జట్కావాలా

 ఒక బాలుడికి జట్కాబండిలో ప్రయాణించడం చాలా ఇష్టం. రోజూ బడికి జట్కాలోనే వెళ్లేవాడు. పెద్దయ్యాక ఏం కావాలనుకున్నావని స్కూల్లో టీచరు అడిగితే

ఒకరు డాక్టరని, ఇంకొకరు ఇంజినీరని,

మరొకరు లాయరని అన్నారు.

ఈ బాలుడు మాత్రం జట్కావాలా అవుతానన్నాడు. టీచరు, పిల్లలు ఘల్లున నవ్వారు.

ఇంటికెళ్లేలోపే ఇది బాలుడి తల్లికి తెలిసింది, ప్రశాంతంగా, "బాబూ! పెద్దయ్యాక ఏమవుతావ"ని అడిగింది స్కూల్లో చెప్పిందే చెప్పాడు.

తల్లి: "అలాగే అవుదువుగానీ, ఇలా రా" అంటూ పూజామందిరం తలుపులు తెరిచి, "ఒక్క గుర్రంతో నడిపే బండి కాదు!

నాలుగు గుర్రాలు నడిపే బండికి నువ్వు జట్కావాలావి కావాల అదిగో ఆ శ్రీకృష్ణుడిలాగా" అని బోధించింది ఆ తల్లి.

ఆ 4గుర్రాల పేర్లు ధర్మ, అర్థ, కామ, మోక్షాలనీ, ఆ బోధించే జట్కావాలా జగద్గురువైన శ్రీకృష్ణుడనీ చెప్పింది. నువ్వు కూడా జగత్తుకి ఈ నాలుగింటిని బోధించే గురువువి కావాలి, సరేనా!" అని అతడి ఆలోచనను మలుపు తిప్పింది ఆ బిడ్డడే పెద్దయ్యాక వివేకానందుడయ్యాడు.

సేకరణ - VS Prasad] పెంపకం అంటే అదీ! పిల్లలు తెలియక తప్పు చేసినా, తప్పు మాట్లాడినా దానిని సరిదిద్దాల్సింది తల్లే! అందుకే అమ్మని తొలి గురువు, తొలి దైవం అంటారు. అమ్మ మాటలో ఎంతో మహత్తుంది కదా