అధిక జ్యేష్ట మాసం

 175f8;```

🍀🌺🍀🌺🍀🕉️🍀🌺🍀🌺🍀నేటి నుండి అధిక మాసం ప్రారంభం ```

*అధికమాసం / అధిక జ్యేష్ట మాసం / పురుషోత్తమ మాస మహిమ సంపూర్ణ వివరణ*

           ➖➖➖✍️```

*అధిక మాసాలలో ప్రతి మాసానికీ ప్రత్యేకమైన పుణ్యప్రభావం ఉన్నప్పటికీ, అధిక జ్యేష్ఠ మాసం అత్యంత పుణ్యప్రదమైనదిగా ధర్మశాస్త్రాలు, పురాణాలు పేర్కొంటాయి. దీనిని కొన్నిచోట్ల పురుషోత్తమ మాసం అని కూడా గౌరవిస్తారు, ముఖ్యంగా విష్ణుభక్తులకు ఇది విశేషమైనది.```

*అధిక మాస మహాత్మ్యం ప్రధానంగా* :```

స్కాంద పురాణం, పద్మ పురాణం, నారద పురాణంలో వివరించబడింది.

```  

*“అధికే మాసి యత్ దత్తంయత్ జప్తం హుతమేవ చ।*

*తత్ సర్వం కోటి గుణితం భవేత్ నాత్ర సంశయః॥”*

*అధిక జ్యేష్ఠ మాస ప్రాశస్త్యం* 

*1. విష్ణు ప్రీతికర మాసం:-*```

ఈ మాసం శ్రీమహావిష్ణువుకు అత్యంత ప్రియమైనది.

ఈ కాలంలో: విష్ణు నామస్మరణ, గీతా పారాయణం, విష్ణు సహస్రనామం, దానధర్మాలు చేస్తే అనేక రెట్లు ఫలితం లభిస్తుందని పురాణోక్తి.```

*2. పాపక్షయకర మాసం:-*```

సాధారణ మాసాల్లో చేసిన పుణ్యకర్మలకు ఒక ఫలితం ఉంటే, అధిక మాసంలో అవి అనేక రెట్లు ఫలిస్తాయని చెబుతారు.```

*3. పురాణ కథ — పాపి విమోచనం*```

*పురాణాలలో ఒక కథ:- 

ఒక పాపాత్ముడు జీవితమంతా దురాచారంలో గడిపాడు. చివరలో యాదృచ్ఛికంగా అధిక మాసంలో: ఉపవాసం చేశాడు విష్ణునామం జపించాడు ఆ ఒక్క పుణ్యంతోనే అతనికి విష్ణులోకం లభించిందని చెప్పబడింది. ఇది ఈ మాసపు కరుణాశక్తిని తెలియజేస్తుంది.```

*పురాణాలలో మరొక కథ*:-```

*మలమాసం యొక్క దుఃఖం*:- ఈ అదనపు నెలకు:-

సంక్రాంతి లేదు, దేవతాధిపత్యం లేదు, యజ్ఞాది శుభకార్యాలు లేవు

అందువల్ల అందరూ దీనిని: “మలమాసం” “అశుభమాసం”

అని తృణీకరించారు. అవమానంతో ఆ మాసం ఏడుస్తూ దేవతల వద్దకు వెళ్లింది. ఎవ్వరూ దానిని స్వీకరించలేదు. అప్పుడు విష్ణువు...

*శ్రీమహావిష్ణువు అనుగ్రహం*:- చివరకు ఆ మాసం శ్రీమహావిష్ణువు వద్దకు వెళ్లి ప్రార్థించింది. అప్పుడు విష్ణుమూర్తి ఇలా అన్నాడని “ఇప్పటి నుండి నీవు నా స్వరూపమైన ‘పురుషోత్తమ మాసం’ అవుతావు.” నామం మహిమ పుణ్యప్రభావం అన్నీ ఈ మాసానికి ప్రసాదించాడు. అందుకే: ఇతర మాసాల కంటే అధిక మాసం