వదిలెయ్

 ************

*వదిలెయ్!*

************

ఒకటికి రెండుసార్లు వివరించిన తర్వాత కూడా ఎవరికీ అర్థం కాకపోతే, అవతలి వ్యక్తికి వివరించండం *వదిలెయ్!*

పిల్లలు ఎదిగినప్పుడు, వారు వారి స్వంత నిర్ణయాలు తీసుకోవడం మొదలుపెడతారు, వారి వెనుకాలా పడడం *వదిలెయ్!*

కొంతమంది వ్యక్తులతో మన ఆలోచనలు కలుస్తాయి. ఒకరిద్దరితో కనెక్ట్ కాకపోతే, అటువంటి వాళ్లను *వదిలెయ్!*

ఒక వయస్సు తర్వాత, ఎవరూ మిమ్మల్ని పట్టించుకోకపోతే లేదా మీ వెనుక ఎవరైనా మీ గురించి తప్పుగా మాట్లాడుతుంటే, దానిని మనసులో పెట్టుకోకుండా *వదిలెయ్!*

మనచేతుల్లో ఏమీ లేదు, మీరు ఈ అనుభవాన్ని పొందినప్పుడు, భవిష్యత్తు గురించి ఆందోళన చెందడం *వదిలెయ్!*

మనలోని కోరికకు, మన సామర్థ్యానికి చాలా తేడా ఉంటే, నీ గురించి నువ్వే ఎక్కువ ఆశించడం *వదిలెయ్!*

ప్రతి ఒక్కరి జీవితం భిన్నంగా ఉంటుంది. అంతెందుకు, ఓ మనిషి ఎత్తు, రంగు మొదలుకొని అన్నీ భిన్నంగా ఉంటాయి కాబట్టి సరిపోల్చడం *వదిలెయ్!*

నేను మంచి స్నేహితుడిగా కనిపిస్తే సరేసరి, లేదంటే నన్ను కూడా *వదిలెయ్!*

వృద్ధాప్యంలో జీవితాన్ని ఆస్వాదించండి, రోజువారీ పేరుకుపోయిన ఖర్చుల గురించి చింతించడం *వదిలెయ్!*

మీకు ఈ సందేశం నచ్చితే సరి. ఒకవేళ మీకు నచ్చకపోతే, సీరియస్ గా తీసుకోకుండా *వదిలెయ్*

సంస్కృత మహాభాగవతం*

 *29.08.2021 ప్రాతః కాల సందేశము*

*వేదవ్యాసుల వారి సంస్కృత మహాభాగవతం*

*ఏకాదశస్కంధము - మూడవ అధ్యాయము*

*భగవదవతారముల వర్ణన*

🕉🕉🕉🕉🕉🕉🕉🕉🕉🕉🕉🕉

*3.25 (ఇరువది ఐదవ శ్లోకము)*

*సర్వత్రాత్మేశ్వరాన్వీక్షాం కైవల్యమనికేతతామ్|*

*వివిక్తచీరవసనం సంతోషం యేన కేనచిత్॥12270॥*

*3.26 (ఇరువది ఆరవ శ్లోకము)*

 

*శ్రద్ధాం భాగవతే శాస్త్రేఽనిందామన్యత్ర చాపి హి|*

*మనో వాక్కర్మదండం చ సత్యం శమదమావపి॥12271॥*

చేతనాచేతనములయందు పరమాత్మభావమును కలిగియుండుట, ఏకాంతముగా పవిత్రప్రదేశమునందు ఉండుట, ఇండ్లువాకిండ్లయెడ మమకారము లేకుండుట, పవిత్రమైన శుభ్రవస్త్రములను ధరించుట (సన్న్యాసియైనచో వల్కలములను ధరించుట) లభించినదానితో సంతుష్టిచెందుట, భగవత్స్వరూప గుణములను ప్రతిపాదించు శాస్త్రములయందు శ్రద్ధ కలిగియుండుట, అన్యశాస్త్రములను (అన్యదైవములను) నిందింపకుండుట, మనస్సు, వాక్కు, శరీరములకు సంబంధించిన కర్మలనిగ్రహము (ప్రాణాయామముల ద్వారా మనస్సును, మౌనమువలన వాక్కును, ఉపవాసాది వ్రతములచేత శరీరమును నిగ్రహించుట), సత్యభాషణము, మనశ్శాంతిని కలిగియుండుట, అంతఃకరణ నిగ్రహము, బాహ్యేంద్రియ నిగ్రహము అనునవి భాగవత ధర్మములు.

*3.27 (ఇరువది ఏడవ శ్లోకము)*

*శ్రవణం కీర్తనం ధ్యానం హరేరద్భుతకర్మణః|*

*జన్మకర్మగుణానాం చ తదర్థేఽఖిలచేష్టితమ్॥12272॥*

*3.28 (ఇరువది ఎనిమిదవ శ్లోకము)*

*ఇష్టం దత్తం తపో జప్తం వృత్తం యచ్చాత్మనః ప్రియమ్|*

*దారాన్ సుతాన్ గృహాన్ ప్రాణాన్ యత్పరస్మై నివేదనమ్॥12273॥*

అద్భుతలీలలను ప్రదర్శించిన శ్రీహరియొక్క అవతారములను గూర్చియు, ఘనకార్యములను గుఱించియు, దివ్యగుణములను గూర్చియు వినుట, కీర్తించుట, ధ్యానించుట మఱియు అన్నివిధములుగా ఆ స్వామినే సేవించుట సత్కర్మలను నెఱపుట, యజ్ఞయాగాదులను, జపములను, దానధర్మములను, కర్మలను, ఇంకను తనకు ఇష్టమైన పదార్థములను , అట్లే దారాపుత్రాదులను, గృహములను, కడకు ప్రాణములను సైతము భగవత్సేవలకై అంకితము చేయవలెను.

*3.29 (ఇరువది తొమ్మిదవ శ్లోకము)*

*ఏవం కృష్ణాత్మనాథేషు మనుష్యేషు చ సౌహృదమ్|*

*పరిచర్యాం చోభయత్ర మహత్సు నృషు సాధుషు॥12274॥*

*3.30 (ముప్పదియవ శ్లోకము)*

*పరస్పరానుకథనం పావనం భగవద్యశః|*

*మిథో రతిర్మిథస్తుష్టిర్నివృత్తిర్మిథ ఆత్మనః॥12275॥*

సచ్చిదానంద స్వరూపుడైన శ్రీకృష్ణుని తమ ఆత్మగా, స్వామిగా భావించెడి సత్పురుషులను శ్రద్ధగా సేవించుట, ఇతర మానవులకును సేవలు చేయుట, వారికిని నిష్కామభావ పూర్వకముగా భక్తిశ్రద్ధలతో సేవలొనర్చుట, పవిత్రమైన భగవద్వైభవమును గూర్చి పరస్పరము సంభాషించుకొనుట, అట్లే సాధకులయెడ అనురాగమును కలిగియుండుట, సాధుపురుషులతో సమావేశమగుచు పరస్పరము ఆదరాభిమానములను కలిగియుండుట, నిత్యసంతుష్టులై యుండుట, సాంసారిక విషయములనుండి నివృత్తులై పరస్పరము ఆధ్యాత్మిక శాంతిని అనుభవించుట అనునవి భాగవతధర్మములు.

