తలుపులు

 తలుపులు

----------- 

మాట గొంతును గదిలో

ఎవరో గట్టిగా నొక్కేసినట్టున్నారు

తలుపు తెరుచుకుని వచ్చిన మౌనం 

బోరవిరుచుకు తిరుగుతోంది

నిశ్శబ్దపు దేవిడీలో 

పలుకు కరువైపోయిన 

బతుకు బరువైపోయిన పరిస్థితిలో

భావాలూ ఉద్వేగాలూ

కళ్ళజంటను ఆశ్రయించాయి 

కదలికల నాట్యంతో బహిరంగమవ్వాలనీ

పెదవులపై వాలిపోయాయి

వంపులతో వణుకులతో వ్యక్తమైపోవాలనీ 

ఓ తలుపు మూసుకుంది, సరే..!

మరో రెండు తెరుచుకున్నాయి, గమనించారా..?

        ...... శ్రీధర్ చౌడారపు (19.06.2021)