ఃఃఃఃఃః ఆలోచనాలోచనాలు ఃఃఃఃఃః ***** చాలాకాలం క్రిందట "" కీ"" ఇస్తే నడిచే పెద్ద, పెద్ద గోడయారాలు ఇండ్లలో దర్శనం ఇస్తూ వుండేవి. వాటి దిగువ భాగంలో "ఒక పెండ్యులం" (లోలకం) అటూ, ఇటూ తిరుగుతూ భలే తమాషాగా ఉండేది. ఇప్పుడు అసలు విషయంలోకి వద్దాం. జీవితం కూడా ఒక లోలక గడియారమే! నిరంతరం ఆశానిరాశల మధ్య ఊగిసలాటే! ఏదీ స్థిరంగా ఉండదు. ***** ఆశావాది కొత్త పెండ్లికొడుకులా, "" అప్పుడే తెల్లారిపోయిందా?"" బోలెడంత సంబరపడిపోతాడు. మరి నిరాశావాదేమో, ""అప్పుడే తెల్లవారి చచ్చిందా?"" అని తెగ నిరాశలో కృంగిపోతుంటాడు. ఆశావాది "" ఏది జరిగినా? అదంతా మన మంచికే!"" అని తీర్మానించి, నిబ్బరంగా వుంటాడు. నిరాశావాదికి "" అన్నీ మన చెడుకొరకే!""అనిపించి క్రుంగిపోతుంటాడు. ఆశావాది మరచిపోవడానికి నవ్వుతాడు. నిరాశావాదేమో నవ్వడమే మరచిపోతుంటాడు. ఆశావాది ప్రతి కష్టంలోను, ఒక అవకాశాన్ని వెతికే పనిలో ఉంటాడు. నిరాశావాదేమో ప్రతి అవకాశం లోనూ కష్టాల సంఖ్యలను గణిస్తూ కాలాన్ని గడుపుతుంటాడు. నిరాశావాది వలలో బంధింపబడి, ప్రాణం పోగొట్టుకొన్న చేపవలె ఉంటే, ఆశావాది బెస్తవాని తట్టనుండి అమ్మబడినా, నాకు ప్రాణభిక్ష పెట్టమని పోరాడే చేపలాగా గిలగిలా కొట్టుకొంటూ తన ప్రయత్నం తాను చేస్తూవుంటాడు. ***** సగం నీటితో కూడిన గాజుగ్లాసు వుంది. సగం నిండుగా ఉన్నందుకు, ఆశావాది సంతోషిస్తాడు. సగం వెలితిగా ఉన్నందుకు నిరాశావాది దుఃఖిస్తాడు. సూర్యోదయం అయినందుకు ఆశావాది సంతోషిస్తే, నిరాశావాది ఆ సూర్యోదయం శాశ్వతంగా అట్లే నిలచివుండనందుకు విచారసాగరంలో మునిగిపోతాడు. ఒకటి మాత్రం సత్యం. సూర్యోదయం అవుతుంది. అది శాశ్వతంగా అట్లాగే నిలచివుండదు. ఇది యదార్థ వాది విశ్లేషణ. మనం యదార్థవాదులుగ మన జీవితాలను కొనసాగిద్దాం. ~ ~ ~ ~ ~ ~ ~ ~ ~ ~ ~ ~ ~ ~ ~. Answers to sharpen your mind! 1* Bearing 2* Redemption 3* When you are looking at a clock 4* A Donut ~ ~ ~ ~ ~ ~ ~ ~ ~ ~ ~ ~ ~ ~ ~ తెలుగు నుడికారం ( సామెతలు మరియు జాతీయాలు) 1* పిట్ట కొంచెం, కూత ఘనం. 2* పిచ్చుక మీద బ్రహ్మాస్త్రం. 3* పిల్లకాకికేంతెలుసురా? ఉండేలు దెబ్బ! 4* పిల్లికి చెలగాటం; ఎలుకకు ప్రాణసంకటం. 5* పొమ్మనలేక పొగబెట్టినట్లు! 6* పెనంమీది నుండి పొయ్యిలో పడ్డట్లు; 7* పులిని చూచి నక్క వాతలు పెట్టుకొన్నట్లు. 8* మనిషికొక మాట; గొడ్డుకొక దెబ్బ. 9* అడిగేవాడికెప్పుడూ చెప్పేవాడు లోకువ; 10* కాచిన చెట్టుకే కదా, రాళ్ళదెబ్బలు. తేది 7--10--2023, శనివారం, శుభోదయం.