*3.31 (ముప్పది ఒకటవ శ్లోకము)*

*స్మరంతః స్మారయంతశ్చ మిథోఽఘౌఘహరం హరిమ్|*

*భక్త్యా సంజాతయా భక్త్యా బిభ్రత్యుత్పులకాం తనుమ్॥12276॥*

శ్రీకృష్ణుడు తనను సేవించిన మానవులయొక్క పాపరాసులను భస్మమొనర్చును. కనుక ఆ స్వామిని సంతతము స్మరించుచుండవలెను, ఒకచోటగూడి సామూహికముగా కీర్తించుచుండవలెను. ఈ విధముగా సాధనభక్తిని అనుష్ఠించుచుండుటవలన ఆయనయెడ అనన్యభక్తి ఏర్పడును. అట్లు పారవశ్యముతో సేవించినవారు, పులకాంకితులగుదురు.

*3.32 (ముప్పది రెండవ శ్లోకము)*

*క్వచిద్రుదంత్యచ్యుతచింతయా క్వచిద్ధసంతి నందంతి వదంత్యలౌకికాః|*

*నృత్యంతి గాయంత్యనుశీలయంత్యజం భవంతి తూష్ణీం పరమేత్య నిర్వృతాః॥12277॥*

భక్తులు ఒక్కొక్కప్పుడు భగవత్సాక్షాత్కారమునకై విలపించుచుందురు. ఆ పరమేశ్వరుని చింతలో పరవశించిపోవుచు నవ్వుచుందురు. అప్పుడప్పుడు పరమానందభరితులగుచుందురు. లోకోత్తరమైన భావమునందు తేలియాడుచు భగవంతునితో సంభాషించెదరు. ఆ పరమాత్ముని లీలలను అనుసరించి ఆడుచుండెదరు, పాడుచుండెదరు. ఆ పరమపురుషునిలో లీనమై, బాహ్యప్రపంచమునే మరచి, మౌనముగా ఉండిపోవుదురు. ఇవి యన్నియును భాగవతధర్మములు.

*29.08.2021 సాయం కాల సందేశము*

*వేదవ్యాసుల వారి సంస్కృత మహాభాగవతం*

*ఏకాదశస్కంధము - మూడవ అధ్యాయము*

*భగవదవతారముల వర్ణన*

🕉🕉🕉🕉🕉🕉🕉🕉🕉🕉🕉🕉

*3.33 (ముప్పది మూడవ శ్లోకము)*

*ఇతి భాగవతాన్ ధర్మాన్ శిక్షన్ భక్త్యా తదుత్థయా|*

*నారాయణపరో మాయామంజస్తరతి దుస్తరామ్॥12278॥*

భక్తులు ఈ విధముగా భాగవత ధర్మములను ఆచరించుటవలన భక్తి ఏర్పడును. తద్ద్వారా వారు శ్రీమన్నారాయణుని ఆరాధనలో నిమగ్నులై తత్పరాయణు లగుదురు. భక్తిప్రభావమువలన వారు దుస్తరమైన మాయను అవలీలగా దాటుదురు. ఇదియే భగవద్భక్తి మహిమ.

*రాజోవాచ*

*3.34 (ముప్పది నాలుగవ శ్లోకము)*

*నారాయణాభిధానస్య బ్రహ్మణః పరమాత్మనః|*

*నిష్ఠామర్హథ నో వక్తుం యూయం హి బ్రహ్మవిత్తమాః॥12279॥*

హహహజ

*నిమి మహారాజు ఇట్లు నుడివెను* మహర్షులరా! పరమాత్మయొక్క యదార్థస్వరూపమును ఎరిగినవారిలో (బ్రహ్మవేత్తలలో) మీరు సర్వ శ్రేష్ఠులు. కనుక పరమపురుషుడైన శ్రీమన్నారాయణునియొక్క నిశ్చయ స్వరూపమును గూర్చి దయతో విశదపఱుచుడు.

*పిప్పలాయన ఉవాచ*

*3.35 (ముప్పది ఐదవ శ్లోకము)*

*స్థిత్యుద్భవప్రలయహేతురహేతురస్య యత్స్వప్నజాగరసుషుప్తిషు3 సద్బహిశ్చ|*

*దేహేంద్రియాసుహృదయాని చరంతి యేన సంజీవితాని తదవేహి పరం నరేంద్ర॥12280॥*

*అంతట ఐదవ యోగీశ్వరుడైన పిప్పలాయనుడు ఇట్లు పలికెను* "నిమి మహారాజా! శ్రీమన్నారాయణుడు ఈ విశ్వముయొక్క సృష్టి, స్దితి, లయములకు కారణుడు. (నిమిత్తకారణము, ఉపాదానకారణము అతడే. కానీ ఆయనకు ఎట్టి కారణము లేదు). ప్రాణులయొక్క జాగ్రత్స్వప్నసుషుప్త్యవస్థలలో ఉండి, బాహ్యమున కూడా ఉండును *(అంతర్బహిశ్చ తత్సర్వం వ్యాప్యనారాయణః స్థితః)*. ఆ స్వామి కారణముగనే ప్రాణియొక్క దేహము, ఇంద్రియములు, ప్రాణములు, మనస్సు చైతన్య వంతము లగుటయేగాక అవి తమ తమ కార్యములను నిర్వహించును. అట్టి పరమ సత్య వస్తువునే నారాయణునిగా నీవు ఎరుగుము.

*3.36 (ముప్పది ఆరవ శ్లోకము)*

*నైతన్మనో విశతి వాగుత చక్షురాత్మా ప్రాణేంద్రియాణి చ యథానలమర్చిషః స్వాః|*

*శబ్దోఽపి బోధకనిషేధతయాఽఽత్మమూలమర్థోక్తమాహ యదృతే న నిషేధసిద్ధిః॥12281॥*

వాక్కు మొదలగు కర్మేంద్రియములకు, చక్షురాది జ్ఞానేంద్రియములకు, ప్రాణములకు, అంతఃకరణములకు ఆ స్వామియే ఆధారమైనను, అగ్నిజ్వాలలు తమకు ఆధారమైన అగ్నినిగూర్చి వర్ణింపలేనట్లు, అవి ఆ పరమాత్మను గురుంచి వివరింపజాలవు. వేదములకు కారణము ఆ పరమాత్మ తత్త్వమేయైనను, అవి ఆ సర్వేశ్వరునిగూర్చి *నేతి-నేతి* అను నిషిద్ధవచనములద్వారానే నిరూపణ చేయును. అట్టి నిషేదసిద్ధకి గూడ పరమాత్మయే కారణము. అన్నింటినీ నిషేధించుచు పోగాపోగా మిగిలిన తత్త్వమే నారాయణుడు.

