12, మే 2025, సోమవారం

సోమవారం🕉️* *🌹12 మే 2025🌹* *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*   

     *🕉️సోమవారం🕉️*

    *🌹12 మే 2025🌹*

    *దృగ్గణిత పంచాంగం*     

              

*స్వస్తి శ్రీ విశ్వావసు నామ సంవత్సరం*

*ఉత్తరాయణం - వసంత ఋతౌః*

*వైశాఖ మాసం - శుక్లపక్షం*


*తిథి      : పౌర్ణమి* రా 10.25 వరకు ఉపరి *కృష్ణ పాడ్యమి*

*వారం    : సోమవారం* ( ఇందువాసరే )

*నక్షత్రం   : స్వాతి* ఉ 06.17 వరకు ఉపరి *విశాఖ* 


*యోగం : వరీయాన్* పూర్తిగా రోజంతా 

*కరణం   : భద్ర* ఉ 09.15 *బవ* రా 10.25 ఉపరి *బాలువ*


 *సాధారణ శుభ సమయాలు:* 

                *-ఈరోజు లేవు-*


అమృత కాలం  : *రా 11.18 - 01.05*

అభిజిత్ కాలం  : *ప 11.38 - 12.30*


*వర్జ్యం            : మ 12.33 - 02.21*

*దుర్ముహూర్తం  : మ 12.30 - 01.21 & 03.04 - 03.56*

*రాహు కాలం    : ఉ 07.14 - 08.51*

గుళికకాళం       : *మ 01.40 - 03.17*

యమగండం     : *ఉ 10.27 - 12.04*

సూర్యరాశి : *మేషం*

చంద్రరాశి : *తుల/వృశ్చికం*

సూర్యోదయం :*ఉ 05.45*

సూర్యాస్తమయం :*సా 06.40*

*ప్రయాణశూల   : తూర్పు దిక్కుకు పనికిరాదు*


*వైదిక విషయాలు:*

ప్రాతః కాలం          :  *ఉ 05.38 - 08.12*

సంగవకాలం         :*08.12 - 10.47*

మధ్యాహ్న కాలం    :     *10.47 - 01.21*

అపరాహ్న కాలం    : *మ 01.21 - 03.56*


*ఆబ్ధికం తిధి         : వైశాఖ పౌర్ణమి*

సాయంకాలం       :*సా 03.56 - 06.30*

ప్రదోష కాలం         :  *సా 06.30 - 08.43*

రాత్రి కాలం           :*రా 08.43 - 11.41*

నిశీధి కాలం          :*రా 11.41 - 12.26*

బ్రాహ్మీ ముహూర్తం :*తె 04.08 - 04.53*

---------------------------------------------------

        *🌷ప్రతినిత్యం🌷*

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*


*పరమేశ్వర !పరంధామ !పరమాత్మ !పరమ శివ*

*సర్వేశా, పరాత్పర, పార్వతీ పతి, జగన్నాధ, జగదీశ్వరా,*

*పశుపతి పాప హర పాలయమాం పరమేశ.!!*


🕉️ *ఓం నమః శివాయ*🕉️


🕉️🪷🌹🛕🌹🌷🪷🌷🕉️

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><>


          🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🕉️🕉️🌹🌷

🌹🍃🌿🕉️🕉️🌿🍃🌹

పంచాంగం 12.05.2025 Monday,

 ఈ రోజు పంచాంగం 12.05.2025 Monday,


స్వస్తి శ్రీ చాన్ద్రమాన విశ్వావసు నామసంవత్సర: ఉత్తరాయణం వసంత ఋతువు వైశాఖ మాస శుక్ల పక్ష పౌర్ణమి తిథి ఇందు వాసర స్వాతి నక్షత్రం వరియాన్ యోగః: భద్ర తదుపరి బవ కరణం.


రాహుకాలం : ఉదయం 07:30 నుండి 09:00 వరకు.