పుణ్యప్రదమైనది. “పురుషోత్తమ” అనే పదార్థం భగవద్గీత లో: “ఉత్తమః పురుషస్త్వన్యః…” అని శ్రీకృష్ణుడు తనను “పురుషోత్తముడు”గా పేర్కొన్నాడు. అంటే: సర్వోన్నతుడు, జగన్నాథుడు, పరమాత్మ ఆయనకు ప్రియమైన మాసమే ఈ పురుషోత్తమ మాసం. భోగాల కోసం కాదు, యోగం కోసం, భక్తి కోసం పాపపరిహారం కోసం ఉద్దేశించబడింది. అధిక మాసం మనిషికి ఒక “ఆధ్యాత్మిక అదనపు అవకాశం”.; గత లోపాలను సరిచేసుకో భక్తిని పెంచుకో మనస్సును పవిత్రం చేసుకో నారాయణుని ఆశ్రయించు అందుకే ఈ మాసాన్ని: “పాపక్షయ మాసం” “భక్తి మాసం” “పురుషోత్తమ మాసం” అని మహర్షులు గౌరవించారు.```

*ప్రసిద్ధమైన వాక్యం:*

*“అధికే మాసి యత్ పుణ్యం తత్ కోటి గుణితం భవేత్”*```

అర్థం: అధిక మాసంలో చేసిన పుణ్యకర్మ కోటి రెట్లు ఫలిస్తుంది.

ఎందుకు “మలమాసం” అని కూడా అంటారు?

చంద్రసౌర గణనల్లో వ్యత్యాసం సమతుల్యం చేయడానికి వచ్చే అదనపు నెల ఇది. ప్రారంభంలో దీనిని దేవతలు స్వీకరించలేదని, తరువాత శ్రీమహావిష్ణువు దీనికి “పురుషోత్తమ మాస” మహిమ ఇచ్చాడని పురాణ కథనం.

వివాహం గృహప్రవేశం ఉపనయనం వంటి శుభకార్యాలు సాధారణంగా నివారిస్తారు. కానీ: జపం, తపస్సు, వ్రతం, దానం, తీర్థయాత్ర, పితృకార్యాలు అత్యంత శ్రేష్ఠంగా భావిస్తారు.```

*అధిక జ్యేష్ఠ మాసంలో చేయదగినవి:-*```

*అత్యుత్తమ ఆచరణలు:-,

శ్రీమన్నారాయణ పూజ, విష్ణు సహస్రనామ

పారాయణం, గజేంద్ర మోక్షం పారాయణం, భాగవత పఠనం ,తులసి పూజ, ఏకాదశి ఉపవాసం, అన్నదానం, జలదానం, గోసేవ.

*ప్రత్యేక దానాలు..*--

"జ్యేష్ఠ మాసం వేడి కాలం" కావడంతో: నీటి దానం, పానకం, చల్లని పానీయాలు, గొడుగు, పాదరక్షలు, విసనకర్రలు దానం చేయడం మహాపుణ్యకరం.

*పితృకార్యాలు చేయవచ్చా?* అవును. 

👉 అధిక మాసంలో:

మాసికం, ఆబ్దికం, తర్పణం, శ్రాద్ధం తప్పనిసరిగా నిర్వహించాలి. ఇవి నిషిద్ధం కావు. ఆధ్యాత్మిక సందేశం:- మనిషికిలోపాల పరిహారం ఆత్మపరిశీలన, భక్తి వృద్ధి, పాపక్షయం కోసం లభించిన అదనపు పవిత్ర కాలంగా భావించబడుతుంది.

*అధిక జ్యేష్ఠ మాసం — రోజువారీ ఆచరణ విధానం*

*అధిక మాసంలో కఠిన నియమాలు తప్పనిసరి కాదు.

*తమ శక్తి, సమయం, భక్తికి అనుగుణంగా ఆచరించినా మహాపుణ్యం లభిస్తుంది. ఇది ప్రధానంగా భక్తి, జపం, దానం, నియమాచరణ కోసం ఉద్దేశించిన మాసం.

