*శ్రీ వైద్యనాథాష్టకము

 *శ్రీ వైద్యనాథాష్టకము*

శ్రీరామ సౌమిత్రి జటాయు వేద

షడాననాదిత్య కుజార్చితాయ

శ్రీ నీలకంఠాయ దయామయాయ

శ్రీ వైద్యనాథాయ నమఃశ్శివాయ

గంగా ప్రవాహేందు జటాధరాయ

త్రిలోచనాయ స్మర కాలహంత్రే

సమస్త దేవైరపి పూజితాయ

శ్రీ వైద్యనాథాయ నమఃశ్శివాయ

భక్త ప్రియాయ త్రిపురాంతకాయ

పినాకినీ దుష్ట హరాయ నిత్యం

ప్రత్యక్ష లీలాయ మనుష్య లోకే

శ్రీ వైద్యనాథాయ నమఃశ్శివాయ

ప్రభూత వాతాది సమస్త రోగ

ప్రణాశ హంత్రే ముని వందితాయ

ప్రభాకరేంద్ర్వగ్ని విలోచనాయ

శ్రీ వైద్యనాథాయ నమఃశ్శివాయ

వాక్శ్రోత్ర నేత్రాంఘ్రి విహీన జంతోః

వాక్శ్రోత్ర నేత్రాంఘ్రి సుఖ ప్రదాయ

కుష్ఠాది సర్వోన్నత రోగ హంత్రే

శ్రీ వైద్యనాథాయ నమఃశ్శివాయ

వేదాంత వేద్యాయ జగన్మయాయ

యోగీశ్వర ధ్యేయ పదాంబుజాయ

త్రిమూర్తి రూపాయ సహస్ర నామ్నే

శ్రీ వైద్యనాథాయ నమఃశ్శివాయ

స్వతీర్థ మృడ్భస్మ భృతాంగ భాజా

పిశాచ దుఃఖార్తి భయాపహాయ

ఆత్మ స్వరూపాయ శరీర భాజాం

శ్రీ వైద్యనాథాయ నమఃశ్శివాయ

శ్రీ నీలకంఠాయ వృష ధ్వజాయ

స్రక్గంధ  భస్మాద్యభి శోభితాయ

సుపుత్రదారాది సుభాగ్యదాయ

శ్రీ వైద్యనాథాయ నమఃశ్శివాయ