శ్రీ లలితాసహస్రమున

ఓం సర్వాధారాయై నమః.🙏
( శ్రీ లలితాసహస్రమున 659వ నామము)

కం. శర్వుని సృష్టిని సర్వము

నిర్వక్రముగా సతంబు నిర్వహణకునై

సర్వాధారంబయితివి

సర్వాధారా! నమామి. సన్నుత జననీ!
🙏

ఓం సుఖాజాతాయ నమః.
(శివ సహస్ర నామములలో 814వ నామము.)

సకలంబౌ సుఖమూలమీవెగ సుఖాజాతా! నమస్కారముల్.

నికరంబౌ వర భక్తితోడ నిను ధ్యానించన్ సుఖంబిచ్చుచున్

బ్రకటం బౌదువు సత్య తేజమున సద్భాగ్యంబుగా భక్తకో

టికి, సౌఖ్యంబు శుభంబులన్ గొలుప. నేడే నాకు కన్పించుమా.
🙏

అవాఙ్మానసగోచరులగు పార్వతీ పరమేశ్వరులకు ప్రణమిల్లుతూ
చింతా రామకృష్ణారావు.
🙏🙏🙏