*3.37 (ముప్పది ఏడవ శ్లోకము)*

*సత్త్వం రజస్తమ ఇతి త్రివృదేకమాదౌ సూత్రం మహానహమితి ప్రవదంతి జీవమ్|*

*జ్ఞానక్రియార్థఫలరూపతయోరుశక్తి బ్రహ్మైవ భాతి సదసచ్చ తయోః పరం యత్॥12282॥*

సృష్ట్యాదియందు ఉన్నది పరబ్రహ్మ మాత్రమే. దానినుండి సత్త్వము, రజస్సు, తమస్సులనెడి త్రిగుణములతోగూడిన మూలప్రకృతి ఉద్భవించెను. ఆ ప్రకృతియందు ఏర్పడిన సంక్షోభకారణముగా మహత్తత్త్వము ఉత్పన్నమాయెను. దానినుండి సూత్రాత్ముడైన హిరణ్యగర్భుని ఉత్పత్తి జరిగెను. ఈ సూత్రాత్మ నుండి జీవులకు ఉపాధియగు (కార్యరూపమైన) అహంకారము, మనస్సు, ఇంద్రియములయొక్క అధిష్ఠానదేవతలు, ప్రాణములు, ఇంద్రియములు, అట్లే శబ్ధాది విషయములు ఉత్పన్నములయ్యెను. ఆ పరమాత్మయే జీవరూపముగా ఈ తత్త్వములన్నింటిలో ప్రవేశించెను. ఈ విధముగా అన్ని రూపములలోను అనంతశక్తి స్వరూపుడై ఆ పరమాత్మ యొక్కడే ప్రకాశించుచున్నాడు. సత్తు - అసత్తులయందు అనగా కార్యకారణములయందు ఆ పరబ్రహ్మయొక్కడే కలడు. ఐనను అతడు ఈ అన్ని తత్త్వములకంటెను అతీతుడు. అతడే శ్రీమన్నారాయణుడు.

*3.38 (ముప్పది ఎనిమిదవ శ్లోకము)*

*నాత్మా జజాన న మరిష్యతి నైధతేఽసౌ న క్షీయతే సవనవిద్వ్యభిచారిణాం హి|*

*సర్వత్ర శశ్వదనపాయ్యుపలబ్ధిమాత్రం ప్రాణో యథేంద్రియబలేన వికల్పితం సత్॥12283॥*

పరబ్రహ్మస్వరూపమైన ఈ ఆత్మ ఉత్పత్తి, అస్తిత్వము, వృద్ధి, విపరిణామము, అపక్షయము, వినాశము - అను షడ్వికారములు లేనిది. పరివర్తన శీలములైన వస్తువులయొక్క భూత, భవిష్యద్వర్తమానములను, వాటి (ఆ వస్తువులయొక్క) అవస్థా భేదములను ఆ ఆత్మ ఎరుంగును. అది సర్వవ్యాపి, శాశ్వతమైనది, అవినాశి, జ్ఞానస్వరూపమైనది. ప్రాణము ఒక్కటేయైనను, అది స్థానభేదములవలన పెక్కుపేర్లను కలిగియున్నట్లు ఒకే జ్ఞానము ఇంద్రియములభేదకారణముగా వేర్వేఱు పేర్లతో (చూచుట, వినుట, ఆఘ్రాణించుట మొదలగు క్రియానామములతో) వ్యవహరింపబడుచున్నది. అదే విధముగా ఒకే ఆత్మయొక్క ఉనికి వివిధములుగా (వివిధప్రాణులుగా) పేర్కొనబడుచున్నది.

*3.39 (ముప్పది తొమ్మిదవ శ్లోకము)*

*అండేషు పేశిషు తరుష్వవినిశ్చితేషు ప్రాణో హి జీవముపధావతి తత్ర తత్ర|*

*సన్నే యదింద్రియగణేఽహమి చ ప్రసుప్తే కూటస్థ ఆశయమృతే తదనుస్మృతిర్నః॥12284॥*

జీవులు, అండజములు (పక్షులు, సర్పముల మొదలగునవి), జరాయుజములు (మనుష్యులు, పశువులు), స్వేదజములు (క్రీమికీటకాదులు), ఉద్భిజములు (వృక్షములు) అని నాలుగు విధములు. ప్రాణము ఈ సకలజీవులను అంటిపెట్టుకొనియే యుండును. జీవుడు ప్రగాఢనిద్రలో ఉన్నప్పుడు ఇంద్రియములు, అహంకారము గూడ నిశ్చేష్టములై యుండును. అందువలననే నిద్రనుండి లేచిన పిదప జీవుడు 'నేను గాఢనిద్రలో ఉంటిని' అను స్మృతిని కలిగియుండును. ఈ స్మృతియే సుషుప్త్యవస్థ యందు ఆత్మయొక్క ఉనికిని నిరూపించును.

*3.40 (నలుబదియవ శ్లోకము)*

*యర్హ్యబ్జనాభచరణైషణయోరుభక్త్యా చేతోమలాని విధమేద్గుణకర్మజాని|*

*తస్మిన్ విశుద్ధ ఉపలభ్యత ఆత్మతత్త్వం సాక్షాద్యథామలదృశోః సవితృప్రకాశః॥12285॥*

శ్రీమన్నారాయణుని పాదపద్మముల యందు తీవ్రమైన (నిశ్చలమై) భక్తి కలిగియున్నప్పుడు, ఆ భక్తియే గుణకర్మలనుండి ఉత్పన్నమైన చిత్తజదోషములను అనగా మలవిక్షేప ఆవరణదోషములను ప్రక్షాళన మొనర్చును. ఈ విధముగా చిత్తము పరిశుద్ధమైనప్ఫుడు నిర్మలమైన దృష్టికి సూర్యునివలె ఆత్మతత్త్వము స్వయముగా సాక్షాత్కారమగును" అని ఐదవ యోగీశ్వరుడైన పిప్పలాయనుడు అనెను.

(శ్రీ వేదవ్యాసప్రణీత శ్రీమద్భాగవతమందలి ఏకాదశ స్కంధములోని మూడవ అధ్యాయము ఇంకను కొనసాగును)

🙏🙏సర్వం శ్రీకృష్ణార్పణమస్తుi🙏🙏

*పసుమర్తి వేంకట దుర్గా సుబ్రహ్మణ్యం*

7702090319, 9505813235g

*శ్రీలలితా సహస్రనామ భాష్యము*

 *శ్రీమాత్రేనమః*

*శ్రీలలితా సహస్రనామ భాష్యము*

*400వ నామ మంత్రము* 29.8.2021

*ఓం వ్యాపిన్యై నమః*

సర్వజగత్తునందు వ్యాపించియున్న జగన్మాతకు నమస్కారము.

శ్రీలలితా సహస్ర నామావళి యందలి *వ్యాపినీ* యను మూడక్షరముల (త్ర్యక్షరీ) నామ మంత్రమును *ఓం వ్యాపిన్యై నమః* అని ఉచ్చరించుచూ, ఆ జగన్మాతను అత్యంత భక్తిశ్రద్ధలతో ఆరాధించు భక్తులకు ఆ పరమేశ్వరి శాంతిసౌఖ్యములు, సిరిసంపదలు, కీర్తిప్రతిష్టలు ప్రాసాదించును.

సృష్ఠియంతయు సాత్విక, రాజస, తామస గుణాత్మకమైనది. వ్యక్తస్వరూపిణియైన పరమేశ్వరి కూడా త్రిగుణాత్మకమైనది. నామరూపాత్మకమైన సకల జగత్తులయందును వ్యాపించియున్నది. అనంతకోటి జీవరాసులయందును ఆత్మరూపంలో ఆవరించియున్నది. 

*కందము*

ఇందు గలఁ డందు లేఁ డని

సందేహము వలదు చక్రి సర్వోపగతుం

డెం దెందు వెదకి చూచిన

నందందే కలఁడు దానవాగ్రణి! వింటే."