 

యమగండం: పగలు 10:30 నుండి 12:00 వరకు.


నమస్కారః , శుభోదయం

సేవమూర్తులకు వందనాలు..!!

 (అంతర్జాతీయ నర్సుల దినోత్సవం)


సేవమూర్తులకు వందనాలు..!!


మీ సేవ లకు శతకోటి వందనాలు

సేవలో మాతృమూర్తితో సమానులు

నాన్న వాళ్లు దగ్గర లేకున్నా

మీరు ఉన్నారన్న ధైర్యం ఇచ్చారు...


మీ సేవలు పరమ పవిత్రము

ప్రాణాలకు తెగించి పునర్జన్మ పోస్తారు

మీ మాటలు ఔషధాలతో సమానం

మీ సేవలకు రుణపడి ఉంది యావత్ ప్రపంచం..


అమ్మ లాలన చూపించారు

నాన్నల ధైర్యాన్ని నింపారు

వైద్యుడికి చేయూతనిచ్చారు

కంటికి రెప్పలా రోగిని కాపాడుతున్నారు..


సహనానికి మారుపేరుగా నిలిచి

సమయానికి ఔషధాలు అందించి

రోగికి మనోధైర్యాన్ని చెప్పి

కొండంత భరోసాగా నిలిచి కనిపించారు..


మానవ సేవకు నిజమైన ఆకారంతో

మరో వైద్యుడిలా దర్శనమిచ్చారు

సహనములో భూదేవిలా నిలిచి

మనిషిలో భగవంతుని రూపం చూశారు..


ధన్వంతరి వలె భూమిపై మొలచి

మానవజాతికి మహోపకారం చేస్తూ

దగ్గరుండి జీవిని బయటికి తీస్తూ

 తల్లుల ప్రాణాలు కాపాడు తున్నారు..


నిత్య సేవలో మీ జీవితం సార్థకం

పరమ పవిత్రమైన వృత్తికి మీరే నిదర్శనం

రుణపడి ఉంది మానవజాతి మొత్తం

మీ సేవల మా జోహార్లు జోహార్లు...!!


కొప్పుల ప్రసాద్

నంద్యాల

17-08-గీతా మకరందము

 17-08-గీతా మకరందము.

           శ్రద్ధాత్రయ విభాగ యోగము

   

  -పూజ్యశ్రీశ్రీశ్రీ విద్యాప్రకాశానందగిరి స్వాములవారు,

శ్రీశుకబ్రహ్మాశ్రమము, శ్రీకాళహస్తి.


అవతారిక - అందు సాత్త్వికాహారమునుగూర్చి వచించుచున్నారు–


ఆయుస్సత్త్వబలారోగ్య సుఖప్రీతివివర్ధనాః | 

రస్యాస్స్నిగ్ధాః స్థిరా హృద్యా ఆహారాస్సాత్త్వికప్రియాః || 


తాత్పర్యము:- ఆయుస్సును, మనోబలమును, దేహబలమును, ఆరోగ్యమును, సౌఖ్యమును, ప్రీతిని బాగుగ వృద్ధినొందించునవియు, రసముగలవియు, చమురుగలవియు, దేహమందు చాలకాలము యుండునవియు, మనోహరములైనవియునగు ఆహారములు సత్త్వగుణముగలవారికి ఇష్టములైయుండును.


వ్యాఖ్య: - జనులయందు సత్త్వగుణ మభివృద్ధినొందునపుడు ఇట్టి యాహారము వారికి రుచించునని భావము. అనగా కారముతోను, పులుపుతోనుగూడినదియు, రాజసికమైనదియు లేక తామసికమైనదియు నగు ఆహారము వారికెన్నడును ప్రీతికరము కానేరదు. పైనదెల్పిన సాత్త్వికాహారమే వారికి ఇష్టముగనుండును. ధ్యానాదుల కిట్టి యాహారము మిక్కుటముగ అనుకూలించును. ఆహారవిషయము పరమార్థరంగమున ఎంతయో ముఖ్యమైనది. కనుకనే శ్రీకృష్ణమూర్తి గీతలో పెక్కుచోట్ల దానిని గుఱించి ప్రస్తావించుచువచ్చిరి. కావున ముముక్షువులు ఆహారసంయమము ఏదియో చిన్నవిషయమని తలంపక, బ్రహ్మమార్గమున కీలకస్థాన మాక్రమించియున్నదానినిగ అద్దానిని భావించి సాత్త్వికాహారమునే సేవించుచురావలెను.

