వీడని నీడ తండ్రి.

 అంశం-నాన్న.

శీర్షిక-వీడని నీడ తండ్రి.

క్రమసంఖ్య-154.

సీసపద్యం.

కంటికి రెప్పలా కాపాడి కనిపెంచు

కనిపించు 'దైవమే' కన్నతండ్రి

దేహమ్ము జ్ఞానమ్ము దివ్యోపదేశాది

వరములనిచ్చు 'యమరుడు' తండ్రి

బుడిబుడి యడుగుల బుడతల నడకకు

స్ఫూర్తి గల్గించు 'విబుధుడు' తండ్రి

బరువులు భరియించి బ్రతుకు తెరువు జూపు

నవనీత సమ 'సుమనసుడు' తండ్రి

తేటగీతి.

ఆపదల వేళ కొండంత యండ తండ్రి

అడుగు తడబడు తరి సాయపడును తండ్రి

దుఃఖ దశలోను వెంటుండు తోడు తండ్రి

నిండు నిశినైన వీడని నీడ తండ్రి.

హామీ పత్రం.

పై పద్యం నా స్వీయరచన

పేరు-భోగయగారి. చన్ద్రశేఖర శర్మ

ఊరు-కుషాయిగూడ,హైదరాబాద్.

చరవాణి సంఖ్య-944౦౦44142.