*శ్లో|| ఏకో దేవః కేశవోవాశివోవా*,
*ఏకో వాసః పట్టణం వా వనం వాl*
*ఏకం మిత్రంభూపతిర్వా యతిర్వా*
*ఏకో నారీ సుందరీ వా దరీ వా ll*
*తాత్పర్యము, విష్ణువైనా సరే శివుడైనా సరే ఒక్కడే దేవుడని నమ్మాలి. పట్టణం కానీ అడవి కానీ ఏదైనా నివాసయోగ్యమైనదే. రాజు కానీ సన్యాసితో గానిస్నేహంచేయవచ్చు .అందమైన గుణవతి అయిన భార్యతో కాపురంచేయవలసినదే లేదా కొండ గుహలో కూర్చొని తపస్సు అయిన చేసుకోవాలి*.
కర్మాచరణము నందున
కర్మంబుల మర్మమెరుగు కర్మము కన్నన్
కర్మను విధినిర్దిష్టపు
ధర్మ ముగా నెరుగు శర్మ ధరణిన సుజనా.
🙏🙏🙏
*1945*
*కం*
మర్మంబెరిగిన వారల
కర్మంబుల కలుషమెపుడు కనరాదెటులన్.
ధర్మాధర్మంబులలో
మర్మంబులనెరుగువారె మాన్యులు సుజనా.
*భావం*:-- ఓ సుజనా! ధర్మాధర్మ ముల మధ్య మర్మం తెలిసిన వారి కర్మలలో ఎన్నడూ కాలుష్యం ఉండదు. ఆ మర్మం తెలిసిన వారే మహనీయులు.
*సందేశం*:-- రెండు విరుధ్ధ వ్యవస్థ ల మధ్య ఆంతరంగిక భావం తెలుసుకున్న వారి కి ఎవరి తోనూ విరోధం ఉండదు.
*** *కొంపెల్ల శ్రీనివాస శర్మ*
🌹🌹🌹🌹🌷🌷🌷🌹🌹🌹🌹
*🌹శ్రీ వేంకటేశ్వర దివ్య చరిత్ర-66🌹*
*ఆచార్యుల అనుభవాలలో తిరుమల*
🍁🍁🍁🍁🍁🍁🍁🍁🍁🍁
భగవద్రామానుజులకు ఆచార్యులైన పెరియ తిరుమల నంబిగారు (రామానుజాచార్యుడు) తమ ఆచార్యులైన ఆళవన్దారుల ఆదేశానుసారం ఇక్కడే వేంచేసియుండి తీర్థకైంకర్యంతో పాటు అనేక కైంకర్యాలను స్వామి సన్నిధిలో చేయుచుండెడివారు.
ఒక నాడు వీరు పాపనాశనం నుండి తిరుమంజనం తీర్థం తెచ్చుచుండగా స్వామి మారువేషంలో వచ్చి "తాతా! దాహంగా ఉంది కాస్త తీర్థం ఇవ్వవూ" అని ప్రార్థించి వీరొసంగిన తీర్థం కడుపార త్రావి నిజరూపంతో సాక్షాత్కరించాడు.
కావుననే వీరిని "పితామహస్యాపి పితామహాయ" అంటారు సంప్రదాయ వేత్తలు (అహంహి సర్వలోకానాం మాతాథాతా పితామహ:అని చెప్పిన సర్వేశ్వరునిచే "తాతా" అని పిలువబడుటచే పితామహునకు కూడా పితామహుడై నారు)
*తిరుమలై అనన్దాళ్వాన్ అను మహనీయులు రామానుజుల వారి శిష్యులు.*
వీరు ఆచార్యాజ్ఞను శిరసావహించి తిరుమలలో వేంచేసి యుండి నందనవనమును పెంచి పెరుమాళ్లకు పుష్ప కైంకర్యము చేసెడివారు.
వీరు ఆనాడు పెంచి పోషించిన నందనవనం నేటికిని అనన్తాళ్వాన్ తోటగా ప్రసిద్దమై నానాపుష్పలతా గుల్మతరుశోబితమై అలరారు చున్నది.
వీరి యీ కైంకర్యమునకు సంతసించిన భగవద్రామానుజులు వీరిని "అనన్దాన్ పిళ్ళై" అని అనేవారట.
ఒక పర్యాయం పద్మావతీ శ్రీనివాసులు రాజకుమారిక రాజకుమారుల వేషంలో అనన్దాళ్వాన్ తోటలోని పుష్పములను కోసికొని అలంకరించుకొంటున్నారు. ఇంతలో అనన్దాళ్వాన్ రావడం చూచి వారు సన్నిధికి అప్రదక్షిణంగా పరుగెత్తి ఉద్యానవనం దగ్గర అంతర్థానమై నారట. దీనికి సూచకంగా బ్రహ్మోత్సవాలలో ఏడవరోజు స్వామివారు అప్రదక్షిణంగా ఉద్యానవనంలోనికి వేంచేస్తారట.
*భగవద్రామానుజుల కైంకర్యములు*
భగవద్రామానుజులు ఈ సన్నిధిలో గావించిన కైంకర్యములు అనేకములు.
అవినేటికిని మనకు మనకు దర్శనీయములై యున్నవి.
వీరు వేంకటాచలపతికి శంఖచక్రములను ప్రసాదించారు. స్వామి వక్షస్థలమున ద్విభుజయగు వ్యూహ లక్ష్మిని శుక్రవారం ద్వాదశి ఉత్తర ఫల్గునీ నక్షత్రముతో కూడిన రత్నమాలికా యోగమున సమర్పింప జేసినారు.