ప్రశ్న:- సాత్త్వికాహార మెట్టిది?

ఉత్తరము:- (1) ఆయుస్సును, మనోబలమును, శరీరబలమును, ఆరోగ్యమును, సుఖమును, ప్రీతిని లెస్సగ అభివృద్ధినొందించునదియు (2) రసము గలదియు (3) చమురుతో గూడినదియు (4) దేహమునందు చాలకాల ముండునదియు, మనోహరమైనదియు సాత్త్వికాహార మనబడును. కావున విజ్ఞు లట్టి యాహారమునే సేవించవలయును.

తిరుమల సర్వస్వం 236-*

 *తిరుమల సర్వస్వం 236-*

*ద్వాదశ ఆళ్వారులు-1* 


  *విష్ణుభక్తిలో లీనమై, శ్రీవేంకటేశ్వరునితో సహా శ్రీమహావిష్ణువు యొక్క అవతారవిశేషాలన్నింటినీ పద్యరూపంలో వర్ణించి, భావితరాలకందజేసి, తాము తరించి భక్తజనులను తరింపజేసిన పన్నెండుమంది ఆళ్వారుల దివ్యచరిత్రలను తెలుసుకుందాం.*


 *ఆళ్వారులంటే?* 


 *'ఆళ్వారులు'* అనే తమిళ పదానికి *'విష్ణుభక్తిలో సంపూర్ణంగా మునిగినవారు'* అనే సమానార్థం ఉంది. వీరు నిరంతరం హరినామస్మరణలో లీనమై సార్థక నామధేయులయ్యారు. అదే విధంగా, *'ఆళ్వారులు'* అనే పదానికి *'రక్షించేవారు'* లేదా *'కాపాడేవారు'* అనే మరో అర్థం కూడా ఉంది. 


 ఈ దివ్యపురుషులు మనలో విష్ణుచింతనను వ్యాప్తి చేసి మనలను అరిషడ్వర్గాల నుండి రక్షించడం ద్వారా ఈ నామాంతరానికి కూడా సార్థకత చేకూర్చారు. ఈ పదానికి *'విజ్ఞాన నిక్షిప్తం'* అనే వేరొక అర్థం కూడా ఉంది. విష్ణుభక్తిని పెంపొందించి జనులలో జ్ఞానతృష్ణను రగిలింపజేయడం ద్వారా వీరు విజ్ఞానఖనులయ్యారు. వీరందరినీ సామూహికంగా *'ద్వాదశ సూరులు'* గా వ్యవహరిస్తారు. అంటే పన్నెండు మంది ఆళ్వారులూ, పన్నెండు సూర్యులతో సమానమన్నమాట. సూర్యనారాయణుని వలె వీరు కూడా శ్రీమహావిష్ణువుకు పరమభక్తులవ్వడం వల్లనూ; సూర్యుని వలె విజ్ఞానకాంతులతో, భక్తిభావమనే దివ్యతేజస్సుతో తేజరిల్లడం వల్లనూ వీరు 'ద్వాదశ సూరులు' గా వ్యవహరింప బడుతున్నారు.


