స్నేహం.

 స్నేహం......

బాషకందని భావమై

ఊహకందని స్పూర్తి యై 

పాటకందని మాధుర్యమై 

మాటకందని మమతయై 

మమేకమయ్యేది స్నేహం....

కష్టమందు ఓదార్పై

సుఖమందు భాగస్వామ్యమై

సమస్యకు సమాధానమై

చీకటిలో వెలుగు కిరణమై 

సహచర తత్వ గమనమే స్నేహం...

ఆశయాల అరవిందమై 

హృదయమునకు ప్రతిబింబమై 

అనుభవాల అమరిన అలంకారమై 

ఊహల ఊపిరిగా సాంత్వన చేకూర్చేది స్నేహం...

చెంతనిలిచి, వెంటనడచి 

చేయిపట్టి త్రోవచూపి, అలసిపోక అడుగేస్తూ

కడవరకూ సాగిపోయే ప్రయాణబంధమే స్నేహం.....

.....డాక్టర్ దేవులపల్లి పద్మజ