రాఘవశతకము

 శు భో  ద యం 🙏

తనువిది యుద్ధరంగము, నధార్మికవాంఛలు ధార్తరాష్ట్రులున్

మనమిది ద్రౌపదీసతియు, మానధనుండు నహమ్ము, పాండవుల్

వినయవివేకసంపదలు, వీరలు పోరుచునుంద్రు నిత్యమున్

కనునిది యంతరాత్మ యదుకాంతుడు, నన్ గృపఁజూడు రాఘవా !

నీదు హృదంబుజంబు కడునిర్మల బ్రహ్మము, రుద్రుడై చనున్

నీదగుకోపమున్, నయననీరజ యుగ్మము సూర్యచంద్రులౌ,

నాదిజురాణి జిహ్వయు, చరాచరవిశ్వము దేవవర్గమౌ,

నీదగు సీత లక్ష్మి, హరి నీవయి , నన్ గృపఁజూడు రాఘవా!

నీవె పరాత్మ, సీతయె మనీషయు, భృత్యులు ప్రాణముల్, సదా

దేవళమౌ శరీరము, త్వదీయసుపూజ సుఖోపభోగమున్

భావసమాధి నిద్రయగు, వాక్కగు స్తోత్రము, కర్మజాతమున్

తావకపూజనంబె, భవతారక, నన్ గృపఁజూడు రాఘవా!

          -రాఘవశతకమునుండి.