పరమాత్మ ఇందు అందు అనక సర్వత్రా ఉన్నాడను భావంతో ప్రహ్లాదుడు తన తండ్రి అయిన హిరణ్యకశిపునికి చెప్పిన సందర్భంలో పోతనగారి భాగవతమునుండి సేకరించిన ఈ పద్యం పరమాత్మ సర్వాంతర్యామి అని చెప్పుచున్నది. ఆ పరమాత్మ సర్వవ్యాపకుడు. జగత్తంతా ఆత్మరూపంలో సర్వత్రా ఉన్నాడు. అటువంటి పరమాత్మ స్వరూపిణియైన పరమేశ్వరి విమర్శరూపంలో అన్ని రూపాలుపొందియున్నది. చరాచర జగత్తంతా వ్యాపించియున్నది. గనుకనే అమ్మవారు *వ్యాపినీ* యని అనబడినది.

జగన్మాతకు నమస్కరించునపుడు *ఓం వ్యాపిన్యై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

*శ్రీలలితా సహస్రనామ భాష్యము*

 *శ్రీమాత్రేనమః*

*శ్రీలలితా సహస్రనామ భాష్యము*

*983వ నామ మంత్రము* 29.8.2021

*ఓం త్రిఖండేశ్యై నమః*

దశముద్రల యందలి త్రిఖండి యను దశమముద్రకు స్వామిని అయిన పరమేశ్వరికి నమస్కారము.

శ్రీలలితా సహస్ర నామావళి యందలి *త్రిఖండేశీ* యను నాలుగక్షరముల (చతురక్షరీ) నామ మంత్రమును *ఓం త్రిఖండేశ్యై నమః* అని ఉచ్చరించుచూ, ఆ పరమేశ్వరిని ఉపాసించు సాధకునకు ఆ జగన్మాత కరుణచే భౌతికపరమైన మరియు ఆముష్మికపరమైన అభీష్టములు సిద్ధించును.

శ్రీచక్రార్చనలో సాధకుడు ఒక్కొక్క ఆవరణకు ఒక్కొక్క ముద్ర చొప్పున తొమ్మిది ఆవరణలకు తొమ్మిది ముద్రలు ప్రదర్శించి, మొత్తం శ్రీచక్రమునంతటికీ పదియవ ముద్ర ప్రదర్శించును. అలా ప్రదర్శించే పదియవ ముద్రయే త్రిఖండ (సర్వత్రిఖండ) యను ముద్ర. జగన్మాత సర్వత్రిఖండ ముద్రకు ఈశ్వరి గనుక *త్రిఖండేశీ* యని అనబడినది. పదియవ ముద్ర అయిన ఈ సర్వత్రిఖండ ముద్రను శ్రీచక్రార్చనలో సర్వత్రా (మొత్తం శ్రీచక్రమునకు) ఉపయోగించడం జరుగుతుంది. ఈ సర్వత్రిఖండ యను దశమముద్ర పరమేశ్వరి స్వరూపము.

శ్రీవిద్యా మంత్రమయిన పంచదశీ మంత్రంలో వహ్ని (అగ్ని) ఖండము, సూర్యఖండము, సోమ (చంద్ర) ఖండము అను మూడు ఖండములు ఉన్నవి. ఈ మూడుఖండములకు పరమేశ్వరి ఈశ్వరి గనుక ఆ తల్లి *త్రిఖండేశీ* యని అనబడినది. అమ్మవారి సూక్ష్మరూపము వాగ్భవ కూటమి, కామరాజ కూటమి మరియు శక్తి కూటమి అనికూడా గతంలో చెప్పబడినది.

పంచదశీ మంత్రం *క ఏ ఈ ల హ్రీం హ స క హ ల హ్రీం స క ల హ్రీం* అయితే ఇందులో మొదటి ఐదు బీజాక్షరములు *క ఏ ఈ ల హ్రీం* అనునది వాగ్భవకూటము (అమ్మవారి ముఖకమలము). తరువాత ఆరు బీజాక్షరములు *హ స క హ ల హ్రీం* అనునది కామ రాజకూటము (అమ్మవారి కంఠం దిగువభాగం నుండి కటిప్రదేశం వరకు). చివరి నాలుగు బీజాక్షరములు *స క ల హ్రీం* అనునది శక్తికూటము (అమ్మవారి కటిప్రదేశం దిగువభాగం నుండి పాదములవరకు). అనగా పంచదశీ మంత్రంలో మూడు శివశక్తులు గలవు. పంచదశీ మంత్రం అమ్మవారి సూక్ష్మరూపమును చెప్పుచున్నది *(మూలకూటత్రయ కళేబరా - 89వ నామ మంత్రము)* అని కూడా అమ్మవారు అనబడుచున్నది. ఆ విధంగా అమ్మవారు మూడు కూటముల సూక్ష్మరూపిణిగా *త్రిఖండేశీ* యని కూడా అనబడుచున్నది.

జగన్మాత బ్రహ్మరంధ్ర, మణిపూర, మూలాధారములకు అధిష్ఠానదేవత గనుక, ఆ తల్లి *త్రిఖండేశీ* యని అనబడినది.

జగన్మాతకు నమస్కరించునపుడు *ఓం త్రిఖండేశ్యై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

సంస్కృత మహాభాగవతం

 *28.08.2021 సాయం కాల సందేశము*

*వేదవ్యాసుల వారి సంస్కృత మహాభాగవతం*

*ఏకాదశస్కంధము - మూడవ అధ్యాయము*

*భగవదవతారముల వర్ణన*

🕉🕉🕉🕉🕉🕉🕉🕉🕉🕉🕉🕉

*రాజోవాచ*

*3.17 (పదిహేడవ శ్లోకము)*

*యథైతామైశ్వరీం మాయాం దుస్తరామకృతాత్మభిః|*

*తరంత్యంజః స్థూలధియో మహర్ష ఇదముచ్యతామ్॥12262॥*

*నిమి మహారాజు ఇట్లు అనెను* "మహర్షీ! మనోనిగ్రహము లేనివారు భగవంతుని మాయను దాటుట మిక్కిలి కష్టము. కనుక మావంటి సామాన్య మానవులు ఈ మాయనుండి సులభముగా బయటపడు ఉపాయమును గూర్చి తెలుపుము.

*ప్రబుద్ధ ఉవాచ*

*3.18 (పదునెనిమిదవ శ్లోకము)*

*కర్మాణ్యారభమాణానాం దుఃఖహత్యై సుఖాయ చ|*

*పశ్యేత్పాకవిపర్యాసం మిథునీచారిణాం నృణామ్॥12263॥*

*ప్రబుద్ధుడు ఇట్లు వచించెను* "నిమిమహారాజా! మానవులు ఐహికములగు కోరికలలో చిక్కుకొని దుఃఖనివృత్తికై, సుఖప్రాప్తికై వివిధకర్మలను ఆచరించుచుందురు. కాని వాటి పరిణామమున దుఃఖములే మిగులును. మాయనుండి బయటపడుటకు తపనపడుచుండెడి మానవుడు తన కర్మలఫలితముగా కలుగుచున్న విపరీత పరిణామములను చూచి, కామ్యకర్మలనుండి నివృత్తుడు కావలెను.

