాలనే ఉద్దేశంతో ఈ రచనలు సాగిస్తున్నాను.  బుధ జనులు ఈ వివరణలను పరికించి, పరిశీలించి, చేసే సాద్ విమర్శలకు సాదర స్వగతం. వితండ వాదం చేసేవారి విమర్శలు నిషేధం. 

మందు బాబు మందు

భార్య రోదన కర్ణ పుటలకు చేరటంలేదు,
పిల్లల ఆక్రోధన మనసుని తాకటం లేదు
ఇంట్లో సరుకులు లేవనే బాధ లేదు,
ఎవరేమనుకుంటారన్న ఆలోచన లేదు
మండల కాలం ఉగ్గపట్టుకొని వున్న
మందు బాబులు బాటిళ్లకోసం బారులుతీరారు
నగర జనులు పరిహసిస్తున్నకాని