7, అక్టోబర్ 2023, శనివారం
శ్రీ దేవీ భాగవతం
శ్రీ దేవీ భాగవతం
.శ్రీగణేశాయనమః.శ్రీసరస్వత్యైనమః శ్రీగురుదత్తాత్రేయపరబ్రహ్మణేనమః
శ్లో)వ్యాసాయ విష్ణురూపాయ వ్యాసరూపాయవిష్ణవే|
నమోవైబ్రహ్మనిధయే వాసిష్ఠాయనమోనమః||
శ్లో)నారాయణంనమస్కృత్య నరంచైవ నరోత్తమం|
దేవీంసరస్వతీం వ్యాసం తతోజయముదీరయేత్||
శ్లో)సృష్టౌ యా సర్గరూపా జగదవనవిధౌ పాలినీ యా చ రౌద్రీ
సంహారే చాపి యస్యా జగదిదమఖిలం క్రీడనం యా పరాఖ్యా |
పశ్యంతీ మధ్యమాథో తదను భగవతీ వైఖరీవర్ణరూపా
సాస్మద్వాచం ప్రసన్నా విధి హరి గిరిశారాధితాలంకరోతు||
శ్లో)కాత్యాయనిమహామాయే భవాని భువనేశ్వరి |
సంసారసాగరోమగ్నం మాముద్ధరకృపామయే||
బ్రహ్మ విష్ణు శివారాధ్యే ప్రసీదజగదంబికే|
మనోఽభిలషితందేవివరందేహినమోఽస్తుతే||
వ్యాసమహర్షీ! దమయంతి నా వానరముఖాన్ని చూసి ఏనాడూ మథనపడలేదు గానీ, సేవలు
చెయ్యడానికి ఆమె సమీపించినప్పుడల్లా నాలో నాకు ఏదో తెలియని దుఃఖం పొంగివచ్చేది. అలాగే
రోజులు దొర్లుతున్నాయి.
ఇలా ఉండగా ఒకనాడు ఎక్కడినుంచో పర్వతుడు హఠాత్తుగా ఊడిపడ్డాడు. తీర్థయాత్రలు
చేస్తూ నన్ను చూడడానికని వచ్చాడు. నేను ఎంతో ఆదరించి పూజించాను. ఆసనం సమర్పించాను.
దానిమీద కూర్చుని నా ముఖం చూస్తూ వలవలా విలపించాడు. కొంతసేపటికి తేరుకుని -
మామయ్యా! ఆవేళ కోపం పట్టలేక నిన్ను శపించాను. దానికి ఇప్పుడు నిష్కృతి చేస్తాను.
రాకుమారిని చూస్తూంటే జాలి కలుగుతోంది. తీర్థయాత్రలు చేసి సంపాదించిన పుణ్యంతో శాపప్రక్షాళనం
చేస్తున్నాను. నీ ముఖం మళ్ళీ యథాపూర్వకంగా అలరారుగాక అని శాపవిమోచనం అనుగ్రహించాడు.
మేనల్లుడి సౌజన్యానికి నేనూ ముగ్ధుణ్ణి అయ్యాను. నేనిచ్చిన శాపమూ అలాగే మరలించాను.
యథాపూర్వకంగా స్వర్గలోక సంచారం సిద్ధించుగాక అన్నాను.
ఆ క్షణంలోనే నాకు మామూలు ముఖం వచ్చేసింది. రాజదంపతులూ దమయంతీ ఎంతగానో
సంతోషించారు. ధనకనకవస్తువాహనాలు పారిబర్హంగా సమర్పించి సంబరపడ్డారు.
సత్యవతీనందనా! ఇన్ని అవస్థలు పడ్డాను నేను. ఇదంతా కేవలం మాయాశక్తి. మాయావృతమైన
ఈ అసత్య సంసారంలో సుఖపడుతున్నాను అన్న ప్రాణి నాకింతవరకూ కనిపించలేదు. ఇక ముందు
కనిపించే ఆశలేదు.
(27-48)
సంసారేఽస్మిన్ మహాభాగ! మాయా గుణకృతేఽనృతే |
తనుభృత్తు సుఖీ నాస్తి న భూతో న భవిష్యతి