*3.19 (పందొమ్మిదవ శ్లోకము)*

*నిత్యార్తిదేన విత్తేన దుర్లభేనాత్మమృత్యునా|*

*గృహాపత్యాప్తపశుభిః కా ప్రీతిః సాధితైశ్చలైః॥12264॥*

ధనమువలన నిత్యము దుఃఖమే ప్రాప్తించుచుండును. దానిని సంపాదించుటయు కష్టమే. ఒకవేళ అది ప్రాప్తించినను అది ఆ వ్యక్తికీ మృత్యురూపమే యగును. ఆ ధనమోహములో పడినవాడు ఆ ధనవ్యామోహములోనే తలమునకలై యుండును. అట్లే అనిత్యములైన గృహము, భార్యాపుత్రులు, స్వజనులు, పశువులు మొదలగువాటిని సాధించుకొన్నను (పాందినను) అవన్నీ నశ్వరములే, కనుక వాటివలన కష్టములు మిక్కుటమగును. అప్పుడు అతనికి సుఖశాంతులు శూన్యములు అగును.

*3.20 (ఇరువదియవ శ్లోకము)*

*ఏవం లోకం పరం విద్యాన్నశ్వరం కర్మనిర్మితమ్|*

*సతుల్యాతిశయధ్వంసం యథా మండలవర్తినామ్॥12265॥*

ఈ రీతిగనే సకామకర్మలను అనుష్ఠించుటవలన లభించెడి స్వర్గాది లోకములుగూడ అనిత్యములు, నశ్వరములు. ఈ భూతలమున సామంతరాజులమధ్య పరస్పర స్పర్ధలు ఉన్నట్లే అచ్చటగూడ స్వర్గ వాసుల మధ్య పరస్పర ఈర్ష్యాద్వేష భావములు కొనసాగుచుండును. ఈ విధమైన రాగద్వేషవాతావరణమునందు సుఖశాంతులకు తావెక్కడ? కర్మలఫలములుగా ప్రాప్తించెడి భోగ్యవస్తువులు గూడ పరిమితమైనవే. పుణ్యానుభవము పూర్తియైన పిమ్మట జీవుడు మనుష్యలోకమునకు రాక తప్పదు. మఱల ఇచట జననమరణచక్రములో పరిభ్రమించుట అనివార్యము.

*3.21 (ఇరువది ఒకటవ శ్లోకము)*

*తస్మాద్గురుం ప్రపద్యేత జిజ్ఞాసుః శ్రేయ ఉత్తమమ్|*

*శాబ్దే పరే చ నిష్ణాతం బ్రహ్మణ్యుపశమాశ్రయమ్॥12266॥*

పరమశ్రేయోమార్గమును తెలిసికొనదలచిన సాధకుడు ఒక ఉత్తమగురువును ఆశ్రయించవలెను. ఆ గురువు వేదపారంగతుడై పరబ్రహ్మానుభవమును గలిగిన తత్త్వజ్ఞానియై, ప్రశాంతచిత్తముగల స్థితప్రజ్ఞుడై యుండవలెను. ఇట్టి గురువును చేరినప్పుడే జిజ్ఞాసువు పరమశ్రేయస్సును పొందగలడు.

*3.22 (ఇరువది రెండవ శ్లోకము)*

*తత్ర భాగవతాన్ ధర్మాన్ శిక్షేద్గుర్వాత్మదైవతః|*

*అమాయయానువృత్త్యా యైస్తుష్యేదాత్మాఽఽత్మదో హరిః॥12267॥*

అట్టి గురువును ఆశ్రయించిన పిదప అతడు ఆ గురువును పరమదైవముగా భావింపవలెను. ఆ మహాత్మునకు నిష్కపటబుద్ధితో సేవలొనర్చి, ఆయననుండి భాగవత ధర్మములను తెలిసికొని ఆచరింపవలెను. అప్పుడు సర్వాంతరాత్మయైన శ్రీహరి ప్రసన్నుడై అనుగ్రహించును.

*తద్విద్ధి ప్రణిపాతేన పరిప్రశ్నేన సేవయా|*

*ఉపదేక్ష్యంతి తే జ్ఞానం జ్ఞానినస్తత్త్వదర్శినః॥* (గీత 4.34)

నీవు తత్త్వమును దర్శించిన జ్ఞానుల కడకేగి, ఆ జ్ఞానమును గ్రహింపుము. వారికి దండప్రణామములాచరించుటవలనను, సేవలొనర్చుటవలనను, కపటము లేకుండ భక్తిశ్రద్ధలతో సముచితరీతిలో ప్రశ్నించుటవలనను, పరమాత్మతత్త్వమును చక్కగానెఱింగిన జ్ఞానులు సంప్రీతులై, నీకు ఆ పరమాత్మతత్త్వజ్ఞానమును ఉపదేశించెదరు.

*3.23 (ఇరువది మూడవ శ్లోకము)*

*సర్వతో మనసోఽసంగమాదౌ సంగం చ సాధుషు|*

*దయాం మైత్రీం ప్రశ్రయం చ భూతేష్వద్ధా యథోచితమ్॥12268॥*

అంతేగాక, అట్టి భక్తునకు పరమాత్ముడు తనను తానే ఇచ్చివేయును. మొట్టమొదట శరీరముపైనను, భార్యాపుత్రాదుల యెడలను, ఆ పైన సర్వమునందును అనాసక్తిని పెంపొందించు కొనవలెను. భగవద్భక్తుల యొక్క, సాధుఫురుషుల యొక్క సాంగత్యము చేయవలెను. సకలప్రాణులయెడ (ముఖ్యముగా దీనులయెడ) దయను, సమానులతో మైత్రిని, ఉత్తముల (పెద్దల) యెడ వినయము యథాయోగ్యముగా, త్రికరణశుద్ధిగా కలిగి యుండవలెను.

*3.24 (ఇరువది నాలుగవ శ్లోకము)*

*శౌచం తపస్తితిక్షాం చ మౌనం స్వాధ్యాయమార్జవమ్|*

*బ్రహ్మచర్యమహింసాం చ సమత్వం ద్వంద్వసంజ్ఞయోః॥12269॥*

మజ్జలాదులతో (మట్టి, జలము మొదలగువానితో) బాహ్యశౌచము, డాంబికము లేకుండా దైవచింతనము ద్వారా అంతశ్శుద్ధి, తపస్సు (ఉపవాసాది వ్రతములు వర్ణాశ్రమోచిత ధర్మానుష్ఠానము) సహిష్ణుత, మౌనము, వేదాధ్యయనము, ఆర్జవము (త్రికరణశుద్ధి), ఇంద్రియ నిగ్రహము, బ్రహ్మచర్యము, అహింస, శీతోష్ణ, సుఖదుఃఖాది ద్వంద్వములయెడ సమత్వబుద్ధి కలిగియుండుట (ఇవి భాగవత ధర్మములు).

(శ్రీ వేదవ్యాసప్రణీత శ్రీమద్భాగవతమందలి ఏకాదశ స్కంధములోని మూడవ అధ్యాయము ఇంకను కొనసాగును)

🙏🙏సర్వం శ్రీకృష్ణార్పణమస్తుi🙏🙏

*పసుమర్తి వేంకట దుర్గా సుబ్రహ్మణ్యం*

7702090319, 9505813235g

సంస్కృత మహాభాగవతం*

 *28.08.2021 ప్రాతః కాల సందేశము*

*వేదవ్యాసుల వారి సంస్కృత మహాభాగవతం*

*ఏకాదశస్కంధము - మూడవ అధ్యాయము*

*భగవదవతారముల వర్ణన*

🕉🕉🕉🕉🕉🕉🕉🕉🕉🕉🕉🕉

*3.9 (తొమ్మిదవ శ్లోకము)*

*శతవర్షా హ్యనావృష్టిర్భవిష్యత్యుల్బణా భువి|*

*తత్కాలోపచితోష్ణార్కో లోకాంస్త్రీన్ ప్రతపిష్యతి॥12254॥*

అప్పుడు నూరు సంవత్సరములవరకు భయంకరమైన అనావృష్టి ఏర్పడును. భూతలము అంతయును దుస్సహమైన వేడికి లోనగును. ప్రళయకాల శక్తివలన సూర్యతాపము అధికమై ముల్లోకములను అత్యధికమగ తపింపజేయును.