 *ఆళ్వారుల ఆవిర్భావం* 


 *ఆళ్వారులందరూ కారణజన్ములే..* 


 శ్రీమహావిష్ణువు సంకల్పం తోనే వీరందరూ భూమిపై జన్మించారు. ఒకానొకప్పుడు మానవులు శ్రీమహావిష్ణువు ద్వారా ఒసంగబడిన కర్మేంద్రియాలను, జ్ఞానేంద్రియాలను శ్రీహరిసేవకు, హరినామస్మరణకు ఉపయోగించకుండా; వాటిని ఐహికమైన భోగభాగ్యాల సాధనకూ వినియోగిస్తూ ప్రాపంచిక సుఖాలకై వెంపర్లాడసాగారు. ఈ విషయంపై కలత చెందిన శ్రీమహావిష్ణువు భూలోకవాసులను సన్మార్గం లోనికి మళ్ళించే నిమిత్తం తిరుమల, శ్రీరంగం, కంచి ఆదిగా గల 108 దివ్య వైష్ణవక్షేత్రాలలో స్వయంగా వెలిశాడు. అదే విధంగా తన భక్తితత్త్వాన్ని ప్రజలలో వ్యాపింపజేసి వారికి ముక్తిమార్గాన్ని ప్రసాదింపజేయడానికై తన పాంచజన్యశంఖాన్ని, సుదర్శనచక్రాన్ని, శ్రీవత్సచిహ్నాన్ని, కౌస్తుభమణిని, పరివారదేవతలను ద్రావిడదేశంలో సిద్ధపురుషులుగా వెలయింప జేశాడు. ఆ విధంగా శ్రీమహావిష్ణువు అంశతో భువిపై, ద్రావిడదేశంలో ఉద్భవించిన వారే ఆళ్వారులు. ద్రావిడదేశమనగా ఇంచుమించుగా ఈనాటి 'తమిళనాడు' రాష్ట్రమున్న ప్రాంతమన్నమాట.



 *అందరూ ద్రావిడదేశం లోనే ఎందుకు జన్మించారు?* 


 ఇది కేవలం కాకతాళీయమో, యాదృచ్ఛికమో కాదు. శ్రీహరి చిత్తసంకల్పం తోనే ఇలా జరిగింది. దానికి సంబంధించి, అత్యంతాసక్తికరమైన పౌరాణిక కథనం ఇలా ఉంది:


 ఒకానొకప్పుడు వేదభూమియైన భరతఖండానికి ఉత్తరదిక్కున ఉన్న హిమవత్పర్వత సానువుల్లోని కైలాసగిరిపై, ఆదిదంపతులైన శివపార్వతుల కళ్యాణం అత్యంత వైభవంగా జరిగింది. నభూతో నభవిష్యతి అన్న చందంగా జరిగిన ఆ వివాహ మహోత్సవాన్ని తిలకించటానికై దేవ, గంధర్వ, యక్ష, కిన్నెర, కింపురుషులతో పాటుగా సమస్త మానవాళి కైలాసగిరి కేతెంచారు. అంతటి జనసందోహం ఒకే దిక్కున కేంద్రీకృత మవ్వడంతో భూమాత సంతులనాన్ని కోల్పోయి ఉత్తరదిక్కుకు ఒరగడం ప్రారంభించింది. ఆ ఉత్పాతం ఒక మహాప్రళయానికి నాందిగా భావించిన ఆహ్వానితు లందరూ అపరిమితమైన ఆందోళనకు గురయ్యారు. రానున్న ప్రమాదాన్ని తృటిలో పసిగట్టిన, కుశాగ్రబుద్ధి కలిగిన, దేవతల శిల్పి 'విశ్వకర్మ' తరుణోపాయాన్ని సూచించాడు. వివాహానికి విచ్చేసిన అగస్త్యమహర్షి తన అపరిమితమైన తపోబలం వల్ల, ఆహ్వానితులందరి మొత్తం భారంలో సగభాగం కలిగి ఉంటాడని, ఆ మహాతపస్వి వివాహమంటపం నుండి వెడలి దక్షిణదిక్కుకు తరలిపోతే ధరాతలం తన సంతులనాన్ని తిరిగి పొందుతుందని పలికాడు. దాంతో, శివపార్వతుల కళ్యాణాన్ని కన్నులారా తిలకించే మహద్భాగ్యాన్ని కోల్పోబోవడం ద్వారా తీవ్రమైన మనస్తాపానికి, నిరుత్సాహానికి గురైన అగస్త్యమహర్షి తన ఈప్సితానికి (కోర్కెకు) భంగం కలిగించిన విశ్వకర్మను క్షణికావేశంలో శపిస్తాడు. నిస్వార్థబుద్ధితో, లోకకళ్యాణార్థం తరుణోపాయాన్ని సూచించిన, మహిమాన్వితుడైన విశ్వకర్మ కూడా అగస్త్యునికి ప్రతిశాపం ఇస్తాడు. దానిననుసరించి అగస్త్యమునిచే సృష్టించబడి; అప్పటివరకూ దైవ, పండితభాషగా వెలుగొందుతూ, సకల సాహిత్యాలకూ కాణాచిగా ఉన్న 'ద్రావిడభాష' తిరోగమనం పాలైంది.


