సూత్రధారులు

 సీసమాలిక:

*సూత్రధారులు* లేక శోకించె నటనమ్ము 

నటనసూత్రము నేర్పు నాథుడేడి? 

*స్వాతిముత్యము* వంటి సంస్కృతీ విలువల 

సందడించగ నేడు సాధువేడి? 

*సిరిసిరిమువ్వ* ల చెలిమి జేయగ ధాటి 

నడుము బిగించెడు నాథుడేడి? 

*స్వర్ణకమల* దీప్తి *సాగరసంగమ*

ముల *స్వయంకృషి* బర్వు పురుషుడేడి? 

సినిమాల రంగాన *సిరివెన్నెల* ను బూచి 

తిమిరాల బోగొట్టు తేజమేది? 

*శంకరాభరణపు* సమ్మోహరాగాల 

*శ్రుతిలయల* ను గూర్చు ప్రోఢ యేడి? 

తే.గీ.

ఇన్ని హంగుల భంగుల నెన్నదగిన 

పూర్ణుడై నిలచు *కళాప్రపూర్ణు* డఱుగ 

లేడు లేడెట గన సాటి లేడు లేడు  

విశ్వనాథుని సరిజోడు విశ్వమందు 

 *~శ్రీశర్మద* 

*+91 8333844664*