*3.10 (పదియవ శ్లోకము)*

*పాతాళతలమారభ్య సంకర్షణముఖానలః|*

*దహన్నూర్ధ్వశిఖో విష్వగ్వర్ధతే వాయునేరితః॥12255॥*

ఆ సమయమున సంకర్షణుని (ఆదిశేషుని) ముఖమునుండి ప్రచండమైన అగ్నిజ్వాలలు బయలుదేరును. భయంకరమైన వాయువులు తోడుకాగా ఈ అగ్నిజ్వాలలు మొదట పాతాళలోకమును కాల్చివేయుటకు ఆరంభించును. అవి క్రమముగా ఊర్ధ్వదిశగా చెలరేగి విశ్వమునందు అంతటను వ్యాపించును. ఇదియంతయును భగవంతుని మాయ.

*3.11 (పదకొండవ శ్లోకము)*

*సాంవర్తకో మేఘగణో వర్షతి స్మ శతం సమాః|*

*ధారాభిర్హస్తిహస్తాభిర్లీయతే సలిలే విరాట్॥12256॥*

తీవ్రమైన ఉష్ణముయొక్క పరిణామస్వరూపముగా సంవర్తము లనెడి ప్రళయకాలమేఘములు విజృంభించి, ఏనుగు తొండముల ప్రమాణములో వర్షధారలను క్రుమ్మరించును. అంతట ఈ బ్రహ్మాండము అంతయును జలమయమగును.

*3.12 (పండ్రెండవ శ్లోకము)*

*తతో విరాజముత్సృజ్య వైరాజః పురుషో నృప|*

*అవ్యక్తం విశతే సూక్ష్మం నిరింధన ఇవానలః॥12257॥*

నిమిమహారాజా! ఇంధనము సమాప్తమైనప్ఫుడు అగ్ని తన అవ్యక్తస్వరూపమలో లీనమైయున్నట్లు పరమాత్మ తన విరాట్ బ్రహ్మాండమును త్యజించి, తన సూక్ష్మమైన అవ్యక్తస్వరూపములొ విలీనమైయుండును.

*3.13 (పదమూడవ శ్లోకము)*

*వాయునా హృతగంధా భూః సలిలత్వాయ కల్పతే|*

*సలిలం తద్ధృతరసం జ్యోతిష్ట్వాయోపకల్పతే॥12258॥*

*3.14 (పదునాలుగవ శ్లోకము)*

*హృతరూపం తు తమసా వాయౌ జ్యోతిః ప్రలీయతే|*

*హృతస్పర్శోఽవకాశేన వాయుర్నభసి లీయతే॥12259॥*

*3.15 (పదునైదవ శ్లోకము)*

*కాలాత్మనా హృతగుణం నభ ఆత్మని లీయతే|*

*ఇంద్రియాణి మనో బుద్ధిః సహ వైకారికైర్నృప|*

*ప్రవిశంతి హ్యహంకారం స్వగుణైరహమాత్మని॥12260॥*

ప్రళయకాల సమయమున పృథ్వియొక్క గంధతన్మాత్రను వాయువుహరించును. అప్పుడు పృథ్వి జలములో మునిగిపోవును. అట్లే జలముయొక్క రసతన్మాత్రనుగూడ వాయువు హరించును. అప్పుడు జలము తన కారణమైన అగ్నిలో లీనమగును. అంధకారముద్వారా అగ్నియొక్క రూపతన్మాత్ర వాయువు హరించుటచే జ్యోతి (అగ్నితత్త్వము) వాయువులో లీనమగును. అదే విధముగా వాయువుయొక్క గుణమైన స్పర్శతన్నాత్ర ఆకాశముద్వారా హరింపబడుటచే వాయువు ఆకాశములో లీనమగును. కాలస్వరూపుడైన పరమేశ్వరుడు ఆకాశముయొక్క గుణమైన శబ్దతన్మాత్రను హరించివేయును. అప్పుడు ఆకాశము అహంకారములో లీనమగును. అదే సమయమున ఇంద్రియములు, మనస్సు, బుద్ధి తమ తమ అధిష్ఠానదేవతలతో సహా అహంకారములో లీనమగును. పిదప అహంకారముగూడ తన మూలస్వరూపమైన మహత్తత్త్వములో విలీనమగును.

*3.16 (పదహారవ శ్లోకము)*

*ఏషా మాయా భగవతః సర్గస్థిత్యంతకారిణీ|*

*త్రివర్ణా వర్ణితాస్మాభిః కిం భూయః శ్రోతుమిచ్ఛసి॥12261॥*

సృష్టి, స్థితి, సంహారములను జరుపునట్టి త్రిగుణాత్మకమైన మాయాస్వరూపమును మేము మీకు వివరించితిమి. ఇంకను నీవు ఏమి వినగోరుచున్నావు.

(శ్రీ వేదవ్యాసప్రణీత శ్రీమద్భాగవతమందలి ఏకాదశ స్కంధములోని మూడవ అధ్యాయము ఇంకను కొనసాగును)

🙏🙏సర్వం శ్రీకృష్ణార్పణమస్తుi🙏🙏

*పసుమర్తి వేంకట దుర్గా సుబ్రహ్మణ్యం*

7702090319, 9505813235g

*శ్రీలలితా సహస్రనామ భాష్యము*

 *శ్రీమాత్రేనమః*

*శ్రీలలితా సహస్రనామ భాష్యము*

*399వ నామ మంత్రము* 28.8.2021

*ఓం వ్యక్తాఽవ్యక్త స్వరూపిణ్యై నమః* 

వ్యక్తమూ, అవ్యక్తము రెండూ తానే అయిన జగన్మాతకు నమస్కారము.

శ్రీలలితా సహస్ర నామావళి యందలి *వ్యక్తాఽవ్యక్తస్వరూపిణీ* యను ఎనిమిదక్షరముల (అష్టాక్షరీ) నామ మంత్రమును *ఓం వ్యక్తాఽవ్యక్త స్వరూపిణ్యై నమః* అని ఉచ్చరించుచూ, ఆ జగన్మాతను అత్యంత భక్తి శ్రద్ధలతో ఆరాధించు సాధకులకు వ్యక్తావ్యక్తస్వరూపిణియైన పరమేశ్వరి కరుణతో భౌతికసంపదలతోబాటు ఆధ్యాత్మిక జ్ఞానసంపదలు కూడా ప్రసాదించును.