కావుననే ప్రతి శుక్రవారం స్వామికి తిరుమంజనం జరుపుచున్నారు.
పూర్వం ఈస్వామి బ్రహ్మోత్సవములు "తిరుచానూరు" (తిరుచ్చుగనూరు) లో జరిగేవట-
కానీ రామానుజులవారు ఈ ఉత్సవములు కొండమీదనే జరిగేలాగున అచటి సన్నిధి చుట్టు వీధులను నిర్మింపజేసి భక్తులకు అవాస యోగ్యము గావించి అది మొదలు స్వామి వారి బ్రహ్మోత్సవాలు అక్కడే జరిగేటట్లు చేశారు.
ఈ సన్నిధిలో కౌతుక బేరంగా ఉండిన "మలైకువియా నిన్ఱపెరుమాళ్ళను" ఉత్సవమూర్తిగాను అప్పటివరకు ఉత్సవమూర్తిగా ఉండిన "వేంగడత్తుఱైవార్" అనువారిని కౌతుక బేరంగాను ఆలయ వైభవాభివృద్ధికై మార్పు చేయించినారట రామానుజులవారు.
ఈ "మలైకువియా నిన్ఱ పెరుమాళ్లనే" మలైయప్పన్ అని అంటారు.
ఇట్లే ఈ సన్నిధిలో అర్చకులుగా "శెంగవిరాయన్" అను వైఖానస ఆచార్య సత్తముల వంశీయులే ఉండవలయునని నియమించారు.
స్వామి పుష్కరిణీ తీరమునగల వరాహ ప్పెరుమాళ్ల సన్నిధిలో ఉత్సవమూర్తిని ప్రతిష్ఠించి తులా (అల్పిశి) మాసం శ్రవణం నాడు తిరునక్షత్రోత్సవమును నిత్య తిరువారాదనమును యథావిధిగా జరుగునట్లు కట్టడి చేసారు.
ఒకప్పుడు ఈ ఆలయం శత్రు సమాకాస్తం కాగా పర పురుష స్పర్శనొల్లని పెరియపిరాట్టి (శ్రీదేవి) స్వామి వక్షస్థలమును చేరగా భూపిరాట్టి (భూదేవి) ఉద్యానవనమున గల " అళగప్పిరానార్" " అను బావియందు ప్రవేశించినారట.
శ్రీ ఆళవందారులు తిరుమలైకి వేంచేసినపుడు ఒక సందర్భంలో "మారిమారాద తణ్ణమ్మలై" అనునట్లు సంతత వర్షాతిశయమును చూచి ఇట్టి వర్షాతిశయ సమయములలో తిరుమంజన తీర్థము పాపవినాశం నుండి తేనవసరం లేదని ఈ నందనో ద్యానమునగల " అళగప్పిరానార్" " అను ఈ బావితీర్థమును వినియోగింప వచ్చునని ఆనతిచ్చిరట.
ఈ బావికి "అళగప్పిరానార్" అను దివ్యనామము నుంచినవారు శ్రీఆళవందారులే. స్వామి రామానుజులు ఆనామమునే స్థిరపరచి దాని సమీపంలో భూదేవిని శ్రీనివాసమూర్తిని ప్రతిష్ఠింపజేసినారు.
ఈ బావిని త్రవ్వించినవాడు రంగదాసు అను గొప్ప భక్తుడు. అతడు స్వామివారికి ఆలయ ప్రాకార గోపురాదులను నిర్మింప సంకల్పించి ప్రాకార నిర్మాణమునకు అడ్డుగా ఉన్న తింత్రిణీ వృక్షమును; (ఈ నిర్ణిద్ర తింత్రిణీ వృక్షము క్రిందినే స్వామి వేంచేసియుండేవారు) స్వామి దక్షిణ పార్శ్వమున అమ్మవారు వేంచేసియున్న చంపక వృక్షమును అడ్డుతొలగవలసినదని సవినయంగా భక్తితో ప్రార్థించారట.
ఆరాత్రి ఆరెండు వృక్షములు వెనుకకు తగ్గగా కట్టడములను నిర్మింపజేశారట. నేడు ఈవృక్షములు గలప్రాకారాన్ని చంపక ప్రాకారమని ఆబావిని పూలబావియని వ్యవహరిస్తున్నారు.
రామానుజులవారు ఈ వృత్తాన్తాన్ని విని ఆరెండు వృక్షములు ఆదిశేషాంశములని భావించి వానికిని నిత్య తిరువారాధన జరిగేలా నియమించినారట.
మరియొకప్పుడు "వీరనరసింహదేవరాయలు" అను రాజు తిరుమలైకు యాత్రగా వచ్చి స్వామిని సేవించి స్వామికి గోపురము నిర్మించాలని సంకల్పించి పెద్దల అనుమతితో గోపురం కట్టనారంభించినారట.
ఒకరోజు రాత్రి ఒక సర్పం ఆరాజు కలలో కనిపించి "రాజా! నీవు ఈగోపురము నిర్మిస్తుంటే నాశరీరం నానా బాధలు పడుతున్నది" అని పలికిందట. రాజు ఆశ్చర్యపడి మరునాడు స్వామిని సేవింపగా ఆ సర్పం స్వామియొక్క వైకుంఠ హస్తమును చుట్టుకొని దర్శనమిచ్చి అంతర్ధానమైనదట.