 బ్రహ్మాది దేవతల వినతి మేరకు మహాప్రళయాన్ని నివారించడానికై, అగస్త్యమహర్షి అర్థాంగి లోపాముద్రా సమేతుడై కైలాసపర్వతాన్నుండి వెనుదిరిగి దక్షిణాన స్వర్ణముఖి నదీ తటాన ఉన్న తన స్వస్థలానికి తిరిగి వస్తాడు. తరువాతి కాలంలో అగస్త్యుడు పద్మావతీ పరిణయానంతరం నూతన దంపతులైన పద్మావతీ, శ్రీనివాసులకు ఆరుమాసాల పాటు, ఇప్పుడు సువర్ణముఖి నది ఒడ్డున 'ముక్కోటి' గా విలసిల్లుతున్న తన ఆశ్రమంలో, విడిది ఏర్పాటు చేయడం మనం ఇంతకుముందే తెలుసుకున్నాం.


*శ్రీనివాసుని శ్రీచరణాలను సేవిద్దాం, సకల శుభాలనూ పొందుదాం* 


*రచన* 

*పల్లపోతు కృష్ణ బాలాజీ గారు- వాణి శ్రీ దంపతులు*

ఫోన్ నెంబర్

99490 98406

మహాభారతము

 *సంపూర్ణ మహాభారతము**సరళ వ్యావహారిక భాషలో...!*

*కర్ణ పర్వము ప్రథమాశ్వాసము*


*375 వ రోజు*


*దేవతలు బ్రహ్మదేవునితో చేరి ఈశ్వరుడిని వేడుకొనుట*


దేవతలు, మునులు, ఇంద్రుడు, బ్రహ్మదేవునితో చేరి శివుని వద్దకు చేరి " పరమేశ్వరా ! నీవు జ్ఞానమూర్తివి, సత్యస్వరూపుడవు నీకు తెలియనిది లేదు " అని స్తుతించగా ఈశ్వరుడు " సంతోషించి ఏమి కావాలి ? " అన్నాడు. బ్రహ్మ పరమేశ్వరునితో " పరమేశ్వరా ! నీవు నన్ను ప్రజాపతిగా చేసావు. ఆ అధికారమును వినియోగించి నేను ఈ ముగ్గురు రాక్షసులకు వరములు ప్రసాదించాను. వారు ఆ వరగర్వంతో మూడు పురములు నిర్మించుకుని ముల్లోకాలను గడగడలాడిస్తున్నారు. ఇంద్రునికి కూడా అతడిని గెలువ శక్యము కాలేదు. నీవుగాక వారిని సంహరించగల వారు లేరు. కనుక అందరమూ నిన్ను శరణు జొచ్చాము. ఆ రాక్షసులను సంహరించి ముల్లోకములను కాపాడాలి " అని వేడుకున్నారు. ఈశ్వరుడు " బ్రహ్మదేవా ! నీను చెప్పినది నిజమే. వారు చంపదగిన వారే అయినా వారు మహాబలవంతులు నేను ఒక్కడినే వారిని జయించ లేను. కనుక నేను నా తేజస్సులో సగభాగము ఇస్తాను మీరంతా వారిని సంహరించండి " అన్నాడు. దేవతలు " పరమేశ్వరా ! ఆ మువ్వురి బలముకంటే మా బలము సగమే ఉంది కనుక మేము వారిని గెలువలేము. నీ మహా తేజస్సు మేము భరించరానిది. కనుక మా శక్తులను మీకు