జగన్మాత అవ్యక్తమునుండి వ్యక్తమైనది. అనగా సృష్టికి పూర్వము అమ్మవారు అవ్యక్తస్వరూపిణి. సృష్టితో అనంతకోటి జీవులను వ్యక్తముచేయుటకు ముందు తానే వ్యక్తమయినది. అన్నిటికంటె మహతత్త్వము కలిగియుండుటచేత వ్యక్తావ్యక్తమయినది. వ్యక్తమనగా మహత్తత్త్వము అని అర్థము. సృష్టికి పూర్వము అవ్యక్తస్వరూపిణి అయితే, సృష్టిలో ఆ అవ్యక్తము నుండి మహతత్త్వము, తరువాత ఆ మహతత్త్వము నుండి అహంకారము ఉద్భవించాయి. దీనిని బట్టి అమ్మవారు అహంకారరూపురాలు. అలాగే ఆ తల్లి అవ్యక్తస్వరూపురాలు కూడా. అనగా వ్యక్తావ్యక్తస్వరూపములు రెండును ఆ దేవియే. ఇంకోవిధంగా చెప్పాలంటే షడ్భావ వికారములు ఉండుట లేకపోవుట అను రెండుగుణములు గలదని భావము. ఇదే విషయం లింగపురాణంలో "ప్రథమావస్థలో గుణత్రయవిభాగమగును. ద్వితీయావస్థలో పంచమహాభూతములకు సంబంధించిన షడ్భావవికారములు కలుగును. ఈ షడ్భావవికారములు కలుగియుండుటయే వ్యక్తరూపమని యనబడును. ఇవి ఏమియు లేకుండుటయే అవ్యక్తము" . భూతభావ వికారములుగా క్రిందికి జారిపోయిన దానిని క్షరమనియు, అట్లులేనిది అక్షరమనియు చెప్పుటచే శ్రీమాత క్షారాక్షరస్వరూపురాలు. మత్స్యపురాణములో అవ్యక్తమును అక్షరముగాను, వ్యక్తమును క్షరముగాను చెప్పబడినది. 

నృసింహపురాణములో అవ్యక్తమును బిందువుగాను, సమిష్టిగాను, వ్యక్తమును వ్యష్టిగాను వివరింపబడినది. ఇంకను శ్రీమాత ఇరువదిమూడు తత్త్వములును, ప్రకృతియు స్వరూపముగా గలిగినది అని చెప్పబడినది. బ్రహ్మాండ పురాణమందు "ఇరువదిమూడు తత్త్వములను వ్యక్తమనియు, ప్రకృతిని అవ్యక్తమనియు పండితులు చెప్పియున్నారు" అని ఉన్నది. బ్రహ్మ వైవర్తపురాణంలో 1. వ్యక్తము, 2. అవ్యక్తము, 3. వ్యక్తావ్యక్తము అను త్రివిధలింగములు (శివలింగములు) గలవు. ఈ లింగములనే 1. స్వాయంభువ లింగము (తనంత తాను పుట్టినది), 2. బాణలింగము (నదిలో పుట్టినది), 3. శైలలింగము (రాతితో చేయబడినది). ఈ మూడింటిలో రెండవది అయిన బాణలింగము (అవ్యక్తము) మోక్షాన్ని ప్రసాదిస్తుంది. అలాగే బాణలింగమును పూజించువారు అభివృద్ధిని పొందుదురు. నాశనము ఉండదు. మొదటిది (స్వాయంభువలింగము) ఇహపర సుఖాలను ఇస్తుంది.

 

జగత్తులో అనంతకోటి జీవరాసులు అవ్యక్తముసుండే ఉద్భవించాయి. అదియే మహతత్త్వస్వరూపము. ఇక వ్యక్తము అనేది కార్యరూపము. అవ్యక్తమనేది కారణరూపము. అమ్మవారు కార్యరూపంలోను, కారణరూపంలోనూ కూడా ఉంటుందిగనుక ఆ తల్లి *వ్యక్తాఽవ్యక్తస్వరూపిణీ* యని అనబడినది. 

జగన్మాతకు నమస్కరించునపుడు *ఓం వ్యక్తాఽవ్యక్తస్వరూపిణ్యై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

*శ్రీలలితా సహస్రనామ భాష్యము*

 *శ్రీమాత్రేనమః*

*శ్రీలలితా సహస్రనామ భాష్యము*

*982వ నామ మంత్రము* 28.8.2021

*ఓం యోనిముద్రాయై నమః*

శ్రీచక్రంలోని కేంద్రబిందువు యొక్క వికాసం కొరకు సూచించే యోనిముద్రయే తన స్వరూపంగా గల పరమేశ్వరికి నమస్కారము.

శ్రీలలితా సహస్ర నామావళి యందలి *యోనిముద్రా* యను నాలుగక్షరముల (చతురక్షరీ) నామ మంత్రమును *ఓం యోనిముద్రాయై నమః* అని ఉచ్చరించుచూ, ఆ జగన్మాతను అత్యంత భక్తి శ్రద్ధలతో ఆరాధించు భక్తులకు ఆ తల్లి ఆత్మానందానుభూతిని ప్రసాదించును.

*దశముద్రా సమారాధ్యా* యను 977వ నామ మంత్రంలో వివరించినట్లు శ్రీచక్రార్చనలో వేయు దశముద్రలలో తొమ్మిదవ ముద్ర అయిన *సర్వయోనిముద్ర* బిందువును ఆచ్ఛాదించి యున్నది. అటువంటి బిందువును ఆచ్ఛాదించిన యోని (త్రికోణచక్రము) స్వరూపముగా జగన్మాత యున్నది. గనుకనే అమ్మవారు *యోనిముద్రా* యని అనబడినది. ఈ యోనిముద్ర దశముద్రలలో ఉత్తమమైన ముద్ర. ఈ యోనిముద్రాప్రదర్శనమువలన శ్రీచక్రార్చనలో సాధకుడు ఉచ్చరించు మంత్రదోషములు నశించును. ఈ దశముద్రలు వేయుక్రమమును కేవలం గురుముఖతా మాత్రమే తెలియనగును. ఈ యోనిముద్రయే సమస్త సృష్టి ఆవిర్భావానికి కారణమయిన మూలప్రకృతి. ఈ యోనిముద్ర మహాత్రికోణాకారంలో ఉంటుంది. శ్రీచక్రార్చనలో అన్ని ఆవరణల అర్చనపూర్తయిన పిదప బిందువు వద్ద నమస్కారం నిమిత్తం యోనిముద్ర ప్రదర్శన చేయడం జరుగుతుంది.

జగన్మాతకు నమస్కరించునపుడు *ఓం యోనిముద్రాయై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

సంస్కృత మహాభాగవతం*

 *27.08.2021 సాయం కాల సందేశము*

*వేదవ్యాసుల వారి సంస్కృత మహాభాగవతం*

*ఏకాదశస్కంధము - మూడవ అధ్యాయము*

*భగవదవతారముల వర్ణన*

🕉🕉🕉🕉🕉🕉🕉🕉🕉🕉🕉🕉

*రాజోవాచ*

*3.1 (ఫ్రథమ శ్లోకము)*

*పరస్య విష్ణోరీశస్య మాయినామపి మోహినీమ్|*

*మాయాం వేదితుమిచ్ఛామో భగవంతో బ్రువంతు నః॥12246॥*

*నిమి మహారాజు నుడివెను* "మహాత్మా! 'ఈ జగత్తంతయును విష్ణుమాయయే' అని భాగవతోత్తముడు తలంచును' అని నీవు ఇదివరలో తెలిపియుంటివి. పరాత్పరుడు, సర్వశక్తిమంతుడు ఐన శ్రీమహావిష్ణువు యొక్క మాయ గొప్ప మాయావులను సైతము మోహింపజేయును. దానిని ఎవరును గుర్తింపజాలరు' అనునది లోక ప్రశస్తి. కనుక ఆ విష్ణుమాయా స్వరూపమునుగూర్చి తెలిసికొనగోరు చున్నాను - దయతో వివరింపుము".