ఆ సన్నివేశం చూచిన రాజు ఆ పర్వతం ఆదిశేషుడే యని విశ్వసించి గోపుర నిర్మాణమును అంతటితో ఆపివేసినాడు. ఆ వృత్తాన్తమును విన్నపెద్దలు స్మారకంగా స్వామివారికి స్వర్ణనాగాభరణమును సమర్పించినారట. రామానుజులవారు దానిని విని రెండవ శ్రీహస్తమునకును నాగాభరణం సమర్పింపజేసినారట.
స్వామి పుష్కరిణీ తీరంలో శ్రీశంకరాచార్యులవారికి శ్రీనరసింహస్వామి సాక్షాత్కరించి నందువలన అచట శ్రీనరసింహస్వామి సన్నిధియుండెడిది.
కానీ లక్ష్మీసాహచర్యం లేనందువలన ఆస్వామి మహోగ్రంగా యుండె వారట. అందుచే వారిని ఆరాధింపరాదని కొందరు పలుకగా రామానుజులవారు అదిసరికాదని భావించి ఆస్వామిని శ్రీవేజ్కటాచలపతి సన్నిధి ప్రాకారములోనే ఈశాన్య దిక్కున విమానాభిముఖముగా ప్రతిష్ఠింపజేసి వారికి నిత్య తిరువారాధన జరిగేలా ఆదేశించినారట.
ఇట్లే పురాణ ప్రసిద్ధి ననుసరించి కొండనెక్కే మార్గంలోను నరసింహమూర్తిని ప్రతిష్ఠింపజేసి వారికి నిత్య తిరువారాదన జరిగేలా ఆదేశించారట.
శత్రువుల వలన కలిగిన ఒక మహోపద్రవ సమయంలో తిల్లై తిరుచ్చిత్తర కూడమున (చిదంబరం) వేంచేసియున్న గోవిందరాజస్వామి ఉభయదేవేరులతో
తిరుపతికి వేంచేసి మలై ఆదివారంలో కొంతకాలం ఆరాధింపబడినారట.
అట్లె శ్రీరంగము నుండి నంబెరుమాళ్ళు (శ్రీరంగనాథులు) దెవెరులతో తిరుమలైకు వేంచేసి ద్వజస్తంభమున కెదురుగనుండు రంగమండపమున కొంతకాలం భక్తులకు సేవసాయించినారట.
ఈ సన్నిధిలో స్నపన బేరముగా నున్న "అలగప్పిరానార్" అనుమూర్తియే శయ్యా బేరముగను సేవలనందుకొనుచున్నారు. కాని దనుర్మాసం నెలరోజులు మాత్రం శ్రీవైఖానసాగమం ప్రకారం శ్రీకృష్ణమూర్తియే శయ్యా బేరముగ శయన సేవను అనుగ్రహించు చుండును.
*శ్రీ వేంకటేశ్వరుని దివ్య లీలల లో మరికొన్ని తదుపరి సంపుటిలో తెలుసుకుందాం.🙏*
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
🪔 ॐ卐 *_-|¦¦|సుభాషితమ్|¦¦|-_* ॐ卐 💎
*శివస్తుతి - 4*
*_వందే భూరథమంబుజాక్షవిశిఖం వందే శ్రుతీఘోటకం౹_*
*_వందే శైలశరాసనం ఫణిగుణం వందేఽబ్ధితూణీరకం౹_*
*_వందే పద్మాజసారథిం పురహరం వందే మహాభైరవం౹_*
*_వందే భక్తజనాశ్రయం చ వరదం వందే శివం శంకరం౹౹_*
*భూమిని రథముగా, విష్ణువును బాణముగా, వేదములను కీటకముగా, మేరు పర్వతమును ధనుస్సుగా, నాగరాజును తీగగా, బ్రహ్మను సారథిగా కలిగి త్రిపురములను నాశనము చేసిన వాడు, మహా భైరవుడు, భక్త జనులకు ఆశ్రయుడు, వరములిచ్చే వాడు అయిన శివునకు, శంకరునకు నా పరి పరి వందనములు* . ....
🧘♂️🙏🪷 ✍️🙏
*శ్రీమ‌తే రామానుజాయ న‌మ:*
*శ్రీశ్రీశ్రీ త్రిదండి శ్రీమన్నారాయణ రామానుజ చిన్నజీయరు స్వామివారి మంగళాశాసనాలతో*
*ఆప‌దామ‌ప‌హ‌ర్తారం దాతారం స‌ర్వ సంపదాం*
*లోకాభిరామం శ్రీరామం భూయో భూయో* *న‌మామ్య‍హం*
గురువారం, అక్టోబరు 5, 2023
శ్రీ శోభకృత్ నామ సంవత్సరం
దక్షిణాయనం - వర్ష ఋతువు
భాద్రపద మాసం - బహుళ పక్షం
తిథి:షష్ఠి ఉ8.47 వరకు
వారం:గురువారం (బృహస్పతివాసరే)
నక్షత్రం:మృగశిర రా11.28 వరకు
యోగం:వ్యతీపాతం ఉ10.28 వరకు
కరణం:వణిజ ఉ8.47 వరకు తదుపరి విష్ఠి రా8.59 వరకు
వర్జ్యం:ఉ.శే.వ6.07వరకు
దుర్ముహూర్తము:ఉ9.50 - 10.38 &
మ2.35 - 3.22
అమృతకాలం:మ2.22 -4.01
రాహుకాలం:మ1.30 - 3.00
యమగండ/కేతుకాలం:ఉ6.00 - 7.30
సూర్యరాశి: కన్య
చంద్ర రాశి: వృషభం/ మిథునం
సూర్యోదయం:5.54
సూర్యాస్తమయం: 5.46
*శ్రీమ‌తే రామానుజాయ న‌మ:*
*మఱ్ఱిపల్లి శ్రీధరాచార్యులు*
*మిట్టాపల్లి*
*1944*
*కం*
మంచిని చేయుచు నొరులకు
మంచి ని బోధించినంత మంచి ఫలించున్.
