*అంతా రామమయం*

*మన బతుకంతా రామమయం*

మన జీవితాలలో *రాముడు* ఎలా కలిసిపోయాడో చూడండి.......

ఒక దేశానికి, జాతికి సొంతమయిన గ్రంథాలు ఉంటాయి .

అలాంటి గ్రంథమే మన *రామాయణం*

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

ఇంగ్లీషు వాడు వచ్చాక మన రాముడు ఒక పాత్ర అయ్యాడు కానీ అంతవరకూ *రాముడు మనవెంట నడిచిన దేవుడు*

మన విలువల్లో, వ్యక్తిత్వంలో పడిపోకుండా నిటారుగా నిలబెట్టిన *ఆదర్శ పురుషుడు మన రాముడు*

మనకు మనం పరీక్ష పెట్టుకుని ఎలా ఉన్నామో చూసుకోవాల్సిన అద్దం *మన రాముడు*

ధర్మం పోత పోస్తే *రాముడు*

ఆదర్శాలు రూపుకడితే *రాముడు*

అందం పోగుపోస్తే *రాముడు*

ఆనందం నడిస్తే *రాముడు*

వేదోపనిషత్తులకు అర్థం *రాముడు*

మంత్రమూర్తి *రాముడు*

పరబ్రహ్మం *రాముడు*

లోకం కోసం దేవుడే దిగివచ్చి మనిషిగా పుట్టినవాడు *మన రాముడు*
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

ఎప్పటి త్రేతాయుగ రాముడు?

ఎన్ని యుగాలు దొర్లిపోయాయి?

అయినా మన మాటల్లో, చేతల్లో, ఆలోచనల్లో అడుగడుగడుగునా *మన రాముడే!*

చిన్నప్పుడు మనకు స్నానం చేయించగానే అమ్మ నీళ్లను సంప్రోక్షించి చెప్పినమాట -

*శ్రీరామరక్ష సర్వజగద్రక్ష*
🙌🏻🙌🏻🙌🏻🙌🏻🙌🏻🙌🏻🙌🏻🙌🏻🙌🏻🙌🏻🙌🏻

బొజ్జలో ఇంత 🍼పాలుపోసి ఉయ్యాలలో పడుకోబెట్టిన వెంటనే పాడిన పాట -

 *రామాలాలీ - మేఘశ్యామా లాలీ*

మన ఇంటి గుమ్మం పైన వెలిగే మంత్రాక్షరాలు *శ్రీరామ రక్ష - సర్వ జగద్రక్ష*
🕉🕉🕉🕉🕉🕉🕉🕉🕉🕉🕉
మంచో చెడో ఏదో ఒకటి జరగగానే అనాల్సిన మాట - *అయ్యో రామా*

వినకూడని మాట వింటే అనాల్సిన మాట - *రామ రామ*

భరించలేని కష్టానికి పర్యాయపదం -
*రాముడి కష్టం*

తండ్రి మాట జవదాటనివాడిని పొగడాలంటే - *రాముడు*

కష్టం గట్టెక్కే తారక మంత్రం -
 *శ్రీరామ*

విష్ణుసహస్రం చెప్పే తీరిక లేకపోతే అనాల్సిన మాట - *శ్రీరామ శ్రీరామ శ్రీరామ*

అన్నం దొరక్కపోతే అనాల్సిన మాట -
*అన్నమో రామచంద్రా!*

వయసుడిగిన వేళ అనాల్సిన మాట -
*కృష్ణా రామా !*

తిరుగులేని మాటకు - *రామబాణం*

సకల సుఖశాంతులకు - *రామరాజ్యం*

ఆదర్శమయిన పాలనకు - *రాముడి పాలన*

ఆజానుబాహుడి పోలికకు - *రాముడు*

అన్నిప్రాణులను సమంగాచూసేవాడు- *రాముడు*

*రాముడు ఎప్పుడు మంచి బాలుడే*
👌🏻👌🏻👌🏻👌🏻👌🏻👌🏻👌🏻👌🏻👌🏻👌🏻👌🏻

చివరకు ఇంగ్లీషు వ్యాకరణంలో కూడా -
*రామా కిల్డ్ రావణ*

*రావణ వాజ్ కిల్డ్ బై రామా*

💐💐💐💐💐💐💐💐💐💐💐

ఆదర్శ దాంపత్యానికి - *సీతారాములు*

గొప్ప కొడుకు - *రాముడు*

అన్నదమ్ముల అనుబంధానికి - *రామలక్ష్మణులు*

గొప్ప విద్యార్ధి - *రాముడు*
(వసిష్ఠ , విశ్వామిత్రులు చెప్పారు)
📖📖📖📖📖📖📖📖📖📖📖
మంచి మిత్రుడు - *రాముడు*
(గుహుడు చెప్పాడు)

మంచి స్వామి *రాముడు*
(హనుమ చెప్పారు)

సంగీత సారం *రాముడు*
(రామదాసు, త్యాగయ్య చెప్పారు)
🎼🎻🎷🎺🎸🎼🎻🎷🎺🎸🎼
నాలుకమీదుగా తాగాల్సిన నామం *రామ నామం*

 (పిబరే రామ రసం) సదాశివ బ్రహ్మేంద్ర యోగి చెప్పారు ).