ధార పోస్తాము. కనుక నీవే వారిని సంహరించు " అన్నాడు. ఆ మాటలకు శివుడు " దేవతలారా ! నాకు మీరు రాక్షసులు సమానమే. అంతే కాదు నాకు సర్వప్రాణులు నాకు సమానమే. అందరికీ సమానంగా ఆనందం కలిగిస్తాను కనుక నాకు శివుడు అనే నామం వచ్చింది. దుష్టశిక్షణ శిష్టరక్షణ నా కర్తవ్యం. పరులను పీడించే దుర్జనులను సంహరించి ధర్మవర్తనులైన మిమ్ము రక్షిస్తాను. కనుక మీరంతా మీ తేజస్సు బుజ బలము నాకు చెందేలా చేయండి. నేను ఈ కార్యము నిర్వహించడానికి ముల్లోకములకు పశుత్వము నాకు పశుపతిత్వము కావాలి నేను ఈ కార్యము చేయడానికి నాకు పశుపతిత్వము కావాలి ఈ లోకాలకంత పశుత్వము కావాలి. అప్పుడు కాని పశువులను చంపిన పాపం నన్ను అంటదు. మీరందరూ కలిసి నాకు ఒక దివ్యరధమును, ఒక సారథిని, దివాశ్వములను, ఒక విల్లు, ఒక బాణం కావాలి. అప్పుడు నేను ఆ రాక్షసుల మూడు పురములను ఒక్కసారిగా నాశనం చేయగలను.


*పాశుపత వ్రతము*


శివుని మాటలు విన్న దేవతలు సంకోచిస్తూ తలలు వంచుకున్నారు. తమకు కూడా పశుత్వము వస్తుంది అని శకించారు. వారి అనుమానం అర్ధం చేసుకున్న శివుడు దేవతలారా ! మీరు భయపడ వద్దు. మీకు కలిగిన పశుత్వము నుండి బయటపడటానికి ఒక మార్గం ఉంది. మీరంతా పాశుపత వ్రతం ఆచరించి మీ పశుత్వము పోగొట్టుకొని మోక్షము పొంద వచ్చు. ఆ వ్రతము పన్నెండు సంవత్సరములు చేయవలెను. చేసే వారి నిష్టానుసారం ఒక సంవత్సరము కాని ఆరు నెలలు కాని, ఒక రుతువులో కాని, ఒక మాసముకాని, కనీసం పన్నెండు దినములలో కాని ఫలితం ఇస్తుంది. ఆ మాటలకు దేవతలు సమ్మతించి అన్ని లోకములకు పశుత్వము రావడానికి అంగీకరించి. శివునకు పశుపతిత్వము కలగడానికి ఒప్పుకుని అతడిని పశుపతిగా కీర్తించారు. దేవతలంతా తమ తేజస్సులో సగము శివునకు ధారపోసారు. ఆ తేజస్సును అందుకున్న పరమ శివుడు తేజోవంతుడయ్యాడు. ఇంద్రుడు దేవతలతో కూడి శివుడిని త్రిపురాసుర సంహారానికి అభిషేకించారు. దేవతలందరూ త్వష్ట ప్రజాపతిని చూసి శివుడికి మహోత్కృష్టమైన ఒక విల్లును, ఒక రథమును, అమ్మును, హయములను తయారు చేసి ఇమ్మని అడిగారు.