సంచితముగ మంచిగుణము
పెంచగ జగమెల్ల నెపుడు వెలుగు ను సుజనా.
*భావం*:-- ఓ సుజనా! మనం ఆచరిస్తూ మంచి ని బోధిస్తే అది సత్ఫలితాలను ఇస్తుంది. మంచి ని పెంచడం వలన ఎల్లప్పుడూ ఈ ప్రపంచం వెలుగుతుంది.
*** *కొంపెల్ల శ్రీనివాస శర్మ*
🌹🌹🌹🌹🌷🌷🌷🌹🌹🌹🌹
*🌹శ్రీ వేంకటేశ్వర దివ్య చరిత్ర-66🌹*
*ఆచార్యుల అనుభవాలలో తిరుమల*
🍁🍁🍁🍁🍁🍁🍁🍁🍁🍁
భగవద్రామానుజులకు ఆచార్యులైన పెరియ తిరుమల నంబిగారు (రామానుజాచార్యుడు) తమ ఆచార్యులైన ఆళవన్దారుల ఆదేశానుసారం ఇక్కడే వేంచేసియుండి తీర్థకైంకర్యంతో పాటు అనేక కైంకర్యాలను స్వామి సన్నిధిలో చేయుచుండెడివారు.
ఒక నాడు వీరు పాపనాశనం నుండి తిరుమంజనం తీర్థం తెచ్చుచుండగా స్వామి మారువేషంలో వచ్చి "తాతా! దాహంగా ఉంది కాస్త తీర్థం ఇవ్వవూ" అని ప్రార్థించి వీరొసంగిన తీర్థం కడుపార త్రావి నిజరూపంతో సాక్షాత్కరించాడు.
కావుననే వీరిని "పితామహస్యాపి పితామహాయ" అంటారు సంప్రదాయ వేత్తలు (అహంహి సర్వలోకానాం మాతాథాతా పితామహ:అని చెప్పిన సర్వేశ్వరునిచే "తాతా" అని పిలువబడుటచే పితామహునకు కూడా పితామహుడై నారు)
*తిరుమలై అనన్దాళ్వాన్ అను మహనీయులు రామానుజుల వారి శిష్యులు.*
వీరు ఆచార్యాజ్ఞను శిరసావహించి తిరుమలలో వేంచేసి యుండి నందనవనమును పెంచి పెరుమాళ్లకు పుష్ప కైంకర్యము చేసెడివారు.
వీరు ఆనాడు పెంచి పోషించిన నందనవనం నేటికిని అనన్తాళ్వాన్ తోటగా ప్రసిద్దమై నానాపుష్పలతా గుల్మతరుశోబితమై అలరారు చున్నది.
వీరి యీ కైంకర్యమునకు సంతసించిన భగవద్రామానుజులు వీరిని "అనన్దాన్ పిళ్ళై" అని అనేవారట.
ఒక పర్యాయం పద్మావతీ శ్రీనివాసులు రాజకుమారిక రాజకుమారుల వేషంలో అనన్దాళ్వాన్ తోటలోని పుష్పములను కోసికొని అలంకరించుకొంటున్నారు. ఇంతలో అనన్దాళ్వాన్ రావడం చూచి వారు సన్నిధికి అప్రదక్షిణంగా పరుగెత్తి ఉద్యానవనం దగ్గర అంతర్థానమై నారట. దీనికి సూచకంగా బ్రహ్మోత్సవాలలో ఏడవరోజు స్వామివారు అప్రదక్షిణంగా ఉద్యానవనంలోనికి వేంచేస్తారట.
*భగవద్రామానుజుల కైంకర్యములు*
భగవద్రామానుజులు ఈ సన్నిధిలో గావించిన కైంకర్యములు అనేకములు.
అవినేటికిని మనకు మనకు దర్శనీయములై యున్నవి.
వీరు వేంకటాచలపతికి శంఖచక్రములను ప్రసాదించారు. స్వామి వక్షస్థలమున ద్విభుజయగు వ్యూహ లక్ష్మిని శుక్రవారం ద్వాదశి ఉత్తర ఫల్గునీ నక్షత్రముతో కూడిన రత్నమాలికా యోగమున సమర్పింప జేసినారు.
కావుననే ప్రతి శుక్రవారం స్వామికి తిరుమంజనం జరుపుచున్నారు.
పూర్వం ఈస్వామి బ్రహ్మోత్సవములు "తిరుచానూరు" (తిరుచ్చుగనూరు) లో జరిగేవట-
కానీ రామానుజులవారు ఈ ఉత్సవములు కొండమీదనే జరిగేలాగున అచటి సన్నిధి చుట్టు వీధులను నిర్మింపజేసి భక్తులకు అవాస యోగ్యము గావించి అది మొదలు స్వామి వారి బ్రహ్మోత్సవాలు అక్కడే జరిగేటట్లు చేశారు.