 కళ్ళున్నందుకు చూడాల్సిన రూపం - *రాముడు*
👀👀👀👀👀👀👀👀👀👀👀
నోరున్నందుకు పలకాల్సిన నామం - *రామ నామం*

చెవులున్నందుకు వినాల్సిన కథ - *రామ కథ*
👂🏻👂🏻👂🏻👂🏻👂🏻👂🏻👂🏻👂🏻👂🏻👂🏻👂🏻
చేతులున్నందుకు మొక్కాల్సిన దేవుడు - *రాముడు*
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

జన్మ తరించడానికి - *రాముడు, రాముడు, రాముడు*

*రామాయణం పలుకుబళ్లు*

మనం గమనించంగానీ, భారతీయ భాషలన్నిటిలో రామాయణం ప్రతిధ్వనిస్తూ, ప్రతిఫలిస్తూ, ప్రతిబింబిస్తూ ఉంటుంది.

*తెలుగులో కూడా అంతే*

ఎంత వివరంగా చెప్పినా అర్థం కాకపోతే

*రాత్రంతా రామాయణం విని పొద్దున్నే సీతకు రాముడేమవుతాడని*
అడిగినట్లే ఉంటుంది ...?

చెప్పడానికి వీలుకాకపోతే -
*అబ్బో అదొక రామాయణం*

జవదాటడానికి వీల్లేని ఆదేశం అయితే -

*సుగ్రీవాజ్ఞ, లక్ష్మణ రేఖ*

ఎంతమంది ఎక్కినా ఇంకా చోటు మిగిలితే -
*అదొక పుష్పకవిమానం*

కబళించే చేతులు, చేష్ఠలు

*కబంధ హస్తాలు*

వికారంగా ఉంటే -
*శూర్పణఖ*

చూసిరమ్మంటే కాల్చి రావడం *హనుమ*

పెద్ద పెద్ద అడుగులు వేస్తే -
*అంగదుడి అంగలు*

మెలకువలేని నిద్ర -
*కుంభకర్ణ నిద్ర*

పెద్ద ఇల్లు -
*లంకంత ఇల్లు*

ఎంగిలిచేసి పెడితే -
*శబరి*

ఆడవారి గురించి అసలు ఆలోచనలే లేకపోతే - *ఋష్యశృంగుడు*

అల్లరి మూకలకు నిలయం -
*కిష్కింధ కాండ*

విషమ పరీక్షలన్నీ మనకు రోజూ -
*అగ్ని పరీక్షలే*

పితూరీలు చెప్పేవారందరూ -
*మంథరలే*

యుద్ధమంటే - *రామరావణ యుద్ధమే*

ఎప్పటికీ రగులుతూ ఉండేవన్నీ -
*రావణ కాష్ఠాలే*

కొడితే బుర్ర *రామకీర్తన* పాడుతుంది
(ఇది విచిత్రమయిన ప్రయోగం ).

*సీతారాములు తిరగని ఊళ్ళు తెలుగునేల మీద ఉండనే ఉండవు*

బహుశా ఒక ఊళ్లో తిండి తిని ఉంటారు.
ఒక ఊళ్లో పడుకుని ఉంటారు.
ఒక ఊళ్లో బట్టలు ఉతుక్కుని ఉంటారు. ఒక ఊళ్లో నీళ్లు తాగి ఉంటారు.

*ఒంటిమిట్టది ఒక కథ*

*భద్రాద్రిది ఒక కథ*

అసలు *రామాయణమే మన కథ*

*రాస్తే రామాయణం*

*చెబితే మహా భారతం*

అందుకే కీ.శే. సర్వేపల్లిరాధాకృష్ణన్ గారు అన్నారు.

*హిందుయిజమ్ ఒక మతం కాదు, అది ఒక జీవన విధానం!*

అందుకే ఇప్పటి South Asian దేశాలు ఇస్లాం, బౌద్ధమతాలను ఆచరించినా వారి దైనందిక జీవన విధానాలో *రామాయణం* ఎంతగా పెనవేసుకు పోయిందో ఇప్పటికీ మనం చూడొచ్చు. *రామాయణకథలు* మనకంటే చక్కగా muslim majority దేశమైన *ఇండోనేషియాలో ప్రదర్శిస్తారంటే రామాయణ విశిష్టత వేరుగా చెప్పనక్కర్లేదు.*

*జై శ్రీ రామ్*
*శ్లో || శ్రీ రామ రామ రామేతి రమే రామే మనోరమే ||*
*సహస్ర నామతత్తుల్యం రామనామ వరాననే ||*

ఈ శ్లోకం మూడుమార్లు స్మరించితే ఒక్క *విష్ణు సహస్రనామ పారాయణ* ఫలితం లభిస్తుంది.