*రేపు *

*భారతంలో ఉండేది భూమిపై ఎక్కడైనా ఉంటుంది భారతంలో లేనిది భూమిపై ఎక్కడా లేదు*

*రోజూ భారతం చదవండి భగవద్ అనుగ్రహం పొందండి*

శ్రీమద్భగవద్గీత

 శ్రీమద్భగవద్గీత:  ఐదవ అధ్యాయం

కర్మసన్యాసయోగం: శ్రీ భగవానువాచ:


భోక్తారం యజ్ఞతపసాం సర్వలోకమహేశ్వరమ్ 

సుహృదం సర్వభూతానం జ్ఞాత్వా మాం శాంతిమృచ్ఛతి (29)


యజ్ఞాలకూ, తపస్సులకూ భోక్తననీ, సర్వలోకాలకూ ప్రభువుననీ, సమస్త ప్రాణులకూ మిత్రుడననీ నన్ను తెలుసుకున్నవాడు పరమశాంతి పొందుతాడు.


శ్రీకృష్ణార్జున సంవాదం అయిన శ్రీమద్భగవద్గీతలోని కర్మసన్యాసయోగం .. అనే ఐదవ అధ్యాయం సమాప్తం..🙏

సజ్జనుడు కాడు

 💎🌅 *_-|¦¦|శుభోదయమ్|¦¦|-_* 🌄🪔

🪔 *_𝕝𝕝ॐ𝕝𝕝 సుభాషితమ్ 𝕝𝕝卐𝕝𝕝_* 💎


శ్లో𝕝𝕝 *బోధితోఽపి బహుసూక్తి విస్తరైః*

          *కిం ఖలో జగతి సజ్జనో భవేత్|*

          *స్నాపితోఽపి బహుశో నదీజలైః* 

          *గర్దభః భవతి కిం హయః క్వచిత్||*


        *మధురకవి శ్రీ హనుమంతాచార్యులు*


తా𝕝𝕝 " *నీచుడికి ఎన్ని మంచిమాటలు చెప్పిననూ సజ్జనుడు కాడు.గాడిదను పుణ్యనదీజలాలతో స్నానం చేయించిననూ అది గుర్రము కాదు కదా".*


 ✍️💐🌹🌸🙏

వేరొకడు తట్టుకోలేడు

 🪔 *_𝕝𝕝ॐ𝕝𝕝 సుభాషితమ్ 𝕝𝕝卐𝕝𝕝_* 💎


శ్లో𝕝𝕝    *ఉత్తమః క్లేశవిక్షోభం*

*క్షమః సోఢుం న హీతరః|*

           *మణిరేవ మహాశాణ*

 *ఘర్షణం న తు మృత్కణః||*


*తా𝕝𝕝 కష్టాలవల్ల కలిగే క్షోభను ఉత్తముడు మాత్రమే తట్టుకోగలడు*.... *వేరొకడు తట్టుకోలేడు..... సాన మీద ఒరిపిడిని మాణిక్యమే సహించగలదు కానీ మట్టిపెడ్డ సహించగలదా....*


✍️🌹💐🌸🙏

వేద ఆశీర్వచనం

 *నమస్తే సదా వత్సలే మాతృ భూమే*


*కలియుగాబ్ది 5126*

*శ్రీ శాలివాహన శకం 1947 స్వస్తి శ్రీ చాంద్రమాన విశ్వావసు నామ సంవత్సరం ఉత్తరాయణం - వసంత ఋతువు - వైశాఖ మాసం - శుక్ల పక్షం - పూర్ణిమ - స్వాతి -‌‌ ఇందు వాసరే* (12.05.2025)


ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.





.🙏🙏 

భవదీయుడు

దశిక ప్రభాకరశాస్త్రి 

9849795167

----------------------------------------------

*పిల్లలకి బతుకుతో పాటు భారతీయత కూడా నేర్పండి*