ఈ సన్నిధిలో కౌతుక బేరంగా ఉండిన "మలైకువియా నిన్ఱపెరుమాళ్ళను" ఉత్సవమూర్తిగాను అప్పటివరకు ఉత్సవమూర్తిగా ఉండిన "వేంగడత్తుఱైవార్" అనువారిని కౌతుక బేరంగాను ఆలయ వైభవాభివృద్ధికై మార్పు చేయించినారట రామానుజులవారు.
ఈ "మలైకువియా నిన్ఱ పెరుమాళ్లనే" మలైయప్పన్ అని అంటారు.
ఇట్లే ఈ సన్నిధిలో అర్చకులుగా "శెంగవిరాయన్" అను వైఖానస ఆచార్య సత్తముల వంశీయులే ఉండవలయునని నియమించారు.
స్వామి పుష్కరిణీ తీరమునగల వరాహ ప్పెరుమాళ్ల సన్నిధిలో ఉత్సవమూర్తిని ప్రతిష్ఠించి తులా (అల్పిశి) మాసం శ్రవణం నాడు తిరునక్షత్రోత్సవమును నిత్య తిరువారాదనమును యథావిధిగా జరుగునట్లు కట్టడి చేసారు.
ఒకప్పుడు ఈ ఆలయం శత్రు సమాకాస్తం కాగా పర పురుష స్పర్శనొల్లని పెరియపిరాట్టి (శ్రీదేవి) స్వామి వక్షస్థలమును చేరగా భూపిరాట్టి (భూదేవి) ఉద్యానవనమున గల " అళగప్పిరానార్" " అను బావియందు ప్రవేశించినారట.
శ్రీ ఆళవందారులు తిరుమలైకి వేంచేసినపుడు ఒక సందర్భంలో "మారిమారాద తణ్ణమ్మలై" అనునట్లు సంతత వర్షాతిశయమును చూచి ఇట్టి వర్షాతిశయ సమయములలో తిరుమంజన తీర్థము పాపవినాశం నుండి తేనవసరం లేదని ఈ నందనో ద్యానమునగల " అళగప్పిరానార్" " అను ఈ బావితీర్థమును వినియోగింప వచ్చునని ఆనతిచ్చిరట.
ఈ బావికి "అళగప్పిరానార్" అను దివ్యనామము నుంచినవారు శ్రీఆళవందారులే. స్వామి రామానుజులు ఆనామమునే స్థిరపరచి దాని సమీపంలో భూదేవిని శ్రీనివాసమూర్తిని ప్రతిష్ఠింపజేసినారు.
ఈ బావిని త్రవ్వించినవాడు రంగదాసు అను గొప్ప భక్తుడు. అతడు స్వామివారికి ఆలయ ప్రాకార గోపురాదులను నిర్మింప సంకల్పించి ప్రాకార నిర్మాణమునకు అడ్డుగా ఉన్న తింత్రిణీ వృక్షమును; (ఈ నిర్ణిద్ర తింత్రిణీ వృక్షము క్రిందినే స్వామి వేంచేసియుండేవారు) స్వామి దక్షిణ పార్శ్వమున అమ్మవారు వేంచేసియున్న చంపక వృక్షమును అడ్డుతొలగవలసినదని సవినయంగా భక్తితో ప్రార్థించారట.
ఆరాత్రి ఆరెండు వృక్షములు వెనుకకు తగ్గగా కట్టడములను నిర్మింపజేశారట. నేడు ఈవృక్షములు గలప్రాకారాన్ని చంపక ప్రాకారమని ఆబావిని పూలబావియని వ్యవహరిస్తున్నారు.
రామానుజులవారు ఈ వృత్తాన్తాన్ని విని ఆరెండు వృక్షములు ఆదిశేషాంశములని భావించి వానికిని నిత్య తిరువారాధన జరిగేలా నియమించినారట.
మరియొకప్పుడు "వీరనరసింహదేవరాయలు" అను రాజు తిరుమలైకు యాత్రగా వచ్చి స్వామిని సేవించి స్వామికి గోపురము నిర్మించాలని సంకల్పించి పెద్దల అనుమతితో గోపురం కట్టనారంభించినారట.
ఒకరోజు రాత్రి ఒక సర్పం ఆరాజు కలలో కనిపించి "రాజా! నీవు ఈగోపురము నిర్మిస్తుంటే నాశరీరం నానా బాధలు పడుతున్నది" అని పలికిందట. రాజు ఆశ్చర్యపడి మరునాడు స్వామిని సేవింపగా ఆ సర్పం స్వామియొక్క వైకుంఠ హస్తమును చుట్టుకొని దర్శనమిచ్చి అంతర్ధానమైనదట.
ఆ సన్నివేశం చూచిన రాజు ఆ పర్వతం ఆదిశేషుడే యని విశ్వసించి గోపుర నిర్మాణమును అంతటితో ఆపివేసినాడు. ఆ వృత్తాన్తమును విన్నపెద్దలు స్మారకంగా స్వామివారికి స్వర్ణనాగాభరణమును సమర్పించినారట. రామానుజులవారు దానిని విని రెండవ శ్రీహస్తమునకును నాగాభరణం సమర్పింపజేసినారట.
స్వామి పుష్కరిణీ తీరంలో శ్రీశంకరాచార్యులవారికి శ్రీనరసింహస్వామి సాక్షాత్కరించి నందువలన అచట శ్రీనరసింహస్వామి సన్నిధియుండెడిది.
