నిర్వికారనిర్వికల్పుడు

శ్రీమాత్రేనమః 

పరమాత్మ/పరమేశ్వరి పరమదయార్ద్రమూర్తి. కాని, నిర్వికారనిర్వికల్పుడు. దేనికీ చలించడు. తనకు తానుగా ఎవరికి ఎంత కష్టం వచ్చినా.... ఎంతటి అవసరం వచ్చినా... ఎంతటి సంతోషం కలిగినా... అన్నిటినీ చూస్తూ ఉంటాడు. తనకు తానుగా కల్ఫించుకోడు. కోరితే ఏదీ కూడా ఇవ్వకుండా ఉండడు. ఆ కోరికలో స్వచ్ఛత ఉండాలి. ఏది కోరినా... అది దుర్గుణమైనా సద్గుణమైనా ఇస్తాడు. కోరినది సత్తా అసత్తా అనేది జీవునియొక్క గుణాధిక్యతను (సత్త్వ రజః తమోగుణాన్ని) అనుసరించి ఉంటుంది. 

ఒకరిని చూచి *"ఈమె ఎంతో గుణవంతురాలు. ఈమె నాకు తల్లి అయితే బాగుంటుంది."* అనే కోరిక మనసులో కలిగితే... అదికూడా ఒక కర్మగా మారి ఆ కర్మఫలంగా తరువాతి జన్మలలో ఆమెకు పుత్రుడిగా/పుత్రికగా జన్మించటం జరుగుతుంది. 

ఇదే విధంగా అన్నీ ఊహించాలి. 

ఈవిధమైన కర్మలను జీవుడు ఆచరించటం లేదా కోరుకోవటం జరిగినప్పుడే భగవంతుడు ఆ కర్మఫలాలను ఇచ్చి అనుభవింపజేస్తాడు. 

అదే... మోక్షజ్ఞానాన్ని కోరుకుంటే మోక్షజ్ఞానాన్నే ఇస్తాడు. 

"అడగనిదే అమ్మైనా పెట్టదు" అన్నట్లు కోరనిదే భగవంతుడు కూడా ఏదీ ఇవ్వడు.

మీ 

*~శ్రీశర్మద*