*3.2 (రెండవ శ్లోకము)*

*నాఽనుతృప్యే జుషన్ యుష్మద్వచో హరికథామృతమ్|*

*సంసారతాపనిస్తప్తో మర్త్యస్తత్తాపభేషజమ్॥12247॥*

మానవుడు సంసార తాపత్రయముచేత పీడితుడైయున్నాడు. ఆ తాపత్రయ నివారణకు భగవత్కథామృతమే దివ్యౌషధము. నీ ద్వారా ఆ భాగవతకథాసుధలను ఎంతగా గ్రోలినను తనివితీరకున్నది. ఇంకను వినవలెనను కుతూహలము పెరుగుచున్నది.

*అంతరిక్ష ఉవాచ*

*3.3 (మూడవ శ్లోకము)*

*ఏభిర్భూతాని భూతాత్మా మహాభూతైర్మహాభుజ|*

*ససర్జోచ్చావచాన్యాద్యః స్వమాత్రాత్మప్రసిద్ధయే॥12248॥*

*అంతట 'అంతరిక్షుడు' ఇఠ్లు నుడివెను* "నిమి మహారాజా! ఆదిపురుషుడైన శ్రీమన్నారాయణుడు సకల ప్రాణులకును ఆత్మ. ఆ స్వామియే ఈ పంచభూతముల ద్వారా అన్నివిధమలైన చిన్న-పెద్ద ప్రాణులను సృష్టించెను. ఆ ప్రాణులు నిరాటంకముగా జీవించుటకొరకై అనేకములైన సామగ్రులను (వస్తువులను) సిద్ధపరచెను. తన జీవితకాలమునందు ఆత్మజ్ఞానమును సాధించి స్వస్వరూపమును పొందవలయును.

*3.4 (నాలుగవ శ్లోకము)*

*ఏవం సృష్టాని భూతాని ప్రవిష్టః పంచధాతుభిః|*

*ఏకధా దశధాఽఽత్మానం విభజన్ జుషతే గుణాన్॥12249॥*

ఈ విధముగా పరమాత్మ సకలప్రాణులను సృష్టించి, పంచమహాభూతముల ద్వారా నిర్మితమైన ఈ శరీరములయందు తానే ప్రవేశించెను. మనస్సుద్వారా, దశేంద్రియములద్వారా తనను విభజించుకొని, స్వయముగా ఆ గుణములను అనుభవించును.

*3.5 (ఐదవ శ్లోకము)*

*గుణైర్గుణాన్ స భుంజాన ఆత్మప్రద్యోతితైః ప్రభుః|*

*మన్యమాన ఇదం సృష్టమాత్మానమిహ సజ్జతే॥12250॥*

ఆయన ద్వారా ప్రకటితములైన ఈ గుణములే గుణములయందు ప్రవర్తించుచున్నవి. కానీ, దేహాభిమానియగు జీవుడు ఈ గుణములద్వారా నిర్మింపబడిన ప్రపంచమునందు ఆత్మబుద్ధిని కలిగి 'ఇది నేను - ఇది నాది' అను సంబంధములను ఏర్పరచుకొని, కర్తృత్వ భోక్తృత్వములను ఆరోపించుకొని బద్ధుడగును. ఇదియే మాయ.

*3.6 (ఆరవ శ్లోకము)*

*కర్మాణి కర్మభిః కుర్వన్ సనిమిత్తాని దేహభృత్|*

*తత్తత్కర్మఫలం గృహ్ణన్ భ్రమతీహ సుఖేతరమ్॥12251॥*

దేహధారియగు జీవుడు కర్మేంద్రియములతో సకామకర్మలను ఆచరించును. ఆ కర్మలను అనుసరించి శుభకర్మలయొక్క ఫలముగా సుఖమును, అశుభకర్మల ఫలమగా దుఃఖమును అనుభవించుచుండును. ఈ విధమగా సుఖదుఃఖములను అనుభవించుచు మరల జన్మలనెత్తుచు శరీరధారియై సంసారమునందు పరిభ్రమించుచుండును. ఇదియే భగవంతుని మాయ.

*3.7 (ఏడవ శ్లోకము)*

*ఇత్థం కర్మగతీర్గచ్ఛన్ బహ్వభద్రవహాః పుమాన్|*

*ఆభూతసంప్లవాత్సర్గప్రళయావశ్నుతేఽవశః॥12252॥*

ఈ విధముగా జీవుడు కర్మఫలములుగా పెక్కుదేహములను పొందుచుండును. వాటివలన పలు దుఃఖములపాలై, త్రిగుణాత్మకమైన ప్రకృతికి అధీనుడై మహాప్రళయపర్యంతము జననమరణచక్రములోబడి తిరుగుచుండును.

*3.8 (ఎనిమిదవ శ్లోకము)*

*ధాతూపప్లవ ఆసన్నే వ్యక్తం ద్రవ్యగుణాత్మకమ్|*

*అనాదినిధనః కాలో హ్యవ్యక్తాయాపకర్షతి॥12253॥*

పంచభూతముల ఉపసంహార సమయమైన మహాప్రళయము ఆసన్నమైనప్పుడు ఆద్యంతములు లేని కాలపురుషుడైన పరమేశ్వరుడు ద్రవ్యగుణాత్మకమైన (పంచభూత శబ్దాది గుణాత్మకమైన) విశ్వమును (స్థూలప్రపంచమును) నామరూప విభాగరహితమైన అవ్యక్తములోనికి (తనలోనికి) లాగుకొనును.

(శ్రీ వేదవ్యాసప్రణీత శ్రీమద్భాగవతమందలి ఏకాదశ స్కంధములోని మూడవ అధ్యాయము ఇంకను కొనసాగును)

🙏🙏సర్వం శ్రీకృష్ణార్పణమస్తుi🙏🙏

*పసుమర్తి వేంకట దుర్గా సుబ్రహ్మణ్యం*

7702090319, 9505813235g

శ్రీమద్భాగవతము

 *29.08.2021*

*వందేమాతరం*

*భక్తపోతన గారి శ్రీమద్భాగవతము:* 🙏  

*రోజుకో పద్యం: 2245 (౨౨౪౫)*

*10.1-1357-*

*క. గోపాలకృష్ణుతోడను*

*గోపాలన వేళలందుఁ గూడి తిరుగు నా*

*గోపాలు రెంత ధన్యులొ*

*గోపాలుర కైన నిట్టి గురురుచి గలదే?* 🌺

*_భావము: గోవులను కాచే సమయంలో, గోవులకు ఆనందం కలిగించే శ్రీకృష్ణునితో కలిసి మెలసి ఉండటం ఆ గోపాలకుల మహద్భాగ్యం, ధన్యజీవులు వారు. మహీపతులకు కూడా ఇటువంటి అలౌకిక అనుభూతిని ఆస్వాదించే అదృష్టం లభించదు కదా!_* 🙏

*_Meaning: Experiencing the out of the world pleasure, being in the company of Sri Krishna at the time, when He tends the cows and calves is the Divine boon for the cowherds. Even the kings can not dream of such great favour._* 🙏

*-ప్రభాకర శాస్త్రి దశిక (9849795167)*

*శ్రీ రాజమౌళి నిడుమోలు (8977500180) &*

*Kiran (9866661454)*

*Pavan Kumar (9347214215).*