కానీ లక్ష్మీసాహచర్యం లేనందువలన ఆస్వామి మహోగ్రంగా యుండె వారట. అందుచే వారిని ఆరాధింపరాదని కొందరు పలుకగా రామానుజులవారు అదిసరికాదని భావించి ఆస్వామిని శ్రీవేజ్కటాచలపతి సన్నిధి ప్రాకారములోనే ఈశాన్య దిక్కున విమానాభిముఖముగా ప్రతిష్ఠింపజేసి వారికి నిత్య తిరువారాధన జరిగేలా ఆదేశించినారట.
ఇట్లే పురాణ ప్రసిద్ధి ననుసరించి కొండనెక్కే మార్గంలోను నరసింహమూర్తిని ప్రతిష్ఠింపజేసి వారికి నిత్య తిరువారాదన జరిగేలా ఆదేశించారట.
శత్రువుల వలన కలిగిన ఒక మహోపద్రవ సమయంలో తిల్లై తిరుచ్చిత్తర కూడమున (చిదంబరం) వేంచేసియున్న గోవిందరాజస్వామి ఉభయదేవేరులతో
తిరుపతికి వేంచేసి మలై ఆదివారంలో కొంతకాలం ఆరాధింపబడినారట.
అట్లె శ్రీరంగము నుండి నంబెరుమాళ్ళు (శ్రీరంగనాథులు) దెవెరులతో తిరుమలైకు వేంచేసి ద్వజస్తంభమున కెదురుగనుండు రంగమండపమున కొంతకాలం భక్తులకు సేవసాయించినారట.
ఈ సన్నిధిలో స్నపన బేరముగా నున్న "అలగప్పిరానార్" అనుమూర్తియే శయ్యా బేరముగను సేవలనందుకొనుచున్నారు. కాని దనుర్మాసం నెలరోజులు మాత్రం శ్రీవైఖానసాగమం ప్రకారం శ్రీకృష్ణమూర్తియే శయ్యా బేరముగ శయన సేవను అనుగ్రహించు చుండును.
*శ్రీ వేంకటేశ్వరుని దివ్య లీలల లో మరికొన్ని తదుపరి సంపుటిలో తెలుసుకుందాం.🙏*
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🌺🌹🌺🌹🌺🌹🌺🌹🌺🌹
🌹🌹🌹🌹🌷🌷🌷🌹🌹🌹🌹
. *🪐నవగ్రహా పురాణం🪐*
. *44వ అధ్యాయం*
*పురాణ పఠనం ప్రారంభం*
🪐🪐🪐🪐🪐🪐🪐🪐🪐🪐
*బుధగ్రహ జననం - 7*
కూర్చోబోతున్న చంద్రుడి చూపులు ఆశ్రమం వైపు
ఒక్కసారిగా దూసుకు వెళ్ళాయి. వాతాయనం ముందు నిలుచుని తీక్షణంగా చూస్తున్న తార , గిరుక్కున వెనుదిరిగింది.
అర్ధరాత్రి దాటింది. చంద్రుడు పొదరింటి సమీపంలో అసహనంగా అటూ ఇటూ తిరుగుతున్నాడు. తార. ఎందుకు రాలేదు ? వస్తుందా ? రాదా ? వస్తానంటూ సంకేతం ద్వారా సందేశం అందించిందే ! బృహస్పతి మీద ఎందుకో కోపమొస్తోందతనికి.
ఇలా తిరుగుతూ ఉంటే - విద్యార్థులో , పరిచారికో - ఎవరైనా చూసే అవకాశం ఉంది ! చంద్రుడు... ఆ ఆలోచన తట్టిన వెంటనే పొదరింట్లోకి దూరాడు.
ఉన్నట్టుండి గాలి సరికొత్త సౌరభాన్ని మోసుకొచ్చింది. ఇంతసేపూ ఆ ప్రదేశంలో లేని ఆ కొత్త సువాసనను వెంబడిస్తూ సన్నగా , లీలగా... అందెల సవ్వడి ! చంద్రుడి హృదయం ఉత్సాహంతో స్పందించింది.
*"చంద్రా !"* తార తగ్గు స్వరంతో పిలిచింది.
చంద్రుడు పొదరింట్లోంచి అవతలకి వెళ్ళాడు. వేగంగా తార అతని దగ్గరగా నడిచింది. తార కంటే ముందుగా , ఆమె పైట కొంగు గాలికి ఎగురుతూ , చంద్రుడి వైపు దూసుకుంటూ వచ్చింది. చంద్రుడనే గండు చేపను పట్టడానికి తార విసరిన వలలా - ఆ పైట చంద్రుడి ముఖాన్ని కప్పింది. పైటను వెంటాడుతూ వచ్చిన తార తనువు చంద్రుడి శరీరాన్ని తాకింది.
తక్షణం యాంత్రికంగా ఆమె చేతులు అతడినీ , అతడి చేతులు ఆమెనూ చుట్టేశాయి. తార పెదవులు చంద్రుడి చెవి దగ్గరగా కదుల్తూ గుసగుసగా 'చంద్రా !' అన్నాయి. సమాధానం అందజేస్తూ చంద్రుడు తన చెవిని ఆమె పెదాలకేసి నొక్కాడు.
ఇద్దరి ఆలోచనలూ ఒక్కటిగానే ఉన్నట్టు , ఇద్దరి శరీరాలు ఒకే విధంగా ప్రతిస్పందిస్తునట్టూ - అసంకల్పితంగా ఒకర్నొకరు నడిపించుకుంటూ పొదరింట్లోకి వెళ్ళారు. ఇద్దరూ ఒకరి పక్కన ఒకరు కూర్చున్నారు.
