177వ రోజు: (బృహస్పతి వారము) 01-06-2023
మన మాతృ భాష సేవలో ఈ రోజు పద్యము:
ఎట్టి కష్టమైన గుట్టుగా నుంచక
ఎఱుక పరుప వలయు నింటి వద్ద
కన్నవారి ప్రేమ కడవారి కుండునా?
తెలిసి మెలగ మేలు తెలుగు బాల
జీవితములో ఎటువంటి కష్టము వచ్చినను గుట్టు(రహస్యము)గా ఉంచుకొన కుండ ఇంటి వద్ద గల పెద్దలకు, తల్లిదండృలకు ఎఱుక(తెలియజేయ) వలెను. ఏలననగా కన్నవారు (తలిదండ్రులకు) ఉన్న ప్రేమ ఇతరులకు ఉండదు కదా! వారు సరియైన సూచనలతో సమస్యను పరిష్కరించ ప్రయత్నింతురు కదా!.
ఈ రోజు పదము.
కుందేలు (Rabbit): కుందేలు, చెవులపిల్లి, చెవులపోతు, ప్లుతగతి, మృదురోమము, శశమ.
కామెంట్‌లు లేవు:
కామెంట్‌ను పోస్ట్ చేయండి