*ప్రాతఃకాల ఆచరణ (బ్రహ్మముహూర్తం నుండి)*

1. *బ్రహ్మముహూర్తంలో లేవడం*:- సూర్యోదయానికి 1½ గంటల ముందు లేవడం శ్రేష్ఠం. లేవగానే: కరాగ్రే వసతే లక్ష్మీః... లేదా ఓం నమో నారాయణాయ స్మరించాలి.

2. *స్నానం* : సాధ్యమైతే:- తలస్నానం, తీర్థస్నానం, గంగాస్మరణతో స్నానం, స్నాన సమయంలో: గంగే చ యమునే చైవ...పఠించాలి.

3. *దీపారాధన*:- ఇంట్లో తులసి వద్ద, పూజా మందిరంలో నెయ్యి లేదా నువ్వుల నూనె దీపం వెలిగించాలి.

4. *ప్రధాన పూజా విధానం*:- శ్రీమహావిష్ణు పూజ, అధిక మాసాధిదేవత శ్రీమన్నారాయణుడు. కనుక విష్ణు అష్టోత్తరం, విష్ణు సహస్రనామం పురుషసూక్తం, గజేంద్ర మోక్షం, శ్రీమద్భగవద్గీత ఒక అధ్యాయం

5. *జపం / అత్యుత్తమ మంత్రాలు:*- ఓం నమో నారాయణాయ, ఓం నమో భగవతే వాసుదేవాయ, గాయత్రీ జపం, హరినామసంకీర్తనం

రోజుకు: 108 లేదా 1008 సార్లు జపిస్తే ఉత్తమం.

*మధ్యాహ్న ఆచరణ* :-

1. *దానం* :- జ్యేష్ఠ మాసంలో దానం అత్యంత శ్రేష్ఠం.

ముఖ్యంగా:- జలదానం, పానకం, మజ్జిగ, గొడుగు, పాదరక్షలు, వీసనకర్ర, అన్నదానం ఇవి వేడి కాలంలో జీవరక్షణ దానాలుగా భావిస్తారు.

1. *సాత్త్విక భోజనం*:- ఒకపూట భోజనం శ్రేష్ఠం, ఉల్లిపాయ, వెల్లుల్లి నివారించడం మంచిది, మితాహారం పాటించాలి, ఏకాదశి రోజుల్లో ఉపవాసం అత్యుత్తమం.

*సాయంకాల ఆచరణ*:-

1. *సాయంకాల దీపారాధన* :- తులసి కోట వద్ద దీపం వెలిగించాలి.

పఠించదగినవి: విష్ణు సహస్రనామం, రామనామం, గోవింద నామస్మరణ

హరినామ సంకీర్తన

1. *పురాణ పారాయణం* ఈ మాసంలో ముఖ్యంగా: శ్రీమద్భాగవతం, భగవద్గీత, విష్ణు పురాణం, పురుషోత్తమ మాస మహాత్మ్యం వినడం లేదా చదవడం శ్రేష్ఠం.

*నిద్రకు ముందు*

ఆ రోజు చేసిన తప్పులకు క్షమాపణ ప్రార్థన:- “కృష్ణార్పణమస్తు” భావన

నారాయణ స్మరణతో నిద్ర, ప్రత్యేక నియమాలు (సాధ్యమైతే) పాటించదగిన నియమాలు

✅ బ్రహ్మచర్యం

✅ సత్యవచనం

✅ కోపనిగ్రహం

✅ పరనింద నివారణ

✅ భూశయనం (సాధ్యమైతే)

✅ ఉపవాసం / అల్పాహారం

ఈ మాసంలో అత్యంత ఫలప్రదమైనవి.✍️```

. *సర్వం శ్రీకృష్ణార్పణమస్తు*

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

*రేపటి తరానికి బతుకు, భద్రతలతో పాటు భారతీయత కూడా నేర్పండి.

          ➖▪️➖