*"తారా..."* చంద్రుడు బరువుగా అన్నాడు. *"ఈ రెండు రోజులూ అంతులేనివిగా అనిపించాయి...”*
*"మనం జాగ్రత్తగా నడుచుకోవాలి... లేకపోతే ప్రమాదం ! అందుకే... రాలేదు...”* తార అంది.
*"తారా !”* చంద్రుడు మత్తుగా, పారవశ్యంతో పిలిచాడు. *"నిన్ను అలా పిలుస్తూనే ఉండాలనిపిస్తోంది !".*
తార చెయ్యి ప్రేమలతలా కదిలి , చంద్రుడి మెడ చుట్టూ అల్లుకుని , అతన్ని కిందికి లాగింది. చంద్రుడు వాలాడు. క్షణంలో తార ఒడిలో.
*“నిన్ను నోరారా పిలవాలనిపిస్తోంది...కానీ..నా పిలుపు ఇక్కడ ఇతర్లు వింటారేమో అన్న భయం నన్ను పీడిస్తూనే ఉంటుంది !”* చంద్రుడు ఆవేశంగా అన్నాడు.
తార చెయ్యి చంద్రుడి జుత్తును ప్రేమగా నిమిరింది. *"మనది రహస్య ప్రణయం. ఇలాగే చాటుమాటుగా... "*
చంద్రుడు ఆవేశంగా లేచి కూర్చున్నాడు. *"అది నాకు నచ్చదు !"* అతని కంఠంలో ఆవేశం గంటలా ధ్వనించింది. *"వడ్డించిన విస్తరి ముందు చేతులు కట్టివేయబడి కూర్చోవడం నాకు నచ్చదు.”*
"చంద్రా !"
*"నువ్వూ... నేనూ... అంతే ! మరెవ్వరూ ఉండకూడదు. మనల్ని ఎవ్వరూ - చాటుగా అయినా సరే - చూడకూడదు. మన మాటల్ని వినకూడదు.”*
తార చేత్తో చంద్రుడి బుగ్గ నిమిరింది. *“నువ్వు వర్ణిస్తుంటే - అలా ఉండాలని , శాశ్వతంగా అలాగే ఉండిపోవాలనీ నాకు అనిపిస్తోంది , తెలుసా ?"*
*"తారా ! నిన్ను...నాతో తీసుకెళ్ళిపోతాను !"* చంద్రుడు ఉద్రేకంతో అన్నాడు.
*“ఎక్కడికి ?”*
*“నాకు నువ్వూ , నీకు నేనూ మాత్రమే కనిపించే చోటికి !"*
*“ఎక్కడికి ?”* తార ప్రశ్నతో నవ్వు జత కలిపింది.
*“మనిద్దర్నీ ఎవ్వరూ చూడలేని...”*
*“ఎక్కడికి ?”*
*“మనిద్దర్నీ ఒక్కటిగా ఉంచే ఏకాంత ప్రదేశానికి !”*
*“ఎక్కడికి ?”* తార తన రెండు చేతుల్తో చంద్రుడి ముఖాన్ని , తన వైపు తిప్పుకుని , నవ్వుతూ అడిగింది.
*"నా మందిరానికి !”*
*"నీ మందిరమా !"* తార కంఠంలో ఆశ్చర్యం ధ్వనించింది. *“నీ తల్లిదండ్రులు ఆశ్రమానికా ?”*
*“కాదు. నా మందిరానికి ! నా కోసం విశ్వకర్మ మందిరం నిర్మించాడు ! విద్యాభ్యాసం పూర్తయ్యాక , వివాహం చేసుకుని , నేను ఆ మందిరంలో నివాసం ప్రారంభించాలి... "*
*"ఓహ్...”*
*“నా విద్యాభ్యాసం ఇక్కడికి వచ్చిన రోజే - ఆశ్రమ వాతాయనంలో నీ కళ్ళను చూసిన క్షణంలోనే పూర్తయింది !"* చంద్రుడు నవ్వుతూ అన్నాడు.
ప్రతిస్పందనగా తార అరచేతులు చంద్రుడి బుగ్గల్ని సున్నితంగా నొక్కాయి. చంద్రుడి అరచేతులు ఆమె చేతుల మీదికి చేరి , నిమురుతున్నాయి.
*"వివాహం... అది కూడా అయిపోయింది ! నీతో ! నీ చెయ్యి పట్టుకున్నాను. పాణిగ్రహణం అయిపోయింది ! త్వరలో నిన్ను రహస్యంగా తీసుకెళ్ళిపోతాను. దాంతో'రాక్షసం' కూడా అయిపోతుంది !"*
*"చంద్రా...”* తార కంఠంలో పారవశ్యం జీరగా ధ్వనిచేసింది.
*"నువ్వు నా కోసమే పుట్టావు. నా కోసమే బృహస్పతిని పెళ్లి చేసుకున్నావు. నా కోసమే దాంపత్య శిల్పం నేర్చుకుని , సిద్ధంగా ఉన్నావు !"*
ఏదో ఆవేశం , ఏదో ఉద్రేకం తారని చంద్రుడి కౌగిలిలోకి తోసింది. అతని చెవి దగ్గరగా ఆమె పెదవులు కదుల్తున్నాయి. *"మొదట్లో నీకు మాటలు రావేమో అనుకున్నాను. భయపడి పారిపోతావేమో అనుకున్నాను. నిన్ను... నీ సౌందర్యాన్ని నా దారికి తెచ్చుకోగలనో , లేనో అని నాలో నేనే నలిగిపోయాను. కానీ... ఎంత త్వరగా - ఎంతగా ఎదిగిపోయావ్ !".*
*"ఎప్పుడు ఎదిగానో చెప్పనా ?"* చంద్రుడు తార చెవిలో అన్నాడు. చెప్పమన్నట్టు తార చెంప అతని చెంపను నొక్కింది.
*"సౌందర్యరాశి అయిన తార కౌగిలిలో మొదటి సారిగా ఒదిగినప్పుడు , ఎదిగిపోయాను !"*
*"మీ గురుదేవులు రేపు ఉదయం... ఇంద్రసభకు వెళ్తున్నారు..."* తార ఉన్నట్టుండి. మాట మారుస్తూ అంది.
*“శుభసూచన ! ఆయన అలా నిష్క్రమించాక , విద్యార్థులు సమిధల కోసం అరణ్యానికి వెళ్తారు. పుంజికస్థల జల గ్రహణం కోసం నదికి వెళుతుంది"* చంద్రుడు సాలోచనగా అన్నాడు.
*"మనిద్దరం..." అంటూ ప్రశ్నార్థకంగా అంది తార.*
*"ఒక్కటై - పోదాం ! ఒక్కటైపోదాం !".*
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🪐🪐🪐🪐🪐🪐🪐🪐🪐🪐
🍁🍁🍁🍁🍁🍁🍁🍁🍁🍁
. *🌹చారిత్రాత్మక కథాస్రవంతి🌹*
. *ఓం నమో భగవతే రామకృష్ణాయ*
. *🚩శ్రీ వివేకానందస్వామి🚩*
. *🚩జీవిత గాథ🚩*
*భాగం 55*
🍁🍁🍁🍁🍁🍁🍁🍁🍁🍁
అమ్మమ్మ వాళ్ళఇంట్లో నరేంద్రుని చదుకొనే గదికి శ్రీరామకృష్ణులు అప్పుడప్పుడు వెళ్లీనప్పుడు ఆధ్యాత్మిక సాధనల గురించి అనేక విషయాలను ఉపదేశించేవారు. తల్లితండ్రుల నిర్బంధం కారణంగా వివాహబంధంలో చిక్కుకోవద్దని అతడ్డి హెచ్చరించేవారు; బ్రహ్మచర్య మహత్వాన్ని తెలియజెప్పేవారు. "పన్నెండు సంవత్సరాలు అవిచ్ఛిన్నంగా బ్రహ్మచర్యం పాటిస్తే మేధానాడి జనిస్తుంది. అందువలన సూక్ష్మమయిన, అతి సూక్ష్మమైన విషయాలలో చొచ్చుకొనిపోయి వాటినన్నిటినీ కూలంకషంగా అవగతం చేసుకోగలుగుతాడు.
ఈ మేధాశక్తి సహాయంతోనే భగవదనుభూతి పొందడం సాధ్యమవుతుంది. ఇటువంటి పావనమైన బుద్ధిగల వ్యక్తికి మాత్రమే భగవంతుడు దర్శనమిస్తాడు" అంటూ వివరించేవారు..
శ్రీరామకృష్ణులు సాన్నిహిత్యం వలననే నరేంద్రుడు వివాహానికి విముఖంగా ఉన్నాడని అతడి ఇంట్లోనివారు భావించారు. ఈ విషయంగా నరేంద్రుడు ఇలా చెప్పాడు: "ఒక రోజు అలవాటు ప్రకారం శ్రీరామకృష్ణులు నేను చదువుకొనే గది లోకి వచ్చి బ్రహ్మచర్యం గురించి మాట్లాడుతున్నారు. రహస్యంగా మా అమ్మమ్మ ఆ మాటలు విని, నా తల్లితండ్రులతో చెప్పేసింది. ఒక సన్న్యాసితో మెలగుతున్న నేను కూడా సన్న్యాసం పుచ్చుకొంటానేమోనని భయపడి ఆ రోజు నుండి వివాహపు ఏర్పాట్లు తీవ్రతరం చేశారు మా వాళ్ళు. కానీ ఏం ప్రయోజనం?
శ్రీరామకృష్ణుల దివ్యసంకల్పం ముందు వారి ప్రయత్నాలన్నీ నిష్పలమయ్యాయి. కొన్ని సంబంధాలు ఖాయమై, ఇక వివాహమే తరువాయి అనే స్థితికి కూడా వచ్చాయి. కాని ఏదో చిన్న విషయంలో రెండు కుటుంబాల మధ్య భేదాభిప్రాయం తలెత్తి వివాహం ఆగిపోయేది."
నరేంద్రుడు తరచు శ్రీరామకృష్ణుల వద్దకు వెళ్లడం ఇంట్లో ఎవరికీ ఇష్టం లేక పోయినా, అతడితో ఆ విషయం ప్రస్తావించడానికి ఎవరికీ ధైర్యం లేదు. "ఇది చెయ్యి, అది చెయ్యవద్దు" అంటూ నియమాలు విధిస్తే పర్యవసానం విపరీతంగా ఉంటుందని ఇంట్లో వారికి తెలియకపోలేదు. కనుక నరేంద్రుడు శ్రీరామకృష్ణుల4 వద్దకు నిరాటంకంగా వెళ్లగలిగాడు.🙏
*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*
🍁🍁🍁🍁🍁🍁🍁🍁🍁🍁
👉 *రేపటి తరానికి బతుకు, భద్రత లతోపాటు భారతీయత కూడా నేర్పండి.*
🌺🌹🌺🌹🌺🌹🌺🌹🌺🌹
